Hyderabad | సిటీలో మరో 4 సైక్లింగ్‌ ట్రాక్‌లు.. ఏ ఏరియాల్లో అంటే..

Hyderabad | కాలుష్య నివారణ, పర్యావరణ పరిరక్షణ చర్యల్లో భాగంగా సైకిల్‌ వినియోగానికి జీహెచ్‌ఎంసీ అత్యధిక ప్రాధాన్యత ఇస్తున్నది. ఇందులో భాగంగానే ఖైరతాబాద్‌, కూకట్‌పల్లి, సికింద్రాబాద్‌, చార్మినార్‌, శేరిలింగంపల్లి, ఎల్బీనగర్‌ జోన్ల పరిధిలో సైక్లింగ్‌ ట్రాక్‌లను ఏర్పాటు చేయాలని నిర్ణయించారు.

Hyderabad | సిటీబ్యూరో , ఏప్రిల్‌ 10 (నమస్తే తెలంగాణ): కాలుష్య నివారణ, పర్యావరణ పరిరక్షణ చర్యల్లో భాగంగా సైకిల్‌ వినియోగానికి జీహెచ్‌ఎంసీ అత్యధిక ప్రాధాన్యత ఇస్తున్నది. ఇందులో భాగంగానే ఖైరతాబాద్‌, కూకట్‌పల్లి, సికింద్రాబాద్‌, చార్మినార్‌, శేరిలింగంపల్లి, ఎల్బీనగర్‌ జోన్ల పరిధిలో సైక్లింగ్‌ ట్రాక్‌లను ఏర్పాటు చేయాలని నిర్ణయించారు. సీఆర్‌ఎంపీ ( కాంప్రహెన్సివ్‌ రోడ్‌ మెయింటెనెన్స్‌ ప్రోగ్రామ్‌) రోడ్లలో ట్రాక్‌లను అందుబాటులోకి తీసుకువస్తున్నారు. ఈ మేరకు కూకట్‌పల్లిలో మూడు చోట్ల సికింద్రాబాద్‌ జోన్‌లో ఒక చోట సైక్లింగ్‌ ట్రాక్‌ పనులకు శ్రీకారం చుట్టారు. ఇందుకోసం రూ. 5.48 కోట్లు ఖర్చు చేస్తున్నారు. ఈ పనులన్నీ వచ్చే నాలుగు నెలల్లోగా పూర్తి చేసి ఈ ట్రాక్‌లను అందుబాటులోకి తీసుకువస్తామని అధికారులు తెలిపారు.

సైక్లింగ్‌ ట్రాక్‌లు ఇక్కడే..

• ఐడీఎల్‌ లేక్‌-ఎన్‌హెచ్‌ 65-జేఎన్‌టీయూ -రెయిన్‌బో విస్టా-ఐడీఎల్‌ లేక్‌.దీని (అంచనా వ్యయం రూ. 1.19కోట్లు)
• హైదర్‌నగర్‌-జేఎన్‌టీయూ-బాలానగర్‌ వైజంక్షన్‌-నర్సాపూర్‌ క్రాస్‌రోడ్‌ (రూ. 1.55కోట్లు)
• నర్సాపూర్‌ క్రాస్‌రోడ్స్‌- బాలానగర్‌ జంక్షన్‌ -జేఎన్‌టీయూ-హైదర్‌నగర్‌ (ఐడీఎల్‌ జంక్షన్‌ నుంచి జేఎన్‌టీయూ జంక్షన్‌ వరకు 3 కి.మీలు మినహా)(రూ. 1.15కోట్లు )
• తార్నాక-మెట్టుగూడ మెట్రోస్టేషన్‌ వరకు రోడ్డుకు రెండు వైపులా సైక్లింగ్‌ ట్రాక్‌లు ఏర్పాటు చేయనున్నారు. రూ. 1.59కోట్లతో పనులు చేపడుతున్నారు.
• ఉదయం రెండు గంటల పాటు సైక్లింగ్‌ కోసం వినియోగిస్తారు. అనంతరం వాహనాల రాకపోకలను అనుమతి ఇస్తారు. సైక్లింగ్‌ సమయంలో ట్రాక్‌పైకి వాహనాలు రాకుండా బొల్లార్డ్స్‌ అడ్డుగా పెడతారు. అనంతరం వాటిని తొలగిస్తారు.