మిచౌంగ్‌ తుఫాన్‌.. పలు రైళ్లు రద్దు

మిచౌంగ్‌ తుఫాన్‌ వల్ల మధురై -నిజాముద్దీన్‌, తిరుచిరాపల్లి- హౌరా, విశాఖపట్నం- తిరుపతి రైల్వే స్టేషన్ల మధ్య నడుస్తున్న రైళ్లను ఈ నెల 4, 5 తేదీలలో రద్దు చేస్తూ రైల్వే అధికారులు నిర్ణయం తీసుకున్నారు.

సిటీబ్యూరో, డిసెంబర్‌ 4 (నమస్తే తెలంగాణ): మిచౌంగ్‌ తుఫాన్‌ వల్ల మధురై -నిజాముద్దీన్‌, తిరుచిరాపల్లి- హౌరా, విశాఖపట్నం- తిరుపతి రైల్వే స్టేషన్ల మధ్య నడుస్తున్న రైళ్లను ఈ నెల 4, 5 తేదీలలో రద్దు చేస్తూ రైల్వే అధికారులు నిర్ణయం తీసుకున్నారు.

• కాచిగూడ- చెంగల్‌పట్టు రైల్వే స్టేషన్ల మధ్య సోమవారం నాలుగు రైళ్లు రద్దు చేశారు.
• పుదుచ్చేరి- తిరుపతి, చెన్నై- తిరుపతి రైల్వే స్టేషన్ల మధ్య ఆరు ప్రత్యేక రైళ్లను రైల్వే అధికారులు ఏర్పాటు చేశారు. ఈ నెల 4న ఈ రైళ్లు రద్దు చేసినట్లు అధికారులు పేర్కొన్నారు.
• బెంగళూరు- దనపూర్‌, మధురై- నిజామాబాద్‌, చెన్నై- తిరుపతి రైల్వే స్టేషన్ల మధ్య ఈ నెల 5 నుంచి 7వ తేదీ వరకు ఆరు రైళ్లు రద్దు చేస్తున్నట్టు రైల్వే అధికారులు తెలిపారు.
• సూళ్లూరుపేట- నెల్లూరు రైల్వే స్టేషన్ల మధ్య సోమవారం ఆరు రైళ్లను రద్దు చేస్తూ రైల్వే అధికారులు నిర్ణయం తీసుకున్నారు.
• నాగ్‌పూర్‌ డివిజనల్‌ రైల్వే ఆధ్వర్యంలో.. తిరునెల్‌వెల్లి- బిలాస్‌పూర్‌, నాందేడ్‌ – సత్రగాచి, రాయ్‌పూర్‌- సికింద్రాబాద్‌ రైల్వే స్టేషన్ల మధ్య ఆరు రైళ్లు రద్దు చేశారు. ఈ నెల 10 నుంచి 14 వరకు రైళ్ల రద్దు కొనసాగుతుందన్నారు.
• సుభేదారిగంజ్‌- సికింద్రాబాద్‌ రైల్వే స్టేషన్ల మధ్య రెండు ప్రత్యేక రైళ్లను ఏర్పాటు చేస్తూ సోమవారం రైల్వే అధికారులు నిర్ణయం తీసుకున్నారు. ఈ నెల 14 నుంచి జనవరి 27వ తేదీ వరకు ఈ రెండు రైళ్ల రాకపోకలు కొనసాగుతాయన్నారు.
• బీదర్‌- ధార్‌పూర్‌ రైల్వే స్టేషన్ల మధ్య రెండు ప్రత్యేక రైళ్లు ఏర్పాటు చేశారు. ఈ నెల 8, 12వ తేదీలలో ఈ రైళ్లు నడుస్తాయన్నారు.
• ధర్మాబాద్‌- మన్మాడ్‌ స్టేషన్ల మధ్య రద్దు చేసిన ఒక రైలు సర్వీసును తిరిగి ఈ నెల 10వ తేదీ నుంచి పునరుద్ధరిస్తున్నట్లు రైల్వే అధికారులు సోమవారం తెలిపారు.

రైల్వే అధికారులతో జీఎం సమీక్ష

‘మిచౌంగ్‌’ తుఫాన్‌ వల్ల ప్రయాణికులకు అసౌకర్యం కలుగకుండా అన్ని రకాల చర్యలు తీసుకోవాలని ఎస్‌సీఆర్‌ జీఎం అరుణ్‌కుమార్‌ జైన్‌ అధికారులను ఆదేశించారు.