Suicide | భార్య మృతితో మనస్థాపానికి గురైన వృద్దుడి ఆత్మహత్య

కొవిడ్‌ కారణంతో ఏడాది క్రితం భార్య మృతి చెందడంతో తీవ్రమైన డిప్రెషన్‌లో ఉన్న వృద్దుడు ఆత్మహత్యకు పాల్పడిన ఘటన బంజారాహిల్స్​‍ పోలీస్ స్టేష‌న్ పరిధిలో చోటు చేసుకుంది.

బంజారాహిల్స్​‍ :  కొవిడ్‌ కారణంతో ఏడాది క్రితం భార్య మృతి చెందడంతో తీవ్రమైన డిప్రెషన్‌లో ఉన్న వృద్దుడు ఆత్మహత్యకు పాల్పడిన ఘటన బంజారాహిల్స్​‍ పోలీస్ స్టేష‌న్ పరిధిలో చోటు చేసుకుంది. పోలీసులు తెలిపిన వివరాల ప్రకారం..

బంజారాహిల్స్​‍ రోడ్‌ నెం 2లోని ఇందిరానగర్‌లో నివాసం ఉంటున్న ఎస్.బాలేష్‌ (60) పెయింటింగ్‌ పనులు చేస్తుంటాడు. ఏడాది క్రితం భార్య శంకరమ్మ కరోనాతో మృతి చెందడంతో బాలేష్‌ మనస్థాపానికి గురయ్యాడు. అప్పటినుంచి డిప్రెషన్‌లో ఉండడంతో పాటు మానసిక సమస్యలు ఎదుర్కొంటున్నాడు.

ఈ నేపథ్యంలో మంగళవారం అర్థరాత్రి ఇంట్లో ఎవరూలేని సమయంలో యాసిడ్‌ తాగి బాలేష్‌ ఆత్మహత్యాయత్నం చేశాడు. తెల్లవారుజామున కుటుంబ సభ్యులు అతడిని అపోలో ఆస్పత్రిలో చేర్చగా చికిత్స పొందుతూ మృతి చెందాడు. ఈ మేరకు బాలేష్‌ కొడుకు వెంకటేష్‌ బంజారాహిల్స్​‍ పోలీసులకు ఫిర్యాదు చేయడంతో కేసు నమోదు చేసి దర్యాప్తు చేపట్టారు.