Cucumber | ఎండాకాలంలో దొరికే కీరదోసను తొక్క తీసి తినడం మంచిదేనా?

Cucumber Health Benefits | కీరదోస మెరుగైన ఆరోగ్యానికి చక్కటి దివ్యౌషధం. దోసకాయను ఆహారంలో భాగం చేసుకుంటే తినే ఆహారం త్వరగా జీర్ణమవుతుంది. ప్రస్తుత వేసవిలో చల్లదనాన్ని ఇవ్వడమే కాకుం డా పుష్కలమైన పోషకాలు శరీరానికి ఎంతో మేలు చేస్తాయి.

Cucumber | నాగర్‌కర్నూల్‌, మార్చి 18 : కీర దోస.. దీనికున్న క్రేజీ అంతాఇంతా కాదు.. కాయను కోసి కాస్త ఉప్పుకారం చల్లి తింటుంటే ఆ మజానే వేరు.. కిలో రూ.20 నుంచి రూ.25కు లభిస్తుంది. ఆరోగ్యానికి భరోసానిస్తుండడం.. తక్కువ నీరు.. సమయంలో చేతికొచ్చే ఈ పంట సాగుతో లాభాలు బాగుంటున్నాయి. మంచి ఆదాయం ఉన్న పంట కావడంతో సాగుకు రైతులు ఆసక్తి చూపుతున్నారు. మనిషిలో కొవ్వుని తగ్గించే గుణం.. ‘సి’ విటమిన్‌ పుష్కలంగా ఉండడం.. బీపీని అదుపు చేయడంలో దివ్యౌషధంగా పనిచేస్తున్నది. వేసవిలో చల్లదనాన్నిస్తూ మేలు చేస్తున్నది. రక్తపోటుతో బాధపడేవారికి ఇది చక్కని ఆహారం.. అందుకే కీరను తీసుకోవాలని ఆయుర్వేద ఆరోగ్య నిపుణులు సూచిస్తున్నారు.

కీరదోస మెరుగైన ఆరోగ్యానికి చక్కటి దివ్యౌషధం. దోసకాయను ఆహారంలో భాగం చేసుకుంటే తినే ఆహారం త్వరగా జీర్ణమవుతుంది. ప్రస్తుత వేసవిలో చల్లదనాన్ని ఇవ్వడమే కాకుం డా పుష్కలమైన పోషకాలు శరీరానికి ఎంతో మేలు చేస్తాయి. కీరదోస డీహైడ్రేటింగ్‌ ఏజెంట్‌గా పనిచేస్తున్నది. పొటాషియం, మెగ్నీషియం అధికంగా ఉండడంతో రక్తపోటుతో బాధపడేవారికి ఇది చక్కని ఆహారం కూడా. చెమటతో కోల్పోయిన నీటిని లవణాలను శరీరానికి అందించడంలో చక్కటి పాత్ర పోషిస్తున్నది. రోజూ కప్పు కీరదోస రసం తాగితే శరీరం నిగారింపు సంతరించుకుంటుందని ఆయుర్వేద ఆరోగ్య నిపుణులు చెబుతారు.

కాలం ఏదైనా అదే క్రేజీ..

ఏకాలంలో అయినా అతి తక్కువ ధరకు లభించే కాయల్లో కీరదోస ఒకటి. వేసవి తాపం నుంచి మనిషికి ఉపశమనం కలిగించడమే కాకుండా ఆరోగ్యానికి ఎంతో మేలు చేకూరుస్తున్నది. ముఖ్యంగా పట్టణ ప్రాంతాల్లో తోపుడు బండ్లపై వీటిని ఎక్కువగా విక్రయిస్తుంటారు. కాయను కోసి కాస్త ఉప్పుకారం చల్లి తింటుంటే ఆ మజానే వేరు.. కిలోకు రూ.20 నుంచి రూ.25కు లభిస్తుంది. ఎక్కువగా శుభకార్యాలు, పెం డ్లిండ్ల సమయంలో కాస్త ధర ఎక్కువగా ఉంటుంది.

