పీరియ‌డ్స్‌లో స‌మ‌స్య‌లా? ఈ యోగాస‌నాలు వేస్తే మంచిద‌ట‌!!

Periods | ఒత్తిడి, మారుతున్న జీవనశైలి కారణంగా మహిళల్లో నెలసరి సమస్యలు అధికం అవుతున్నాయి. రుతుక్రమం సరిగ్గా రాకపోవడం, నొప్పి, అధిక రక్తస్రావం, చికాకు.. నిత్యం వేధిస్తుంటాయి. దీనికి యోగా చక్కని పరిష్కారమని అంటారు నిపుణులు.

భుజంగాసనం

బోర్లా పడుకుని తలను వెనక్కి వంచుతూ వేసే ఈ ఆసనం ఎంతో సులభం. క్రమం తప్పకుండా ఈ ఆసనాన్ని సాధన చేయడం వల్ల నెలసరి సక్రమంగా వస్తుంది. పొట్టలోపలి భాగాలకు చక్కని వ్యాయామం అవుతుంది. అండాశయం పనితీరు మెరుగుపడి సంతాన సాఫల్యతకు తోడ్పడుతుంది.

బద్ధకోణాసనం

సీతాకోక చిలుక రెక్కలు ఆడించినట్టుగా రెండు అరికాళ్లను వేగంగా ఆడించాల్సి ఉంటుందీ ఆసనంలో. దీనివల్ల కటి ప్రాంతంలో రక్తప్రసరణ చక్కగా జరుగుతుంది. తద్వారా కాళ్లు, నడుము, పొట్టభాగాలకు బలం చేకూరుతుంది. అంతేకాకుండా గంటల కొద్దీ కూర్చోవడం వల్ల కటి ప్రాంతంలో ఏర్పడే అసౌకర్యాన్ని కూడా ఈ ఆసనం బాగా తగ్గిస్తుంది.

సేతుబంధాసనం

కాళ్లూ మెడ భాగాన్ని నేల మీద ఉంచి, నడుము భాగాన్ని మాత్రం గాల్లోకి ఎత్తి ఉంచుతూ వేసే ఈ యోగాసనం థైరాయిడ్‌ గ్రంథి పనితీరును మెరుగుపరుస్తుంది. మెనోపాజ్‌ సమయంలో కలిగే ఇబ్బందులనూ అరికడుతుంది. గర్భాశయం, అండాశయంలాంటి భాగాలను ఉత్తేజపరుస్తుంది.

పద్మాసనం

రెండు కాళ్లనూ ఒక దగ్గరికి తీసుకువచ్చి ఒకకాలు మీద మరోకాలుని మడుస్తూ వేసే పద్మాసనం అందరికీ సుపరిచితమే. ఈ ఆసనం హార్మోన్ల అసమతుల్యాన్ని అరికట్టి గర్భధారణ అవ
కాశాల్ని మెరుగుపరుస్తుంది. నెలసరి సమయంలో పద్మాసనంలో కాసేపు కూర్చోవడం వల్ల నొప్పుల నుంచి ఉపశమనం లభిస్తుంది. రక్త ప్రసరణను అదుపులో ఉంచి మెదడుకూ హాయినిస్తుంది.

Read More :

Menopause | మెనోపాజ్ ఇబ్బందుల‌ను ఎలా ఎదుర్కోవాలి?”

పీరియడ్స్‌ సమయంలో కడుపు ఉబ్బరం.. నివారణ ఇలా..!”

“Rtu Vidya | పీరియ‌డ్స్‌పై ఎన్నెన్నో ప్ర‌శ్న‌లు.. అన్నింటికీ స‌మాధాన‌మే ఈ బుక్‌”

viparita karani aasan | నిద్ర‌లేమి స‌మ‌స్య నుంచి బ‌య‌ట‌ప‌డాలంటే గ‌ర్బిణులు ఈ ఆస‌నం వేయ‌డం బెట‌ర్‌”