సీఎస్‌ఆర్‌తో పార్కుల అభివృద్ధి
కార్పొరేట్‌ సోషల్‌ రెస్పాన్సబులిటీ (సీఎస్‌ఆర్‌) కింద జీహెచ్‌ఎంసీలో జంక్షన్లు, పార్కులు మరింత అభివృద్ధి కానున్నాయి. ఇందుకోసం ముందుకొచ్చిన కార్పొరేట్‌ కంపెనీలతో ఎంఓయూ కుదుర్చుకునేందకు బల్దియా అనుమతిచ్చింది. మేయర్‌ గద్వాల్‌ విజయలక్ష్మి అధ్యక్షతన బుధవారం స్టాండింగ్‌ కమిటీ సమావేశం జీహెచ్‌ఎంసీ ప్రధాన కార్యాలయంలో జరిగింది. ఈమేరకు సీఎస్‌ఆర్‌ కింద మరిన్ని పార్కులను అభివృద్ధి చేసేందుకు కమిటీ సభ్యుల సహకారంతో 9 అంశాలకు సభ్యులు ఆమోదం తెలిపినట్లు మేయర్‌ తెలిపారు
- ముందుకొచ్చిన కార్పొరేట్‌ కంపెనీలతో బల్దియా ఎంవోయూ
- స్టాండింగ్‌ కమిటీలో తొమ్మిది అంశాలకు ఆమోదం
సిటీబ్యూరో, సెప్టెంబరు 28 (నమస్తే తెలంగాణ): కార్పొరేట్‌ సోషల్‌ రెస్పాన్సబులిటీ (సీఎస్‌ఆర్‌) కింద జీహెచ్‌ఎంసీలో జంక్షన్లు, పార్కులు మరింత అభివృద్ధి కానున్నాయి. ఇందుకోసం ముందుకొచ్చిన కార్పొరేట్‌ కంపెనీలతో ఎంఓయూ కుదుర్చుకునేందకు బల్దియా అనుమతిచ్చింది. మేయర్‌ గద్వాల్‌ విజయలక్ష్మి అధ్యక్షతన బుధవారం స్టాండింగ్‌ కమిటీ సమావేశం జీహెచ్‌ఎంసీ ప్రధాన కార్యాలయంలో జరిగింది. ఈమేరకు సీఎస్‌ఆర్‌ కింద మరిన్ని పార్కులను అభివృద్ధి చేసేందుకు కమిటీ సభ్యుల సహకారంతో 9 అంశాలకు సభ్యులు ఆమోదం తెలిపినట్లు మేయర్‌ తెలిపారు.
స్టాండింగ్‌ కమిటీ సభ్యులు పన్నాల దేవేందర్‌రెడ్డి, మహ్మద్‌ అబ్దుల్‌ సలాం షాహిద్‌, మహపర, మిర్జా ముస్తఫా బేగ్‌,పర్వీన్‌ సుల్తానా, మందగిరి స్వామి, బాత జబీన్‌, ఇ.విజయ్‌ కుమార్‌ గౌడ్‌, సి.ఎన్‌.రెడ్డి, మందాడి శ్రీనివాసరావు, సామల హేమ తదితరులు పాల్గొన్నారు. ఈ సమావేశంలో కమిషనర్‌ డీ.ఎస్‌. లోకేశ్‌ కుమార్‌, ఈవీడీఎం. డైరెక్టర్‌ విశ్వజిత్‌ కంపాటి, ఈఎన్‌సీ జియా ఉద్దీన్‌, సీఈ ప్రాజెక్ట్‌ దేవానంద్‌, అడిషనల్‌ కమిషనర్లు శృతి ఓఝూ, బి.సంతోష్‌, విజయలక్ష్మి, జయరాజ్‌ కెన్నడి, చీఫ్‌ ఎంటమాలజీ డా.రాంబాబు, అడిషనల్‌ సీసీపీ శ్రీనివాస్‌, చీఫ్‌ ఎగ్జామినర్‌ వెంకటేశ్వర్‌ రెడ్డి, జోనల్‌ కమిషనర్లు శంకరయ్య, మమత, పంకజ, శ్రీనివాస్‌ రెడ్డి, సామ్రాట్‌ అశోక్‌, ఎస్‌ఎన్‌డీపీ సీఈ వసంత, సెక్రటరీ లక్ష్మి తదితరులు పాల్గొన్నారు.