ఉపయోగాలిలా…

• కీరదోసలో 95 శాతం నీరు ఉండడంతో డీహైడ్రేషన్‌ సమస్యలు తలెత్తవు.
• మనిషి శరీరంలో పేరుకుపోయిన వ్యర్థాలను తొలగిస్తుంది. కీరదోస పొట్టలో సీ విటమిన్‌ ఉంటుంది. అందుకే నేరుగా తీసుకుంటే శరీరానికి అవసరమయ్యే విటమిన్‌ అందనున్నది.
• ఇందులోని పొటాషియం రక్తపోటులోని హెచ్చుతగ్గులను సవరిస్తూ ఉంటుంది
• మనిషి కళ్ల కింద నల్లటి మచ్చలు ఏర్పడితే కీరదోస ముక్కలను పెట్టుకుంటే చారలు తొలగిపోతాయి. అందువల్లే బ్యూటీషియన్లు కీరను ఎక్కువగా వాడుతుంటారు.
• కళ్లు ఉబ్బినట్లు ఉంటే వాటి మీద తాజా కీరదోస కాయ ముక్కలను కాటన్‌ వేసి పెట్టుకుంటే రిజల్ట్‌ ఉంటుంది.
• వెంట్రుకల ఎదుగుదలకు కారణమైన సల్ఫర్‌, సిలికాన్‌, దోహదపడుతాయి. జుట్టును ఆరోగ్యంగా ఉంచుతుంది.
• కడుపులో మంట(ఎసిడిటీ)ని తగ్గిస్తుంది. జీర్ణక్రియను మెరుగు పరచడంలో దిట్ట
• కీరదోస తొక్కలోనూ కే విటమిన్‌ సమృద్ధిగా ఉండడంతో చర్మానికి మేలు చేకూరుస్తుంది.
• ఒక దోసకాయ ముక్కని 30 సెకన్లపాటు నాలుకతో నోటికి పట్టుకొని ఉంటే చెడు శ్వాసకి కారణమైన బాక్టీరియాను చంపేగుణం ఉంటుంది.
• బరువు తగ్గాలనుకునే వారికి దీనిని మించిన ప్రత్యామ్నాయం మరొటి ఉండదు.
• కీరదోస పీచు ఎక్కువగా ఉండడంతో మలబద్ధకం సమస్య నుంచి మనిషి తన శరీరాన్ని కాపాడుకోవచ్చు.

తొక్కతో తినడమే మంచిది..

• కీరదోసను తొక్కతోనే తినడం వల్ల మంచి ఫలితం ఉంటుంది. ఊరగాయగా తినకూడదు.
• కీరదోసకాయ జూస్‌ తాగడంతో అందులో ఉండే ఖనిజాల్లో ఆల్కలైన్‌ స్వభావంతో రక్త ప్రసరణ చక్కగా జరుగుతుంది.
• దోసకాయ జూస్‌ గ్యాస్టిక్‌, డియోడినం అల్సర్లకు చికిత్సగా ఉపయోగపడుతుంది.
• ఎటువంటి రంగులు లేని కీరదోసకాయ జూస్‌తో రక్త ప్రసరణ క్రమబద్ధంగా ఉంటుంది. ఇందులోని ఖనిజాలు సోడియం నియంత్రణకు దోహపడుతుంది.
• వాతావరణం పొడిగా, వేడిగా ఉన్న రోజుల్లో ఏవైనా ఆకు కూరల రసంతో కలిపి జూస్‌ తీసుకుంటే చలువ చేస్తుంది.
• మూత్ర పిండాల్లో రాళ్లు కరిగిపోవడానికి, మూత్ర విసర్జన చక్కగా జరగడానికి దోహదపడుతుంది.
• తీవ్రమైన ఎండలతో చర్మం కమిలిపోతే కీరదోసకాయ రసం తీసి కమిలిన చోట రాస్తే చట్టగా ఉండి శరీరానికి ఉపశమనం కలిగిస్తుంది.