ఆరు అసెంబ్లీ నియోజకవరాసరిహద్దులు గందరగోళం

కోర్‌ అర్బన్‌ రీజియన్‌ (క్యూర్‌) పరిధిలో మహా నగర పాలనను పునర్వ్యవస్థీకరణ చేపట్టిన సర్కారు బుధవారం జీహెచ్‌ఎంసీని మూడు కార్పొరేషన్లుగా ఏర్పాటు చేసింది. ఈ పునర్వ్యవస్థీకరణలో భాగంగా గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ), సైబరాబాద్‌ మున్సిపల్‌ కార్పొరేషన్‌ (సీఎంసీ), మల్కాజిగిరి మున్సిపల్‌ కార్పొరేషన్‌ (ఎంఎంసీ)లను ఏర్పాటు చేస్తూ ఉత్తర్వులు జారీ చేసింది.

• జీహెచ్‌ఎంసీ@ మూడు కార్పొరేషన్లు
• ఆరు జోన్లు, 30 సర్కిళ్లు, 150 డివిజన్లలో బల్దియా
• మూడు జోన్లు, 14 సర్కిళ్లు, 74 డివిజన్లతో మల్కాజిగిరి
• మూడు జోన్లు, 16 సర్కిళ్లు, 76 డివిజన్లతో సైబరాబాద్‌
• ప్రత్యేక అధికారిగా జయేశ్‌ రంజన్‌కు బాధ్యతలు
• జీహెచ్‌ఎంసీ కమిషనర్‌గా ఆర్వీ కర్ణన్‌ కొనసాగింపు
• మల్కాజిగిరికి వినయ్‌ కృష్ణారెడ్డి సైబరాబాద్‌కు సృజన కమిషనర్లుగా బాధ్యతల స్వీకరణ గల్లో సందిగ్ధం

కోర్‌ అర్బన్‌ రీజియన్‌ (క్యూర్‌) పరిధిలో మహా నగర పాలనను పునర్వ్యవస్థీకరణ చేపట్టిన సర్కారు బుధవారం జీహెచ్‌ఎంసీని మూడు కార్పొరేషన్లుగా ఏర్పాటు చేసింది. ఈ పునర్వ్యవస్థీకరణలో భాగంగా గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ), సైబరాబాద్‌ మున్సిపల్‌ కార్పొరేషన్‌ (సీఎంసీ), మల్కాజిగిరి మున్సిపల్‌ కార్పొరేషన్‌ (ఎంఎంసీ)లను ఏర్పాటు చేస్తూ ఉత్తర్వులు జారీ చేసింది. ఈ మూడు కార్పొరేషన్లకు కమిషనర్లను నియమించగా, సమన్వయం చేసేందుకు పురపాలక శాఖ ప్రత్యేక ప్రధాన కార్యదర్శి జయేశ్‌ రంజన్‌కు ప్రత్యేక అధికారిగా అదనపు బాధ్యతలు అప్పగించారు.

సిటీబ్యూరో, ఫిబ్రవరి 11 (నమస్తే తెలంగాణ) : ప్రత్యేక ప్రధాన కార్యదర్శి జయేశ్‌ రంజన్‌ జీహెచ్‌ఎంసీ ప్రధా న కార్యాలయంలో బాధ్యతలు స్వీకరించారు. కర్ణన్‌ జీహెచ్‌ఎంసీ కమిషనర్‌గా బాధ్యతలు చేపట్టారు. సైబరాబాద్‌ మున్సిపల్‌ కార్పొరేషన్‌ కమిషనర్‌గా జి. సృజన, మల్కాజిగిరి మున్సిపల్‌ కార్పొరేషన్‌ కమిషనర్‌గా టి. వినయ్‌ కృష్ణారెడ్డి బాధ్యతలు చేపట్టారు. అనంతరం కమిషనర్‌ కర్ణన్‌ ప్రభు త్వ ప్రధాన కార్యదర్శి కె. రామకృష్ణారావును సచివాలయంలో మర్యాదపూర్వకంగా కలిశారు. కాగా, 150 డివిజన్లతో జీహెచ్‌ఎంసీగా ఉండగా, 27 పురపాలికల విలీనంతో 300 డివిజన్లు ఏర్పాటు చేశారు. 60 సర్కిళ్లు, 12 జోన్లతో పరిపాలన వ్యవస్థ కొలువుదీరింది.

సిటీబ్యూరో, ఫిబ్రవరి 11 (నమస్తే తెలంగాణ) : పాత జీహెచ్‌ఎంసీలోని కూకట్‌పల్లి , శేరిలింగంపల్లి జోన్లకు ..విలీనమైన నార్సింగి, మణికొండ, తెల్లాపూర్‌, అమీన్‌పూర్‌, బొల్లారం, నిజాంపేట, దుండిగల్‌, కొంపల్లి, గుండ్లపోచంపల్లి, మేడ్చల్‌ పట్టణ స్థానిక సంస్థ (యూఎల్‌బీ)లు కలిశాయి. కూకట్‌పల్లి, శేరిలింగంపల్లి, కుత్బుల్లాపూర్‌ జోన్లతో సైబరాబాద్‌ మున్సిపల్‌ కార్పొరేషన్‌ (సీఎంసీ) ఏర్పాటైంది.

