పరేడ్‌ గ్రౌండ్‌లో బీజేపీ బహిరంగ సభ

సికింద్రాబాద్‌ పరేడ్‌ గ్రౌండ్‌లో శనివారం బీజేపీ నిర్వహిస్తున్న బహిరంగ సభకు ప్రధాని నరేంద్రమోదీ ముఖ్య అతిథిగా హాజరవుతున్నారు.

• గ్రౌండ్‌ పరిసరాలలో ట్రాఫిక్‌ ఆంక్షలు

సిటీబ్యూరో, నవంబర్‌ 10(నమస్తే తెలంగాణ): సికింద్రాబాద్‌ పరేడ్‌ గ్రౌండ్‌లో శనివారం బీజేపీ నిర్వహిస్తున్న బహిరంగ సభకు ప్రధాని నరేంద్రమోదీ ముఖ్య అతిథిగా హాజరవుతున్నారు. ఈ నేపథ్యంలో మధ్యాహ్నం 2 నుంచి రాత్రి 8 గంటల వరకు పరేడ్‌గ్రౌండ్‌ పరిసరాలలో ట్రాఫిక్‌ ఆంక్షలు విధిస్తున్నట్టు నగర ట్రాఫిక్‌ అదనపు సీపీ సుధీర్‌బాబు తెలిపారు. ఈ సందర్భంగా తివోలి క్రాస్‌ రోడ్స్‌ నుంచి ఫ్లాజా ఎక్స్‌ రోడ్స్‌ను మూసేస్తున్నట్లు వెల్లడించారు. అయితే, చిలకలగూడ ఎక్స్‌ రోడ్స్‌, అలుగడ్డ బావి ఎక్స్‌ రోడ్స్‌, సంగీత్‌ ఎక్స్‌ రోడ్స్‌, వైఎంసీఏ ఎక్స్‌ రోడ్స్‌, ప్యాట్నీ ఎక్స్‌ రోడ్స్‌, ఎస్‌బీహెచ్‌ ఎక్స్‌ రోడ్స్‌, ప్లాజా, సీటీఓ జంక్షన్‌, బ్రూక్‌ బాండ్‌ జంక్షన్‌, తివోలి జంక్షన్‌, స్వీకార్‌ ఉపకార్‌ జంక్షన్‌, సికింద్రాబాద్‌ క్లబ్‌, తిరుమల గిరి ఎక్స్‌ రోడ్స్‌, తాడ్‌ బన్‌ ఎక్స్‌రోడ్స్‌, సెంటర్‌ పాయింట్‌, డైమాండ్‌ పాయింట్‌, బోయిన్‌పల్లి ఎక్స్‌ రోడ్స్‌, రసూల్‌పురా, ప్యారడైజ్‌ జంక్షన్లలో ట్రాఫిక్‌ రద్దీ ఎక్కువగా ఉండే అవకాశాలున్నాయని, ఆయా చౌరస్తాల నుంచి రాకపోకలు సాగించకపోవడంతో పాటు ఎంజీ రోడ్డు, ఆర్పీ రోడ్డు, ఎస్‌డీ రోడ్లపై రాకపోకలు పూర్తిగా మానేయాలని సూచించారు. ట్రాఫిక్‌ పోలీసుల సూచన మేరకు కేటాయించిన పార్కింగ్‌ స్థలాలలో తమ వాహనాలను పార్కింగ్‌ చేయాలని సూచించారు.

ట్రాఫిక్‌ మళ్లింపు ఇలా..

• సంగీత్‌ ఎక్స్‌ రోడ్స్‌ నుంచి బేగంపేట వైపు వెళ్లే వాహనాలను వైఎంసీఏ నుంచి క్లాక్‌ టవర్‌, ప్యాట్నీ ప్యారడైజ్‌, సీటీఓ, రసూల్‌పుర నుంచి బేగంపేటకు వెళ్లాలి.
• బేగంపేట నుంచి సంగీత్‌ ఎక్స్‌ రోడ్స్‌ వైపు వెళ్లే వాహనదారులు సీటీఓ ఎక్స్‌ రోడ్స్‌ వద్ద బాలమ్‌ రాయ్‌, బ్రూక్‌బాండ్‌, తివోలి, స్వీకార్‌ ఉపకార్‌, వైఎంసీఏ, సెయింట్‌ జాన్సన్‌ రోటరీ మీదుగా వెళ్లాలి.
• బోయిన్‌పల్లి, తాడ్‌బన్‌ నుంచి తివోలి వైపు వెళ్లే వాహనాలను బ్రూక్‌ బాండ్‌ వద్ద నుంచి సీటీఓ, రాణిగంజ్‌ వైపు మళ్లిస్తారు,
• కార్ఖానా, జేబీఎస్‌ నుంచి ఎస్‌బీహెచ్‌ ప్యాట్నీ వైపు స్వీకార్‌ ఉపకార్‌ నుంచి వైఎంసీఏ, క్లాక్‌ టవర్‌ మీదుగా వెళ్లాలి.
• ప్యాట్నీ నుంచి ఎస్‌బీహెచ్‌, స్వీకార్‌ ఉపకార్‌ వైపు వాహనాలను అనుమతించరు. క్లాక్‌ టవర్స్‌ వద్ద నుంచి వైఎంసీఏ వైపు మళ్లిస్తారు.
• తిరుమలగిరి ఆర్టీఏ, కార్ఖానా, మల్కాజిగిరి, సఫిల్‌గూడ నుంచి ఫ్లాజా వైపు వెళ్లే వాహనాలను తివోలి వద్ద నుంచి స్వీకార్‌ ఉపకార్‌, వైఎంసీఏ వైపు మళ్లిస్తారు.
• జూబ్లీహిల్స్‌ చెక్‌పోస్టు నుంచి బేగంపేట వెళ్లే వాహనాలను పంజాగుట్ట వద్ద ఖైరతాబాద్‌, గ్రీన్‌లాండ్‌, రాజ్‌భవన్‌ వైపు మళ్లిస్తారు.