మండుటెండలో బస్సు కోసం ప్రయాణికుల ఎదురుచూపు

పేరుకే నియోజకవర్గ కేంద్రం. కానీ అన్ని ఉన్న అల్లుడి నోట్లో శని అన్న చందంగా మారింది తుంగతుర్తి పరిస్థితి. ఎన్నో ఏళ్లుగా మెయిన్ రోడ్డుపై బస్సు షెల్టర్ లేకపోవడంతో ప్రయాణికులు రోడ్డు పక్కనే నిలబడుతూ ఇబ్బందులు పడుతున్నారు. బస్టాండ్ ఉన్న కానీ ప్రయాణికులకు...

తుంగ‌తుర్తి, ఆగ‌స్టు 17 : పేరుకే నియోజకవర్గ కేంద్రం. కానీ అన్ని ఉన్న అల్లుడి నోట్లో శని అన్న చందంగా మారింది తుంగతుర్తి పరిస్థితి. ఎన్నో ఏళ్లుగా మెయిన్ రోడ్డుపై బస్సు షెల్టర్ లేకపోవడంతో ప్రయాణికులు రోడ్డు పక్కనే నిలబడుతూ ఇబ్బందులు పడుతున్నారు. బస్టాండ్ ఉన్న కానీ ప్రయాణికులకు బస్టాండులో సరైన మౌలిక వసతులు, సౌకర్యాలు లేకపోవడం, దూరంగా ఉండడంతో అక్కడికి వెళ్లలేక మెయిన్ రోడ్డుపై నిలబడుతూ బస్సులు ఎక్కుతూ కాలం వెళ్ల‌దీస్తున్నారు. సోమవారం మెయిన్ రోడ్డు పక్కన మండుటెండలో బస్సు కోసం ఎదురుచూస్తున్న ప్రయాణికులు అవ‌స్థ‌లు ప‌డ్డాడు. ఇప్పటికైనా అధికారులు స్పందించి రోడ్డు ప్రక్కన బస్సు షెల్టర్ ఏర్పాటు చేయడంతో పాటు మరుగుదొడ్లను నిర్మించి ప్రయాణికులు, ప్రజల ఇక్కట్లను తీర్చాలని కోరుతున్నారు.