రోడ్ల విస్తరణకు 799 ఆస్తుల సేకరణ..!

నగర మేయర్‌ గద్వాల్‌ విజయలక్ష్మి అధ్యక్షతన మంగళవారం 11వ స్టాండింగ్‌ కమిటీ సమావేశం జీహెచ్‌ఎంసీ ప్రధాన కార్యాలయంలో జరిగింది. ఈ స్టాండింగ్‌ కమిటీ సమావేశంలో 18 అంశాలకు సభ్యులు ఆమోదం తెలిపారని మేయర్‌ గద్వాల్‌ విజయలక్ష్మి తెలిపారు. కమిషనర్‌ డీఎస్‌.లోకేశ్‌కుమార్‌, అదనపు కమిషనర్లు శృతి ఓజా

11వ స్టాండింగ్‌ కమిటీ సమావేశంలో 18 అంశాలకు ఆమోదం
స్కిల్‌డెవలప్‌మెంట్‌పై మురికివాడల్లోని యువతకు శిక్షణ
కైత్లాపూర్‌ ట్రాన్స్‌ఫర్‌ స్టేషన్‌ వద్ద.. రూ.300 కోట్లతో సీఎన్‌జీ గ్యాస్‌ ప్లాంట్‌
పార్కుల నిర్వహణ బాధ్యతలు చూసుకునేలా ప్రైవేటు సంస్థలతో ఎంఓయూ

సిటీబ్యూరో, మే 31 (నమస్తే తెలంగాణ ) : నగర మేయర్‌ గద్వాల్‌ విజయలక్ష్మి అధ్యక్షతన మంగళవారం 11వ స్టాండింగ్‌ కమిటీ సమావేశం జీహెచ్‌ఎంసీ ప్రధాన కార్యాలయంలో జరిగింది. ఈ స్టాండింగ్‌ కమిటీ సమావేశంలో 18 అంశాలకు సభ్యులు ఆమోదం తెలిపారని మేయర్‌ గద్వాల్‌ విజయలక్ష్మి తెలిపారు. కమిషనర్‌ డీఎస్‌.లోకేశ్‌కుమార్‌, అదనపు కమిషనర్లు శృతి ఓజా, కెనడీ, ప్రాజెక్ట్‌ సీఈ దేవానంద్‌, సీసీపీ దేవేందర్‌ రెడ్డి, చీఫ్‌ ఎగ్జామినర్‌ వెంకటేశ్వర్‌ రెడ్డి, అడిషనల్‌ సీపీ శ్రీనివాస్‌, జోనల్‌ కమిషనర్లు శంకరయ్య, రవికిరణ్‌, మమత, పంకజ, శ్రీనివాస్‌ రెడ్డి, సామ్రాట్‌ అశోక్‌ , స్టాండింగ్‌ కమిటీ సభ్యులు పన్నాల దేవేందర్‌ రెడ్డి, మహ్మద్‌ అబ్దుల్‌ సలామ్‌ షాహిద్‌, మహపర, మిర్జా ముస్తఫా బేగ్‌, పర్వీన్‌ సుల్తానా, మందగిరి స్వామి, మహ్మద్‌ రషీద్‌ ఫరాజుద్దిన్‌, సీఎన్‌.రెడ్డి, మద్ది శ్రీనివాస్‌ రావు, సామల హేమ, కుర్మ హేమలత తదితరులు పాల్గొన్నారు.

