అంగన్‌వాడీ కేంద్రానికి కుర్చీలు, విద్యుత్ లైట్లు అందజేత

వైరా మున్సిపాలిటీ పరిధిలోని 5వ వార్డులో గ‌ల అంగన్‌వాడీ కేంద్రానికి వార్డు కౌన్సిలర్ కట్టా స్వరూపరాణి తన సొంత ఖర్చులతో కుర్చీలు, విద్యుత్ లైట్లు అందజేశారు. ఈ సందర్భంగా కౌన్సిలర్ మాట్లాడుతూ..

వైరా, ఆగ‌స్టు 04 : వైరా మున్సిపాలిటీ పరిధిలోని 5వ వార్డులో గ‌ల అంగన్‌వాడీ కేంద్రానికి వార్డు కౌన్సిలర్ కట్టా స్వరూపరాణి తన సొంత ఖర్చులతో కుర్చీలు, విద్యుత్ లైట్లు అందజేశారు. ఈ సందర్భంగా కౌన్సిలర్ మాట్లాడుతూ.. అంగన్‌వాడీ కేంద్రాన్ని సందర్శించిన సమయంలో అక్కడి చిన్నారులు, సిబ్బంది ఎదుర్కొంటున్న ఇబ్బందులను గుర్తించామని, వెంటనే స్పందించి అవసరమైన కుర్చీలు, విద్యుత్ లైట్లు ఏర్పాటు చేసిన‌ట్లు తెలిపారు. భవిష్యత్‌లో కూడా వార్డులో సమస్యల పరిష్కారానికి కృషి చేస్తానని ఆమె ఈ సంద‌ర్భంగా పేర్కొన్నారు. ఈ కార్యక్రమంలో అంగన్‌వాడీ సిబ్బంది, స్థానికులు పాల్గొన్నారు.