Menopause | మెనోపాజ్ ఇబ్బందుల‌ను ఎలా ఎదుర్కోవాలి?

Menopause | మహిళల శరీరాలు ఎన్నో మార్పులకు గురవుతాయి. అందులో ఒకటే మెనోపాజ్‌. రుతుక్రమం ఆగిపోయే దశ ఇది. ఒకప్పుడు యాభై ఏండ్లకు కానీ వచ్చేది కాదు. మారుతున్న జీవనశైలి కారణంగా నలభైలలోనే ఆ లక్షణాలు కనిపిస్తున్నాయి. అయితే, చాలామందికి మెనోపాజ్‌ ఇబ్బందుల పట్ల అవగాహన ఉండటం లేదు.

♦ మెనోపాజ్‌ తర్వాత ఆరోగ్యం విషయంలో మరింత జాగ్రత్తగా ఉండాలి. వ్యాయామం తప్పనిసరి. పోషకాహారం తీసుకోవాలి. తేడావస్తే, గుండెపోటు వచ్చే ఆస్కారం ఉన్నట్టు అధ్యయనాలు చెబుతున్నాయి.

♦ మెనోపాజ్‌ దశలో పొత్తికడుపు ముందుకొస్తుంది. బరువు పెరగడం కూడా ప్రారంభం అవుతుంది. దీన్ని మొదట్లోనే నియంత్రించాలి.

♦ హార్మోన్ల అసమతుల్యత వల్ల మానసిక ఆందోళన, ఒత్తిడి పెరుగుతాయి. అయితే ఇది ఒక్కో మహిళలో ఒక్కోలా ఉంటుంది.

♦ కాలం, వాతావరణంతో సంబంధం లేకుండా చర్మం పొడిబారుతుంది. తలపై మాడు కూడా పొడిబారిపోయి దురదకు దారితీస్తుంది. కాబట్టి, నాణ్యమైన మాయిశ్చరైజర్‌ను వాడాలి.

♦ ముఖ్యంగా ఈ దశలో ఎముకలు బలహీనపడతాయి. క్యాల్షియంతో కూడిన ఆహారం తీసుకోవడం తప్పనిసరి.

♦ నిద్రలేమి కూడా ఎక్కువే. హార్మోన్ల అసమతుల్యత ఇందుకు ఓ కారణం.

Read More :

పుట్టింటికి వచ్చిన ఆడపిల్లలు తొమ్మిదో రోజు అత్తవారింటికి ప్రయాణం చేయకూడదంటారు ఎందుకు ?”

“ప్ర‌పంచాన్ని చుట్టేయాల‌నుకునే మ‌హిళ‌ల కోస‌మే ఈ స‌ర్వీసులు.. మీరు లుక్కేయండి”

అవకాశం వ‌స్తే ఆర్టీసీ డ్రైవ‌ర్ కొలువు చేస్తానంటున్న కరీంన‌గ‌ర్ ఆడ‌బిడ్డ‌.. ఎందుకంటే”

రుతుక్రమం చీకటి గదిలో దాచిపెట్టే విషయం కాదు.. ఆడపిల్లలకు భరోసా ఇస్తున్న స్కూల్ టీచ‌ర్‌”