స్టాండింగ్‌ కమిటీలో ఆమోదించిన అంశాలు

• – లైట్‌ హౌస్‌ కమ్యూనిటీ ఫౌండేషన్‌ ఆధ్వర్యంలో మురికివాడల్లో ఉంటున్న 35 సంవత్సరాల లోపు 600 మంది యువతకు సిల్‌ డెవలప్‌ మెంట్‌లో శిక్షణ ఇవ్వాలని నిర్ణయించారు. ఇందుకు చందానగర్‌ సరిల్‌ -21 పరిధి హుడా కాలనీలోని మోడల్‌ మారెట్‌ బిల్డింగ్‌ను ఎంపిక చేశారు. ఇందులో ఒక సంవత్సరం పాటు శిక్షణ తరగతులు నిర్వహించేందుకు పైలెట్‌ ప్రాజెక్టు కింద ఎంఓయూ చేసుకునేందుకు అనుమతికి కమిటీ ఆమోదం తెలిపింది.
• – జీవీకే ఈఎంఆర్‌ఐ ద్వారా నిర్వహిస్తున్న డయల్‌ 100 సర్వీసును జీహెచ్‌ఎంసీ ద్వారా రిజిస్టర్‌ అయిన 38శాతం రిజిస్టర్డ్‌ కాల్స్‌కు రూ. 99,39,641 అంచనా వ్యయాన్ని చెల్లించేందుకు పరిపాలన అనుమతికి ఆమోదం.
  -కార్పొరేట్‌ సోషల్‌ రెస్పాన్స్‌బులిటీ కింద బాలానగర్‌ హాల్‌ లిమిటెడ్‌ సంస్థ 2022 -23 ఆర్థిక సంవత్సరంలో రూ.300 కోట్లు, 2023-2024లో రూ.100 కోట్లు ఇవ్వనున్నారు. ఈ నిధులతో కైత్లాపూర్‌ ట్రాన్స్‌ఫర్‌ స్టేషన్‌ వద్ద బయో గ్యాస్‌ ప్లాంట్‌ ఏర్పాటు చేయడంతో పాటు దీని ద్వారా సీఎన్‌జీ గ్యాస్‌ తయారీ చేయనున్నారు. ఇందుకు టెండర్‌ పిలిచేందుకు అనుమతితో పాటు ఒప్పందం చేసుకొనుటకు కూకట్‌పల్లి జోనల్‌ కమిషనర్‌కు అథరైజేషన్‌ ఇవ్వాలని కమిటీ నిర్ణయించింది.
• – రోడ్‌ డెవలప్‌మెంట్‌ ప్లాన్‌ కింద హబ్సిగూడలోని సుదర్శన్‌ రెడ్డి స్వీట్‌ హోమ్‌ కార్నర్‌ నుంచి కిమిడి కాలనీ లోపలి వరకు, బ్యాంక్‌ ఆఫ్‌ బరోడా కాలనీ కుడి భాగం నుంచి నాచారం వరకు కనెక్ట్‌ చేస్తూ లింక్‌ రోడ్డు వేయనున్నారు. 18 మీటర్ల వెడల్పుతో వేయనున్న ఈ రోడ్డుకు 203 ఆస్తుల సేకరణకు ఆమోదం తెలిపింది.
• – ఖైరతాబాద్‌ జోన్‌ మల్లేపల్లి సరిల్‌ 12లో శిథిలావస్థలో ఉన్న జకీర్‌ హుస్సేన్‌ కమ్యూనిటీ హాల్‌ను తొలగించి అదే ప్రాంతంలో రూ.5.90 కోట్ల వ్యయంతో మల్టీపర్పస్‌ కమ్యూనిటీ హాల్‌ నిర్మించాని కమిటీ నిర్ణయం తీసుకున్నది. మొత్తం 1609 స్వేర్‌ మీటర్లు ఉన్న ఈ స్థలంలో 675 స్వేర్‌ మీటర్ల నుంచి 800 స్వేర్‌ మీటర్ల పరిధిలో అభివృద్ధి చేసేందుకు కమిటీ ఆమోదం తెలిపింది.
• – ఖైరతాబాద్‌ జోన్‌, సరిల్‌-12 గుడిమలాపూర్‌ 71వ వార్డు, పీవీఎన్‌ఆర్‌ ఎక్స్‌ ప్రెస్‌ ఫ్లై ఓవర్‌ పిల్లర్‌ 56వద్ద 608 మీటర్ల విస్తీర్ణంలో రూ.6 కోట్ల అంచనా వ్యయంతో సరిల్‌ కార్యాలయం భవనం నిర్మించేందుకు ఆమోదం.
• – శేరిలింగంపల్లి మండలం గచ్చిబౌలి విలేజ్‌ సర్వే నం.34, 37లోని శిల్పా పయనీర్‌ వద్ద ఉన్న పారును ఒక సంవత్సరం పాటు సీఎస్‌ఆర్‌ కింద నిర్వహణ బాధ్యతలు చూసేందుకు ఫొనిక్స్‌ టెక్నో ప్రై.లిమిటెడ్‌తో అడిషనల్‌ కమిషనర్‌ ఎంఓయూ చేసేందుకు అనుమతి జారీ చేస్తూ కమిటీ ఆమోదం.