• ఎల్బీనగర్‌, సికింద్రాబాద్‌ జోన్లు పాక్షికంగా విలీనమైన బోడుప్పల్‌, ఫీర్జాదిగూడ, పోచారం, ఘట్‌కేసర్‌, నాగారం, దమ్మాయిగూడ, జవహర్‌నగర్‌, తూంకుంట యూఎల్‌బీలతో మల్కాజ్‌గిరి, ఉప్పల్‌, ఎల్బీనగర్‌ జోన్లు అయ్యాయి. వాటితో మల్కాజ్‌గిరి మున్సిపల్‌ కార్పొరేషన్‌ (ఎంఎంసీ) ఏర్పడింది.
• గ్రేటర్‌లోని ఖైరతాబాద్‌, చార్మినార్‌ జోన్లు, సికింద్రాబాద్‌, ఎల్బీనగర్‌ జోన్లలోని కొన్ని ప్రాంతాలు బండ్లగూడ జాగీర్‌, శంషాబాద్‌, జల్‌పల్లి, బడంగ్‌పేట, తుక్కుగూడ, ఆదిబట్ల యూఎల్‌బీలతో ఖైరతాబాద్‌, సికింద్రాబాద్‌, గోల్కొండ, చార్మినార్‌, శంషాబాద్‌, రాజేంద్రనగర్‌ జోన్లు అయ్యాయి. వాటితో జీహెచ్‌ఎంసీ ఏర్పాటు చేశారు. శంషాబాద్‌, బేగంపేట ఎయిర్‌పోర్టు, రాష్ట్ర సచివాలయం, శాసనసభ, శాసనమండలి, సీఎం క్యాంపు కార్యాలయం, సీఎం నివాసం, ఇతరత్రా ప్రముఖ భవనాలన్నీ జీహెచ్‌ఎంసీలోనే ఉన్నాయి. రాజధాని నగరంగా జీహెచ్‌ఎంసీ కొనసాగనున్నది.

కార్పొరేషన్ల వారీగా అసెంబ్లీ నియోజకవర్గాలు

• సైబరాబాద్‌ పరిధిలోని శేరిలింగంపల్లి, కుత్బుల్లాపూర్‌ అసెంబ్లీ నియోజకవర్గాలు పూర్తిగా పటాన్‌చెరు, కూకట్‌పల్లి, మేడ్చల్‌, రాజేంద్రనగర్‌ నియోజకవర్గాలు పాక్షికంగా ఉన్నాయి.
• జీహెచ్‌ఎంసీ పరిధిలో ముషీరాబాద్‌, మలక్‌పేట, అంబర్‌పేట, ఖైరతాబాద్‌, జూబ్లీహిల్స్‌, సనత్‌నగర్‌ , నాంపల్లి, కార్వాన్‌, గోషామహల్‌, చార్మినార్‌, చాంద్రాయణగుట్ట, యాకుత్‌పుర, బహదూర్‌పుర, సికింద్రాబాద్‌ అసెంబ్లీ నియోజకవర్గాలు పూర్తిగా…ఇబ్రహీంపట్నం, రాజేంద్రనగర్‌, మహేశ్వరం నియోజకవర్గాలు పాక్షికంగా కలిశాయి.
• మల్కాజిగిరి పరిధిలో మల్కాజిగిరి, ఉప్పల్‌, ఎల్బీనగర్‌, సికింద్రాబాద్‌, కంటోన్మెంట్‌ పూర్తిగా, మేడ్చల్‌, కూకట్‌పల్లి, ఇబ్రహీంపట్నం, మహేశ్వరం నియోజకవర్గాలు పాక్షికంగా కలిశాయి. మొత్తంగా టీసీయూఆర్‌ పరిధిలో 20 అసెంబ్లీ నియోజవర్గాలు పూర్తిగా ఆరు నియోజకవర్గాలు కొంతభాగంతో గందరగోళ పరిస్థితులతో కార్పొరేషన్లు ఏర్పడ్డాయి.

బాధ్యతలు తీసుకున్న ముఖ్య అధికారులు
జీహెచ్‌ఎంసీ, ఎంఎంసీ, సీఎంసీ కార్పొరేషన్ల ఏర్పాటుతో ఆయా కమిషనర్లతో పాటు ముఖ్య అధికారుల నియామకాన్ని వెనువెంటనే ముఖ్య అధికారులకు ఆయా బాధ్యతలు అప్పగించడం, ఉత్తర్వులు అందుకున్న వెంటనే సంబంధిత అధికారులు బాధ్యతలను స్వీకరించారు.