రాత్రి 8 గంటలకే.. సిటీలోకి భారీ వాహనాలు..

రాత్రి 8 గంటలకే నగరంలోకి భారీ వాహనాలు ఎంట్రీ ఇస్తున్నాయి. సిటీలో ట్రాఫిక్‌ రద్దీని తగ్గించడంలో భాగంగా రాత్రి 10 గంటల తరువాతే భారీ వాహనాలకు అనుమతి ఉంది. అయితే ట్రాఫిక్‌ పోలీసులు రాత్రి 8 గంటల వరకే రోడ్లపై ఉండడంతో భారీ వాహనాలు సిటీలోకి ప్రవేశిస్తున్నాయి.

సిటీబ్యూరో: రాత్రి 8 గంటలకే నగరంలోకి భారీ వాహనాలు ఎంట్రీ ఇస్తున్నాయి. సిటీలో ట్రాఫిక్‌ రద్దీని తగ్గించడంలో భాగంగా రాత్రి 10 గంటల తరువాతే భారీ వాహనాలకు అనుమతి ఉంది. అయితే ట్రాఫిక్‌ పోలీసులు రాత్రి 8 గంటల వరకే రోడ్లపై ఉండడంతో భారీ వాహనాలు సిటీలోకి ప్రవేశిస్తున్నాయి.

నో ఎంట్రీ సమయంలో…

సిటీలోకి భారీ వాహనాలు వస్తే, చలాన్లు వేయడంతో పాటు రాత్రి 10 గంటల వరకు సమీపంలోని ఓపెన్‌ ప్లేస్‌లో ఆ వాహనాలను ఆపుతామంటూ గతంలో ఉన్నతాధికారులు ప్రణాళికలు చేశారు. వారం రోజుల పాటు రాత్రి వేళల్లో భారీ వాహనాలు నిబంధనలకు విరుద్ధంగా రాకుండా కట్టడి చేసినట్లు క్షేత్ర స్థాయిలోని పోలీసులు చర్యలు తీసుకొని ఆ తర్వాత ఆ విషయాన్ని మర్చిపోయారనే విమర్శలొస్తున్నాయి. ఇంకేముంది రాత్రి 8 తరువాత అసలు ట్రాఫిక్‌కు, భారీ వాహనాలు కూడా తోడవ్వడంతో రద్దీ ఏర్పడుతున్నది.

రాత్రి 10 వరకు..

లారీలు, ప్రైవేట్‌ బస్సులు రాత్రి 10 గంటల వరకు నగరంలోకి ప్రవేశానికి అనుమతి లేదు. అయితే చాలా వరకు ప్రైవేటు బస్సులు నిబంధనలు ఉల్లంఘిస్తూ రాత్రి 8 నుంచి 9 గంటల మధ్యలోనే నగరంలోకి ప్రవేశిస్తున్నాయి. ఈ విషయంపై కొన్ని సందర్భాల్లో ట్రాఫిక్‌ పోలీసులు చలాన్లు రాసినా.. భారీ వాహనదారులు ఏ మాత్రం పట్టించుకోకుండా వెళ్లిపోతున్నారు.