5 నెలలుగా జీతాల్లేవ్
వాళ్లంతా చిన్నపాటి జీతంతో బతుకులీడ్చేవాళ్లు. సామాన్య ప్రజలకు వైద్యమందించే సర్కారు దవాఖానలను శుభ్రపరిచేవారు. ఆ ఆసుపత్రులను కాపుకాసేవారు. కా నీ వారి రెక్కల కష్టం విలువ నెలకు రూ. 11000లు మాత్రమే. ఆ జీతం కూడా ఐదు నెలలుగా ఆపేయడంతో వారంతా అ ప్పులు చేసి కుటుంబాలను పోషిస్తున్నారు.
- వైద్యవిధాన పరిషత్లో పస్తులుంటున్న పారిశుధ్య, పేషెంట్ కేర్, సెక్యూరిటీ సిబ్బంది
- గత ప్రభుత్వంలో సకాలంలో వేతనాలు
- 6 నెలలకోసారి జీతాలిస్తున్న కాంగ్రెస్ సర్కారు
- అప్పులతో కుటుంబాలకు నెట్టుకొస్తున్న వైనం
- వేతనాలు వెంటనే విడుదల చేయాలని విజ్ఞప్తి
సిటీబ్యూరో, జూన్15, (నమస్తే తెలంగాణ): వాళ్లంతా చిన్నపాటి జీతంతో బతుకులీడ్చేవాళ్లు. సామాన్య ప్రజలకు వైద్యమందించే సర్కారు దవాఖానలను శుభ్రపరిచేవారు. ఆ ఆసుపత్రులను కాపుకాసేవారు. కా నీ వారి రెక్కల కష్టం విలువ నెలకు రూ. 11000లు మాత్రమే. ఆ జీతం కూడా ఐదు నెలలుగా ఆపేయడంతో వారంతా అ ప్పులు చేసి కుటుంబాలను పోషిస్తున్నారు.
తెలంగాణ వైద్యవిధాన పరిషత్(టీవీవీపి) పరిధిలో ఉన్న జిల్లా, ఏరియా ఆసుపత్రులు, ప్రాథమిక పట్టణ కేంద్రాలలో పనిచేసే శానిటేషన్, పేషెంట్ కేర్, సెక్యూరిటీ సిబ్బందికి ఐదు నెలలుగా జీతాలు అందలేదు. బీఆర్ఎస్ పా లనలో ప్రతినెలా జీతాలు తీసుకున్న వాళ్లు, కాంగ్రెస్ పాలనలో పస్తులుండే పరిస్థితి ఏర్పడ్డది.
ఐదు నెలలుగా పెండింగ్లోనే…
రాష్ట్రవ్యాప్తంగా తెలంగాణ వైద్యవిధాన పరిషత్(టీవీవీపీ) పరిధిలో ఉన్న ప్రభుత్వాసుపత్రుల్లో 3600కు పైగా సిబ్బంది శానిటేషన్, పేషెంట్కేర్, సెక్యూరిటీలుగా కాంట్రాక్ట్ ప్రాతిపాదికన విధులు నిర్వహిస్తున్నారు. గత బీఆర్ఎస్ సర్కారులో మంత్రి హరీశ్ రావు చొరవతో వేతనాలు పెంచి, ప్రతినెల తప్పనిసరిగా వారి ఖాతాల్లో వేతనాలు జమ అయ్యేవి. టెండర్లు దక్కించుకున్న కాంట్రాక్టర్లు సైతం ప్రభుత్వం నుంచి విడుదలైన వెంటనే సిబ్బంది ఖాతాల్లో వేతనాలు జమ చేసేవారు.
