viparita karani aasan | నిద్ర‌లేమి స‌మ‌స్య నుంచి బ‌య‌ట‌ప‌డాలంటే గ‌ర్బిణులు ఈ ఆస‌నం వేయ‌డం బెట‌ర్‌

viparita karani aasan | గర్భిణులు ఎదుర్కొనే వివిధ సమస్యలలో నిద్రలేమి ఒకటి. అంతేకాదు, శరీరం బరువు పెరగడంతో పాదాలపై ఒత్తిడి అధికం అవుతుంది. ఈ ఇబ్బందులకు సరైన పరిష్కారం విపరీత కరణి ఆసనం. కాకపోతే, నిపుణుల సలహా తర్వాతే సాధన ప్రారంభించాలి. అసౌకర్యంగా అనిపిస్తే ఆపేయాలి.

• ముందుగా గోడ దగ్గర పడుకోవాలి. నిదానంగా కిందికి జరుగుతూ పిరుదులను గోడ సమీపానికి తీసుకురావాలి. ఇప్పుడు, చిత్రంలో చూపినట్టు గోడ మద్దతుతో కాళ్లను పైకెత్తాలి. కాళ్లు పూర్తిగా గోడకు తాకేలా చూసుకోవాలి.
• చేతులను రిలాక్స్‌గా పక్కకు చాపాలి. ఈ స్థితిలో కొన్ని నిమిషాల పాటు ఉండాలి. నిదానంగా శ్వాసక్రియ కొనసాగించాలి.
• చివరగా మోకాళ్లను మడిచి కాళ్లను నెమ్మదిగా కిందికి తీసుకురావాలి. కూర్చునేందుకు వీలుగా కాళ్లను ఎడంగా చాపాలి. నిదానంగా పైకి లేచి కూర్చోవడంతో ఆసనం పూర్తవుతుంది.
• ఆసనం వేయడం కష్టంగా అనిపిస్తే తలకింద, వీపు కింద, పిరుదుల దగ్గర దిండ్లు పెట్టుకోవచ్చు. నిపుణుల పర్యవేక్షణలో చేయడం ఉత్తమం.

 

– అనితా అత్యాల, ప్రెగ్నెన్సీ యోగా నిపుణురాలు ( 6309800109 )

Read More :

“prasarita padottanasana | గ‌ర్బిణులు ఈ యోగాస‌నం వేస్తే ఇంత లాభమా?”

గ‌ర్భిణుల‌కు మేలు చేసే వజ్రపార్శ్వ కోణాసనం ఎలా వేయాలి?”

Kadthal : ధ్యానంతో జీవితం ఆనందమయం.. బ్రహ్మార్షి సుభాశ్‌ పత్రీజీ..”