నామినేషన్‌ దాఖలుకు మార్గదర్శకాలు విడుదల

జూబ్లీహిల్స్‌ అసెంబ్లీ నియోజకవర్గ ఉప ఎన్నికకు సంబంధించి నామినేషన్ల స్వీకరణ ప్రక్రియను పారదర్శకంగా నిర్వహించేందుకు సహకరించాలని జిల్లా ఎన్నికల విభాగం అధికారులు కోరారు. అర్హత కలిగిన అభ్యర్థులు, రాజకీయ పార్టీలు నిబంధనలు పాటించాలని సూచించారు.

సిటీబ్యూరో, అక్టోబర్‌ 12 (నమస్తే తెలంగాణ): జూబ్లీహిల్స్‌ అసెంబ్లీ నియోజకవర్గ ఉప ఎన్నికకు సంబంధించి నామినేషన్ల స్వీకరణ ప్రక్రియను పారదర్శకంగా నిర్వహించేందుకు సహకరించాలని జిల్లా ఎన్నికల విభాగం అధికారులు కోరారు. అర్హత కలిగిన అభ్యర్థులు, రాజకీయ పార్టీలు నిబంధనలు పాటించాలని సూచించారు.

నామినేషన్‌ దాఖలుకు మార్గదర్శకాలు

• అవసరమైన ఫారాలు ఫాం 2 బి (నామినేషన్‌), ఫాం 26 (అఫిడవిట్‌-అన్ని కాలమ్స్‌ తప్పనిసరి, నోటరైజ్‌ చేయాలి)
• సమయం ఉదయం 11 గంటల నుంచి మధ్యాహ్నం 3 గంటల వరకు (పబ్లిక్‌ హాలిడేలు, 2వ, 4వ శనివారాలు మినహాయింపు)
• నామినేషన్‌ దాఖలు చేయగలవారు అభ్యర్థి లేదా ప్రతిపాదకుల్లో ఒకరు అయి ఉండాలి
• ఫోటో పరిమాణం 2X2.5 సెం.మీ
• అభ్యర్థి కనీస వయస్సు 25 సంవత్సరాలు
• గుర్తింపు పొందిన పార్టీ అభ్యర్థులు-ఒక్క ప్రతిపాదకుడు (నియోజకవర్గ ఓటరు)గా ఉండాలి
• స్వతంత్ర/గుర్తింపు లేని పార్టీ అభ్యర్థులైతే 10 ప్రతిపాదకులు (అందరూ నియోజకవర్గ ఓటర్లు)గా ఉండాలి
• ఇతర నియోజకవర్గ అభ్యర్థులు – సంబంధిత ఈఆర్వో నుంచి ఓటర్ల వివరాలు సమర్పించాలి నామినేషన్‌ సమయంలో పరిమితులు
• వాహనాలు : ఆర్వో/ఏఆర్వో కార్యాలయం 100 మీటర్ల పరిధిలో గరిష్టంగా మూడు వాహనాలు
• ప్రవేశించగల వ్యక్తులు: గరిష్టంగా 5 (అభ్యర్థి సహా).