Hyderabad | ఆగస్టు 18 నుంచి కేబీఆర్‌ పార్క్‌ వద్ద వన్‌వే.. వాకర్లతో ముఖాముఖిలో ట్రాఫిక్‌ పోలీసుల సూచనలు

Hyderabad | హైదరాబాద్‌: కాసు బ్రహ్మానందరెడ్డి (కేబీఆర్‌) పార్క్‌ చుట్టూ ట్రాఫిక్ రద్దీని క్రమబద్ధీకరించేందుకు వన్‌వే ట్రాఫిక్ విధానం ఆగస్టు 8 నుంచి అమలులోకి రానుంది. ఈ నేపథ్యంలో శుక్రవారం ఉదయం 7 గంటలకు కేబీఆర్‌ పార్క్‌ వాకర్లతో హైదరాబాద్‌ ట్రాఫిక్‌ పోలీసులు బహిరంగ చర్చా కార్యక్రమాన్ని నిర్వహించారు.

Hyderabad | హైదరాబాద్‌: కాసు బ్రహ్మానందరెడ్డి (కేబీఆర్‌) పార్క్‌ చుట్టూ ట్రాఫిక్ రద్దీని క్రమబద్ధీకరించేందుకు వన్‌వే ట్రాఫిక్ విధానం ఆగస్టు 8 నుంచి అమలులోకి రానుంది. ఈ నేపథ్యంలో శుక్రవారం ఉదయం 7 గంటలకు కేబీఆర్‌ పార్క్‌ వాకర్లతో హైదరాబాద్‌ ట్రాఫిక్‌ పోలీసులు బహిరంగ చర్చా కార్యక్రమాన్ని నిర్వహించారు. ఈ సమావేశంలో ట్రాఫిక్‌ జాయింట్‌ కమిషనర్‌ జోయల్‌ డేవిస్‌, ఐపీఎస్‌, ట్రాఫిక్‌ డీసీపీ-2 కాజల్‌, ఐపీఎస్‌తో పాటు పలువురు ట్రాఫిక్‌ పోలీసు అధికారులు, సిబ్బంది పాల్గొన్నారు.

ఈ సందర్భంగా ఆగస్టు 18 నుంచి అమల్లోకి రానున్న నూతన ట్రాఫిక్‌ మార్పులపై వాకర్లకు అధికారులు వివరించారు. కొత్త ట్రాఫిక్‌ విధానం సులభంగా, క్రమబద్ధంగా అమలయ్యేందుకు పార్క్‌ సందర్శకులు, వాహనదారులు పూర్తి సహకారం అందించాలని కోరారు.

వాకర్లకు ట్రాఫిక్‌ పోలీసుల ముఖ్య సూచనలు

• వాహనాలను కేటాయించిన పార్కింగ్‌ స్థలాలు (Parking Bays), మల్టీ లెవల్‌ పార్కింగ్‌ సదుపాయంలో మాత్రమే నిలపాలి.
• ముఖ్యంగా ఉదయం వేళల్లో రాంగ్‌రూట్‌లో వాహనాలు నడపకూడదు.
• ట్రాఫిక్‌ పోలీసులు జారీ చేసిన సవరించిన నిబంధనలు, సూచనలను తప్పనిసరిగా పాటించాలి.
• వన్‌వే ట్రాఫిక్‌ విధానం విజయవంతంగా అమలయ్యేందుకు విధుల్లో ఉన్న ట్రాఫిక్‌ పోలీసులకు సహకరించాలి.

నూతన ట్రాఫిక్‌ నిబంధనలపై కేబీఆర్‌ పార్క్‌ వాకర్ల నుంచి సలహాలు, సూచనలు స్వీకరించేందుకు పార్క్‌ ముందు క్యూఆర్‌ కోడ్‌ను అందుబాటులో ఉంచనున్నట్లు అధికారులు తెలిపారు.

ఈ ప్రాంతంలో ట్రాఫిక్‌ రాకపోకలు సురక్షితంగా, వేగంగా జరిగేందుకు పౌరులు, ముఖ్యంగా నిత్యం కేబీఆర్‌ పార్క్‌కు వచ్చే సందర్శకులు నూతన ట్రాఫిక్‌ మార్పులకు సహకరించాలని హైదరాబాద్‌ ట్రాఫిక్‌ పోలీసులు విజ్ఞప్తి చేశారు.

– జాయింట్‌ కమిషనర్‌ ఆఫ్‌ పోలీస్‌, ట్రాఫిక్‌, హైదరాబాద్‌