Cricket betting | హెయిర్‌ సెలూన్‌లో క్రికెట్‌ బెట్టింగ్.. ఇద్ద‌రి అరెస్ట్‌

బంజారాహిల్స్​‍ : టీ-20 వరల్డ్​‍ కప్‌ క్రికెట్‌ మ్యాచులపై బెట్టింగులు ఆడుతున్న వ్యక్తులపై బంజారాహిల్స్​‍ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. బంజారాహిల్స్​‍ రోడ్‌ నెం 2లోని జవహర్‌కాలనీలో అన్నపూర్ణ స్టూడియో ఎదురుగా పరిడి గణేష్ (29) గణేష్‌ హెయిర్ స్టైల్ పేరుతో సెలూన్‌ నిర్వహిస్తున్నాడు.

కాగా గ‌ణేశ్‌ తెంబూరు హరిప్రసాద్ (28) అనే వ్య‌క్తితో క‌లిసి క్రికెట్‌ బెట్టింగ్స్​‍కు పాల్పడుతున్నార‌ని సమాచారం అందు కున్న బంజారాహిల్స్​‍ పోలీసులు మంగళవారం రాత్రి దాడులు నిర్వహించారు. సౌత్ ఆఫ్రికా, బంగ్లాదేశ్‌ మ్యాచ్‌మీద క్రికెట్‌లైవ్‌ గురూ యాప్‌ద్వారా బెట్టింగ్‌లు స్వీకరిస్తున్నట్లు గుర్తించారు..

పోలీసులు వారివద్ద సోదాలు చేసి బెట్టింగ్‌లకు ఉపయోగిస్తున్న రూ.17,200నగదు, సెల్‌ఫోన్లను స్వాధీనం చేసుకున్నారు. ఈ మేరకు వారిపై గేమింగ్ యాక్ట్‌ కింద కేసు నమోదు చేసిన పోలీసులు అరెస్ట్‌చేశారు.