Breast Feeding : తల్లి పాలతో చిన్నారుల్లో ఆరోగ్యం

Breast Feeding : తల్లిపాలు.. శ్రేష్టమైనదే కాకుండా బిడ్డకు ఎంతో ముఖ్యమైన పౌష్టికాహారం. తల్లికి బిడ్డకు ఆరోగ్యవంతమైనది. ఇద్దరి మధ్య మంచి అనుబంధాన్ని పెంచుతుంది. భూమ్మీదకు వచ్చిన చిన్నారి నోటికి అమృత భాండాగారాన్ని అందివ్వగానే.. ఆరోగ్యాన్నిచ్చే అమృతం దొరికిందన్న తృప్తితో హాయిగా నిద్రపోతాడు

August 5, 2021 / 06:38 PM IST

Breast Feeding : తల్లి పాలతో చిన్నారుల్లో ఆరోగ్యం

తల్లిపాలు ఎంతో శ్రేష్టమైనవి. బిడ్డకు ఎంతో ముఖ్యమైన పౌష్టికాహారం. నిజానికి తల్లి గర్భం నుంచి బయటకు రాగానే శుభ్రం కూడా చేయకుండానే బిడ్డకు తల్లి పాలు (మొర్రి పాలు) అందించాలి. బిడ్డ పుట్టిన తరువాత ఎంత త్వరగా మొర్రి పాలు ఇవ్వగలిగితే తల్లికీ, బిడ్డకూ ఎంతో ఆరోగ్యం. తల్లిపాలల్లో ప్రోటీన్లు , విటమిన్లు , కార్బోహైడ్రేట్లు , మినరల్స్‌ , కాల్షియం, పొటాషియం తదితరాలు తగు పాళ్లలో ఉంటాయి. పుట్టింది మొదలు బిడ్డకు 6 నెలల వయసు వచ్చేంత వరకు తల్లిపాలు ఇవ్వడం వల్ల పాలలోని కోలాస్ట్రం అనే పదార్థం.. చిన్నారుల్లో వ్యాధి నిరోధక శక్తిని పెంచి ఆరోగ్య సమస్యలు రాకుండా కాపాడుంది.

తల్లి పాలతో బిడ్డకు ప్రయోజనాలు..
పిల్లల తెలివి తేటలను పెంచుతుంది.
పాలలోని ఫ్యాటీ ఆసిడ్స్ పిల్లల మెదడు పెరుగుదలకు ఉపయోగపడుతుంది.
జీర్ణకోశ సంబంధ సమస్యలు రాకుండా కాపాడుతుంది.
మలబద్దక సమస్య లేకుండా చేస్తుంది.
ఆస్తమా, చెవి సంబంధ వ్యాధులు రాకుండా కాపాడుతుంది.
లుకేమియా వ్యాధి రాకుండా రక్షిస్తుంది.
పెద్ద వయసులో అధిక రక్తపోటు, మధుమేహం రాకుండా కాపాడుతుంది.
తల్లిలో పోస్ట్‌పార్టం డిప్రెషన్ అవకాశం తగ్గి త్వరగా కోలుకుంటారు.
రొమ్ము, గర్భసంచి, అండాశయ క్యాన్సర్ల అవకాశాలు కూడా తగ్గిపోతాయి.
బిడ్డకు పాలు పట్టకపోతే వారిలో ఆస్తమా, అనీమియా వంటి జబ్బుల అవకాశం పెరుగుతుంది. వైరస్‌ ఇన్‌ఫెక్షన్స్‌ , అలర్జీ వంటివి చుట్టుముడతాయి.