Visit:
Junkfood | జంక్ఫుడ్ మన శరీర ఆరోగ్యానికి హానిని కలిగిస్తుంది. జంక్ఫుడ్ ను ఎక్కువగా తీసుకోవడం వల్ల శరీర బరువు పెరగడం, షుగర్ వ్యాధి బారిన పడడం, గుండె సమస్యలు వస్తాయన్న సంగతి అందరికీ తెలుసు. అయితే జంక్ఫుడ్ ను తీసుకోవడం వల్ల కేవలం శరీర ఆరోగ్యమే కాదు మెదడు పనితీరు కూడా మారుతుందని వైద్యులు చెబుతున్నారు. జంక్ఫుడ్ ను తీసుకోవడం వల్ల మెదడుపై ప్రతికూల ప్రభావం పడుతుందని మెదడు ఆరోగ్యం దెబ్బతినే అవకాశం ఎక్కువగా ఉంటుందని వైద్యులు చెబుతున్నారు. జంక్ఫుడ్ మెదడు ఆరోగ్యాన్ని ఏవిధంగా ప్రభావితం చేస్తుందో ఇప్పుడు తెలుసుకుందాం.
సంతృప్త కొవ్వులు, చక్కెరలు ఉన్న ఆహారాలను తీసుకోవడం వల్ల హిప్ఫోకాంపస్ పనితీరు, జ్ఞాపకశక్తి తగ్గుతుంది. మెదడులో కొత్త జ్ఞాపకాలను ఏర్పరచడంలో హిప్ఫోకాంపస్ కీలకంగా పని చేస్తుంది. జంక్ఫుడ్ ను తీసుకోవడం వల్ల జ్ఞాపకశక్తితో పాటు అభిజ్ఞా పనితీరు కూడా తగ్గుతుంది. జంక్ఫుడ్ ను ఎక్కువగా తీసుకోవడం వల్ల బీడీఎన్ఎఫ్ తగ్గుతుంది. నేర్చుకోవడానికి అవసరమైన పరమాణు మార్గాలు మొద్దుబారతాయి. బీడీఎన్ఎఫ్ ఎక్కువ కాలం పాటు అణచి ఉండడం వల్ల మెదడు తక్కువ అనుకూలంగా, స్థితిస్థాపకంగా మారుతుంది. స్నాక్స్, చక్కెర పానీయాలను ఎక్కువగా తీసుకోవడం వల్ల డిప్రెషన్ లక్షణాలు ఎక్కువవుతాయి. న్యూరోట్రాన్స్మిటర్లు, మైక్రోబయోమ్ లలో మార్పులు వస్తాయి. మానసిక స్థితి దిగజారుతుంది.
జంక్ఫుడ్ మెదడు డోపమైన్ మార్గాలను అతిగా ప్రేరేపిస్తాయి. దీంతో జంక్ఫుడ్ వ్యసనంగా మారే అవకాశం ఉంది. ఇది అతిగా తినడానికి కూడా దారి తీసే అవకాశం ఉంది. అధిక సంతృప్త కొవ్వులు మెదడు రోగనిరోధక కణాలైన మైక్రోగ్లియాను సక్రియం చేస్తాయి. దీర్ఘకాలిక న్యూరో ఇన్ఫ్లామేషన్ న్యూరల్ నెట్ వర్క్ లను దెబ్బతీస్తుంది. మానసిక స్థితితో పాటు జ్ఞానం కూడా తగ్గుతుంది. మెదడు పనిచేయకుండా పోయే అవకాశం కూడా ఉంది. జంక్ఫుడ్ హృదయ సంబంధ సమస్యలను, వాస్కులర్ ప్రమాదాన్ని పెంచుతుంది. వాస్కులర్ దెబ్బతినడం వల్ల మెదడుకు రక్తం, ఆక్సిజన్ సరఫరా తగ్గుతుంది. దీని వల్ల అభిజ్ఞా పనితీరు తగ్గుతుంది. జంక్ఫుడ్ ను ఎక్కువగా తీసుకోవడం వల్ల ప్రేగుల్లో మెదడు పనితీరును దెబ్బతీసే సూక్ష్మక్రిములు ఎక్కువగా తయారవుతాయి. ఈ విధంగా జంక్ఫుడ్ మెదడు ఆరోగ్యాన్ని దెబ్బతీస్తుందని కనుక జంక్పుడ్ ను తీసుకోకపోవడమే మంచిదని వైద్యులు చెబుతున్నారు.
