జిల్లాలో మందకొడిగా సర్
మేడ్చల్-మల్కాజిగిరి జిల్లాలో సర్ ప్రక్రియ మందకొడిగా కొనసాగుతున్నది. మేడ్చల్, మల్కాజిగిరి, ఉప్పల్, కూకట్పల్లి, కుత్బుల్లాపూర్ నియోజకవర్గాలతో కలిపి అత్యధికంగా జిల్లాలో 29,79,130 మంది ఓటర్లు ఉండగా ఇప్పటి వరకు రాష్ట్రంలోనే అత్యల్పంగా 6.07 శాతం డిజిటలైజేషన్ నమోదైంది.
- రాష్ట్రంలోనే అత్యల్పంగా డిజిటలైజేషన్
- ఫారాల కోసం ఓటర్ల వెతుకులాట
- అధికారుల పర్యవేక్షణ లోపంతో బీఎల్వోల ఇష్టారాజ్యం
మేడ్చల్, జూలై12(నమస్తే తెలంగాణ): మేడ్చల్-మల్కాజిగిరి జిల్లాలో సర్ ప్రక్రియ మందకొడిగా కొనసాగుతున్నది. మేడ్చల్, మల్కాజిగిరి, ఉప్పల్, కూకట్పల్లి, కుత్బుల్లాపూర్ నియోజకవర్గాలతో కలిపి అత్యధికంగా జిల్లాలో 29,79,130 మంది ఓటర్లు ఉండగా ఇప్పటి వరకు రాష్ట్రంలోనే అత్యల్పంగా 6.07 శాతం డిజిటలైజేషన్ నమోదైంది. ఫారాల పంపిణిని మాత్రం 99.79 శాతం చేసినట్లు అధికారులు పేర్కొంటున్నప్పటికీ ఇందులో నిజం కనిపించడం లేదు.
సర్ ప్రక్రియ ప్రారంభమై 18 రోజులైనప్పటికీ ఇప్పటికీ ఫారాల కోసం ఓటర్ల వెతుకులాట కొనసాగుతున్నది. జిల్లాలో భారీ సంఖ్యలో ఓటర్లు ఉన్న నేపథ్యంలో సర్ ప్రక్రియ వేగవంతం చేయాల్సి ఉండగా అధికారుల పర్యవేక్షణ లేకపోవడం బీఎల్వోల ఇష్టారాజ్యంగా సర్ ప్రక్రియ సాగుతుందన్న ఆరోపణలు వినిపిస్తున్నాయి. దీంతో డిజిటలైజేషన్పై ఓటర్లు ఆందోళన చెందుతున్నారు.
హెల్ప్ డెస్క్లతో ప్రయోజనం సున్నా..
సర్ ప్రక్రియ నిర్వహణ సజావుగా జరిగేలా జిల్లా వ్యాప్తంగా సర్కిల్, మున్సిపాలిటీలు, ఆర్డీవో కార్యాలయాల్లో ఏర్పాటు చేసిన హెల్ప్డెస్క్లతో ప్రయోజనం లేదని ఓటర్లు ఆరోపిస్తున్నారు. ఫారాల పంపిణీ, ఫారాల నింపే సమాధానాలపై హెల్ప్డెస్క్లను సంప్రదిస్తే వారు సరైన సమాధానాలు ఇవ్యడం లేదని, ఫారాల కోసం బీఎల్వోలను సంప్రదించాలని బీఎల్వోలు ఫోన్ నెంబర్లు ఇచ్చి చేతులు దులుపుకుంటున్నారు. దీంతో ఓటర్లు చేసేది లేక బీఎల్వోలకు ఫోన్లు చేసి వారి వద్దకే వెళ్లి ఫారాలు తీసుకోవాల్సిన పరిస్థితి ఏర్పడిందని ఓటర్లు వాపోతున్నారు. సమీప వార్డు కార్యాలయాలకు వెళ్లి ఫారాలు తీసుకుంటున్నట్లు ఓటర్ల పేర్కొంటున్నారు. సర్ ప్రక్రియ గడువు సమీపిస్తున్న తరుణంలో ఓటర్లకు మాత్రం పరీక్షగా మారింది. తమ ఓట్లు ఉంటాయో లేదో అన్న సందేహంలో ఉన్నారు. హెల్ప్డెస్క్లలో ఓటర్లకు పూర్తి స్థాయిలో సమాచారం ఇచ్చేలా ఉన్నతాధికారులు చర్యలు తీసుకోవాల్సిన అవసరం ఎంతైనా ఉంది.
సర్ను వేగవంతం చేయాలి: కలెక్టర్
సర్ ప్రక్రియను వేగవంతం చేయాలని మేడ్చల్-మల్కాజిగిరి జిల్లా కలెక్టర్ మను చౌదరి బీఎల్వోలను ఆదేశించారు. ఆదివారం మేడ్చల్-మల్కాజిగిరి జిల్లాలోని కూకట్పల్లి జోనల్ కమిషనర్ కార్యాలయంలో జరుగుతున్న సర్ ప్రక్రియను జోనల్ కమిషనర్ మయాంక్ సింగ్తో కలిసి కలెక్టర్ మను చౌదరి పర్యవేక్షించారు. ఈ సందర్భంగా కలెక్టర్ మాట్లాడుతూ బీఎల్వోలు నిర్వహిస్తున్న ఫారాల పంపిణీ, స్వీకరణలను వేగవంతం చేయాలన్నారు. బీఎల్వోలు ఫారాలు ఇవ్వడం, తీసుకోవడంలో పూర్తి బాధ్యతగా వ్యహరించాలన్నారు. ఫారాలు పూరించడంలో ఓటర్ల సందేహాలను నివృత్తి చేస్తూ వారికి అవగాహన కల్పించాలన్నారు. తీసుకున్న ఫారాలను వెంట వెంటనే డిజిటలైజేషన్ చేయాలన్నారు. అందుబాటులో లేని ఓటర్ల వివరాలను సూపర్వైజర్లకు అందించాలని బీఎల్వోలను కలెక్టర్ ఆదేశించారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు
‘ఏఐటీయూసీ జాతీయ మహాసభలను జయప్రదం చేయండి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

