నగరంలో డెంగీ కలకలం
నగరంలో వానలు మొదలవడంతో దోమలు విజృంభిస్తున్నాయి. గతం కంటే ఈసారి వారం పది రోజుల ముందే వర్షాలు కురవడంతో గ్రేటర్తో పాటు నగరంలో సాయంత్రం కాగానే దోమల దండయాత్ర మొదలవుతోంది. వర్షాల కారణంగా గాలిలో తేమ శాతం పెరగడంతో వాతావరణం కొంత చల్లబడింది.
- 20రోజుల్లో 12కేసులు నమోదు
- విజృంభిస్తున్న దోమలు
- నిద్రావస్థలో జీహెచ్ఎంసీ అధికారులు
సిటీబ్యూరో, జూన్ 19 (నమస్తే తెలంగాణ): నగరంలో వానలు మొదలవడంతో దోమలు విజృంభిస్తున్నాయి. గతం కంటే ఈసారి వారం పది రోజుల ముందే వర్షాలు కురవడంతో గ్రేటర్తో పాటు నగరంలో సాయంత్రం కాగానే దోమల దండయాత్ర మొదలవుతోంది. వర్షాల కారణంగా గాలిలో తేమ శాతం పెరగడంతో వాతావరణం కొంత చల్లబడింది. దీంతో జలుబు, దగ్గు, జ్వరం వంటి లక్షణాలతో కూడిన సీజనల్ వ్యాధులు మొదలయ్యాయి. గడిచిన 20రోజుల్లో హైదరాబాద్ నగరంలోనే 12కేసులు నమోదవడం కలకలం రేపుతోంది. ఈ కేసుల్లో అత్యధికంగా పాతబస్తీలోనే నమోదైనట్లు సమాచారం.
వర్షాకాలం ప్రారంభానికి ముందే జీహెచ్ఎంసీలోని ఎంటమాలజి విభాగం అధికారులు దోమల నివారణ చర్యలు చేపట్టకపోవడంతో పరిస్థితి చేయి దాటే వరకు వచ్చింది. దోమల కారణంగా డెంగీ, మలేరియా, చికున్గున్య వంటి విష జ్వరాలు విజృంభిస్తున్నాయి. కరోనా అలజడి సమయంలో ఒకే లక్షణాలు కలిగిన డెంగీ కేసులు నమోదవడంతో ప్రజలు అయోమయానికి గురవుతున్నారు.
ముందస్తు చర్యలేవి..?
దోమలు వృద్ధిచెందకుండా ఉండేందుకు యాంటీలార్వా, ఫాగింగ్ తదితర చర్యలు చేపట్టాలి. అంతే కాకుండా బస్తీలు, కాలనీలు, ముఖ్యంగా మురికి వాడల్లో కాలువలు, కుంటలు, నాలాల్లో దోమలు వృద్ధి చెందకుండా నివారణ చర్యలు చేపట్టాలి. కానీ సంబంధిత జీహెచ్ఎంసీ, ఎంటమాలజి విభాగం అధికారులు ఆ దిశగా చర్యలు చేపట్టడం లేదు.
వర్షాలు కురవడంతో దీని వల్ల దోమలు వృద్ధిచెంది సీజనల్ వ్యాధులు విజృంభించే అవకాశాలు లేకపోలేదని వాపోతున్నారు వైద్యులు. మూడురోజులైనా జ్వరం, ఒంటి నొప్పులు వంటి లక్షణాలు తగ్గకపోతే వెంటనే వైద్యులను సంప్రదించి, సంబంధిత వైద్యపరీక్షలు చేయించుకోవాలని వైద్యులు సూచిస్తున్నారు. అంతే కాకుండా దోమల బారిన పడకుండా తగిన జాగ్రత్తలు తీసుకోవాలని, ఇంటితో పాటు ఇంటి పరిసర ప్రాంతాల్లో పరిశుభ్రత పాటించాలని సూచిస్తున్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Sajjanar | పోస్టింగ్ ఎక్కడ ఇచ్చినా తగ్గేది లేదు.. సజ్జనార్ కీలక వ్యాఖ్యలు!
మాల వేసుకుని చెప్తున్న.. కాంగ్రెస్ మళ్లా రాదు!.. సీఎం కరప్షన్తో తీవ్రనష్టం.. రేవంత్పై ఎమ్మెల్యే రాజగోపాల్ ఫైర్
Harish Rao | మాటల్లో వజన్ లేదు.. చేతల్లో విజన్ లేదు.. సిద్దిపేటలో రేవంత్రెడ్డి చిల్లర ప్రసంగంపై హరీశ్రావు ఫైర్
Land Scam | మాజీ డీజీపీ భూమికి ఎసరు.. 4.27 ఎకరాల పట్టాభూమి రియల్టర్ పేరు పైకి!
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