స్టాండింగ్‌ కమిటీలో ఆమోదం తెలిపిన పలు అంశాలు
- శేరిలింగంపల్లి జోన్‌లో ఈపీటీఆర్‌ఐ చెరువు సుందరీకరణ చేసేందుకు, హెర్బల్‌ పార్‌ అభివృద్ధికి వర్టికల్‌ టెక్నాలజీస్‌ ప్రైవేట్‌ లిమిటెడ్‌కు సీఎస్‌ఆర్‌ కింద ఒక సంవత్సరం పాటు నిర్వహణకు ఎంఓయూకు అనుమతించారు.
- శేరిలింగంపల్లి జోనల్‌ ఆఫీస్‌ వయా నల్లగండ్ల రైల్వే ఓవర్‌ బ్రిడ్జి నుంచి బీహెచ్‌ఈఎల్‌ జంక్షన్‌ వరకు ప్రతిపాదిత 150 మీటర్ల వెడల్పు రోడ్డు, గుల్మొహర్‌ పార్‌ వద్ద జంక్షన్ల అభివృద్ధికి సీఎస్‌ఆర్‌ కింద అనుమతికి కమిటీ ఆమోదం తెలిపింది.
- శేరిలింగంపల్లి జోన్‌ బయోడైవర్సిటీ ఒకటి, రెండు లెవెల్స్‌ కింద సెంట్రల్‌ మీడియం ట్రాఫిక్‌ ఐలాండ్‌ మూడు సంవత్సరాల నిర్వహణకు సీఎస్‌ఆర్‌తో యునైటెడ్‌ వే ఆఫ్‌ హైదరాబాద్‌కు పరిపాలన, అనుమతికి కమిటీ సమ్మతి తెలిపింది.
- సికింద్రాబాద్‌ జోన్‌లో ఆర్‌డీపీ కింద మల్లాపూర్‌ జంక్షన్‌ నుంచి శివ హోటల్‌ వరకు ప్రతిపాదిత 60 మీటర్ల రోడ్డు వెడల్పు చేయడానికి 78 ఆస్తుల సేకరణకు కమిటీ ఆమోదం.
- నల్లగండ్ల గ్రామంలో 400/ఏఏ1/1 సర్వేనెంబర్‌లో గల శివరాజుకు చెందిన ఓపెన్‌ ప్లేస్‌లో గల 2,155.99 చదరపు మీటర్లు గల హుడా ఆమోదించిన భూమిని వనజ హౌసింగ్‌ ఎల్‌ఎల్‌సీపీకి బదిలీ చేసేందుకు ప్రభుత్వ అనుమతి కోసం పంపుటకు కమిటీ ఆమోదం.
- హుస్సేన్‌సాగర్‌ నాలాపై అరవింద్‌నగర్‌ వద్ద నిర్మించిన నాలాపై స్లాబ్‌ను తొలగించి రూ. 2.99 కోట్లతో బ్రిడ్జి పునఃనిర్మాణానికి పరిపాలన మంజూరుకు కమిటీ ఆమోదం.
- ఆగస్టు 31, 2022 నాటికి వచ్చిన ఆదాయ, వ్యయాలకు ఆమోదం.
- చీఫ్‌ ఎగ్జామినర్‌ అకౌంట్‌ జూలై 31 2022 నెలకు సంబంధించిన ఆదాయ వ్యయాలను ఆమోదించారు.
Read Today's Latest Hyderabad News in Telugu and Telugu News
- Follow Us :
-