సకాలంలో ఈఎస్ఐ, పీఎఫ్లు సైతం చెల్లించేవారు. అధికారంలోకి వచ్చిన కాంగ్రెస్ ప్రభుత్వం ఆ పద్ధతికి స్వస్తి పలికింది. కాంగ్రెస్ ప్రభుత్వం ఏర్పడినప్పటి నుంచి ఇప్పటివరకు ప్రతినెలా వేతనాలు ఇచ్చిన దాఖలాలు లేవు. ప్రతి నెల అందించే వేతనాలు కాస్త ఆరు నెలలకోసారి వేయడం ప్రారంభించారు. ఈ ఏడాది జనవరి నుంచి కాంట్రాక్టర్లకు వేతనాల సొమ్ము విడుదల చేయకపోవడంతో సిబ్బందికి ఇవ్వాల్సిన వేతనాలు నిలిచిపోయాయి. ఐదు నెలలుగా జీతాలు రాకపోవడంతో ఆవేదనతో సిబ్బందంతా కలిసి కాంట్రాక్టర్లను నిలదీసినా ఫలితం శూన్యంగానే మిగిలింది.
రాష్ట్రవ్యాప్తంగా శానిటేషన్, పేషెంట్కేర్, సెక్యూరిటీ సిబ్బందికి ఐదు నెలలుగా సుమారు రూ.28 కోట్ల పెండింగ్ వేతనాలు చెల్లించాల్సి ఉంది. కానీ వాటిని ఇప్పటివరకు కూడా చెల్లించకపోవడం గమనార్హం. జీతాల కోసం అధికారులను కలిసి ఎన్నిసార్లు వినతి పత్రాలు ఇచ్చినా కూడా పట్టించుకోకుండావాటిని విస్మరిస్తున్నారు. సమస్యను పరిష్కరించాల్సిన ప్రభుత్వమే తమ బాధను విస్మరిస్తే ఎవరితో చెప్పుకోవాలంటూ వాపోతున్నారు.
పస్తులుండే కాలమొచ్చింది..
ప్రతి నెల తీసుకునే జీతంలోనే ఇంటి అద్దెలు కట్టుకుంటూ, కుటుంబాన్ని పోషించుకుంటున్న సిబ్బందికి వేతనాలు రాకపోవడంతో ఇబ్బందులుపడుతున్నారు. అధిక వడ్డీలకు అప్పులు తెచ్చి మరీ కుటుంబాన్ని పోషించుకుంటున్నారు. . పెరిగిన నిత్యావసర ధరల కారణంగా చాలీచాలని వేతనాలతో కుటుంబాన్ని నెట్టుకొస్తున్నారు. ఇదిలా ఉండగా మరోవైపు కాంట్రాక్టర్ల టెండర్ ఈ ఏడాది మార్చిలోనే ముగిసినా ప్రభుత్వం కొత్త టెండర్కు ఆహ్వానం పలకలేదు. కనీసం కొత్తటెండర్ వచ్చి కాంట్రాక్టర్లు మారితేనైనా వేతనాలు పెంచుతారని ఆశతో ఎదురుచూస్తున్నారు. పెండింగ్ వేతనాలు విడుదల చేసి, కొత్త టెండర్ల ప్రక్రియ ప్రారంభించాలని ప్రభుత్వాన్ని కోరుతున్నారు.
వేతనాలు విడుదల చేయాలి
శానిటేషన్, పేషెంట్ కేర్, సెక్యూరిటీ సిబ్బందికి కనీస వేతనం నెలకు రూ.26 వేలు చెల్లించాలి. ఐదు నెలలుగా వేతనాలు పెండింగ్లో ఉండటం కారణంగా తీవ్ర ఇబ్బందులకు గురవుతున్నారు. ప్రభుత్వం స్పందించి వెంటనే పెండింగ్ వేతనాలు విడుదల చేయాలి. కొత్త టెండర్లు పిలిచి సిబ్బందికి న్యాయం జరిగేలా అధికారులు చర్యలు తీసుకోవాలి.
-నర్సింహ, మెడికల్ కాంట్రాక్ట్, ఔట్ సోర్సింగ్ ఉద్యోగుల సంఘం రాష్ట్ర జనరల్ సెక్రటరీ, ఏఐటీయూసీ
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
KTR |కాంగ్రెస్ మోసాలను ప్రజలకు మరోసారి గుర్తు చేసిన కేటీఆర్
KTR | వరంగల్ అంటేనే ఒక ఉత్తేజం, ఒక ఉద్వేగం, ఉద్యమం : కేటీఆర్
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

