బీఆర్ఎస్తోనే భరోసా
బీఆర్ఎస్ పార్టీతోనే ఉజల భవిష్యత్ ఉంటుందని, ప్రజల సంక్షేమమే ధ్యేయంగా సీఎం కేసీఆర్ పని చేస్తున్నారని విద్యాశాఖ మంత్రి సబితా ఇంద్రారెడ్డి అన్నారు. మున్సిపాలిటీ పరిధిలోని షాహీన్నగర్, ఉస్మాన్నగర్కు చెందిన 30 మంది కాంగ్రెస్ పార్టీ నాయకులు, కార్యకర్తలు మంగళవారం మంత్రి సమక్షంలో బీఆర్ఎస్ పార్టీలో చేరారు.
- సీఎం కేసీఆర్ సారథ్యంలోనే మైనార్టీ సంక్షేమం
- గూలాబీ గూటికి కాంగ్రెస్ మైనార్టీ నాయకులు
- మంత్రి సబితారెడ్డి, ఎమ్మెల్యే దానం సమక్షంలో చేరికలు
పహాడీషరీఫ్, ఆగస్టు 22: బీఆర్ఎస్ పార్టీతోనే ఉజల భవిష్యత్ ఉంటుందని, ప్రజల సంక్షేమమే ధ్యేయంగా సీఎం కేసీఆర్ పని చేస్తున్నారని విద్యాశాఖ మంత్రి సబితా ఇంద్రారెడ్డి అన్నారు. మున్సిపాలిటీ పరిధిలోని షాహీన్నగర్, ఉస్మాన్నగర్కు చెందిన 30 మంది కాంగ్రెస్ పార్టీ నాయకులు, కార్యకర్తలు మంగళవారం మంత్రి సమక్షంలో బీఆర్ఎస్ పార్టీలో చేరారు. వారికి మంత్రి కండువా కప్పి పార్టీలోకి ఆహ్వానించారు. ఈ సందర్భంగా మంత్రి మాట్లాడుతూ.. సీఎం కేసీఆర్ ఆధ్వర్యంలోని బీఆర్ఎస్ ప్రభుత్వంలో అన్ని వర్గాల సంక్షేమంతో పాటు మైనార్టీలకు పెద్దపీట వేస్తున్నారన్నారు. మైనార్టీల సంక్షేమానికి అనేక పథకాలు ప్రవేశపెట్టి.. వారి అభివృద్ధికి కృషి చేస్తున్నారన్నారు. కాలనీలు, బస్తీలలో మునుపెన్నడూ లేని విధంగా వందలాది కోట్ల రూపాయల వ్యయంతో మౌలిక వసతులు సమకూర్చుతున్నామన్నారు.
ఇంటింటికీ మంచి నీటి సరఫరా కోసం కోట్లాది రూపాయలు కేటాయించి రిజర్వాయర్లు ఏర్పాటు చేయిస్తున్నామన్నారు. అనంతరం పార్టీలో చేరిన పలువురు మాట్లాడుతూ.. రాష్ట్రంలో సీఎం కేసీఆర్ చేస్తున్న అభివృద్ధి, చేపడుతున్న సంక్షేమ కార్యక్రమాలతో పార్టీలో చేరుతున్నట్లు చెప్పారు. మైనార్టీల కాలనీలు, బస్తీల్లో సమగ్రాభివృద్ధిని కాంక్షిస్తూ మంత్రి సబితా ఇంద్రారెడ్డి అనునిత్యం ప్రజలతో ఉంటూ, సమస్యలు తెలుసుకుంటున్నారని తెలిపారు. కాలనీలు, బస్తీల్లో చేపడుతున్న వివిధ అభివృద్ధి పనులను చూసి బీఆర్ఎస్ పార్టీ పట్ల ఆకర్షితులమై పార్టీలో చేరామన్నారు. నియోజకవర్గం బీఆర్ఎస్ తరఫున అభ్యర్థిగా కేసీఆర్ నియమించడం పట్ల వారు హర్షం వ్యక్తం చేస్తూ, మంత్రికి పుష్పగుచ్ఛం అందజేశారు. ఈ కార్యక్రమంలో బీఆర్ఎస్ పార్టీ అధ్యక్షుడు ఇక్భాల్ బిన్ ఖలీఫా, నాయకులు అవినాశ్, మన్సూర్ అలీ తదితరులు పాల్గొన్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