• – సీఎస్‌ఆర్‌ కింద శేరిలింగంపల్లి జోన్‌ మాదాపూర్‌ సరిల్‌ నం.20 సర్వే నం.64లోని హుడా టెక్నో ఎన్‌క్లేవ్‌ను అనుకొని ఉన్న పారుల సుందరీకరణ, నిర్వహణను ఒక సంవత్సరం పాటు చేపట్టేందుకు ఎల్‌ఎన్‌బీ రియాల్టీ, ఎల్‌ఎల్‌పీ సీఎస్‌ఆర్‌తో అడిషనల్‌ కమిషనర్‌ ఎంఓయూ చేసేందుకు అనుమతి ఇస్తూ కమిటీ ఆమోదం.
• – చార్మినార్‌ జోన్‌ చాంద్రాయణగుట్ట సరిల్‌ నంబర్‌ 8లో చాంద్రాయణగుట్ట ఫ్లైఓవర్‌ నుంచి మొగల్‌కాలనీ వరకు రూ.6 కోట్ల అంచనా వ్యయంతో మోడల్‌ కారిడార్‌ నిర్మించేందుకు కమిటీ ఆమోదం.
• -పీవీఎన్‌ఆర్‌ ఫె్లైఓవర్‌ పిల్లర్‌ నం.143 రాంబాగ్‌ గోల్డెన్‌ కేఫ్‌ నుంచి బహదూర్‌పుర జంక్షన్‌ వయా కిషన్‌బాగ్‌ రోడ్డు వరకు 30ఫీట్ల మేర విస్తరించేందుకు 278 ఆస్తుల సేకరణకు ఆమోదం.
• – ఆర్‌డీపీ కింద ఐ.ఎస్‌.సదన్‌ జంక్షన్‌ నుంచి బైరామల్‌ గూడ జంక్షన్‌ వయా చంపాపేట్‌, కర్మన్‌ ఘాట్‌ వరకు 45 మీటర్ల మేర 60 మీటర్లు రోడ్డును వెడల్పు చేయడంలో భాగంగా ఇందిరా సేవా సదన్‌ నుంచి సరిల్‌ 7 లిమిట్స్‌ వరకు 45మీటర్లు వెడల్పు చేసేందుకు 135 ఆస్తులు, సరిల్‌ 7 లిమిట్స్‌ నుంచి బైరమాల్‌గూడ వరకు 60 మీటర్ల రోడ్డు వెడల్పు కొరకు 183 ఆస్తుల సేకరణకు కమిటీ ఆమోదం.
• – నల్గొండ క్రాస్‌ రోడ్స్‌ వద్ద వికాసం కార్యక్రమం నిర్వహణకు నేషనల్‌ సెన్సార్‌ పార్‌ నిర్వహణ, ఎన్‌జీఓ, ఏఈఎస్‌ సర్వీసుకు 75 శాతం షేర్‌ రూ.21.15 లక్షలు అయేషా ఎడ్యుకేషన్‌ సర్వీస్‌కు మూడేండ్ల పాటు జరిగే ఖర్చు చెల్లించుటకు కమిటీ ఆమోదం.
• – దివ్యాంగులు, సీనియర్‌ సిటిజన్లకు అలీమ్‌ కో సంస్థ ద్వారా సహాయ, ఉపకరణాలు ఆర్టిఫిషియల్‌ లింబ్స్‌ జీహెచ్‌ఎంసీ నిధులతో అందించేందుకు క్యాంపుల నిర్వహణ కోసం అలింకో స్వచ్ఛంద సంస్థకు ఇచ్చేందుకు అనుమతికి కమిటీ ఆమోదం.
• -ఖైరతాబాద్‌ జోన్‌ పరిధి సర్కిల్‌ 17లోని సనత్‌నగర్‌ దాసారం బస్తీలో రూ. 6 కోట్ల అంచనా వ్యయంతో మల్టీపర్పస్‌ ఫంక్షన్‌ హాల్‌( కన్వెన్షన్‌ సెంటర్‌) నిర్మించేందుకు పరిపాలన సంబంధిత అనుమతికి ఆమోదం.
• -చీఫ్‌ ఎగ్జామినర్‌ అకౌంట్స్‌ ద్వారా ఏప్రిల్‌ 30న ఆదాయం మరియు ఖర్చు స్టేట్‌మెంట్‌ వివరాలకు..
• – ఖైరతాబాద్‌ జోన్‌ కార్వాన్‌ సరిల్‌ జంజం కిరాణ జనరల్‌ స్టోర్‌, జీషన్‌ కేఫ్‌ వద్ద 1200 ఎంఎం డయా వరద నీటి పైపులైన్‌ వేసేందుకు రూ. 2.13 కోట్లు మంజూరు చేయాలని కమిటీ ఆమోదం.
• -ఎల్బీనగర్‌ జోన్‌ పటేల్‌ నగర్‌ ఎస్టీపీ నుండి డి-మార్ట్‌, ఉప్పల్‌ భగాయత్‌ లే అవుట్‌ వరకు రూ.4.9 కోట్లతో సీసీ రోడ్డు నిర్మించేందుకు కమిటీ ఆమోదం.
• – కార్పొరేట్‌ సోషల్‌ రెస్పాన్సిబిలిటీ (సీఎస్‌ఆర్‌) కింద ఖజానా గ్రూప్‌ ద్వారా ఖైరతాబాద్‌ జోన్‌ బంజారాహిల్స్‌ రోడ్‌ నం.12లోని ఎమ్మెల్యే కాలనీ వద్ద జీహెచ్‌ఎంసీ ఓపెన్‌ స్పేస్‌ నందు గ్రీనరీ అభివృద్ధి చేసేందుకు కమిషనర్‌ అనుమతి, కమిటీ ఆమోదం.