రోజుకు రెండు చాలు

రోజుకు కేవలం రెండు ఖర్జూర పండ్లను తినడం వల్ల.. అనేక రకాల ఆరోగ్య ప్రయోజనాలు పొందవచ్చని అంటున్నారు ఆహార నిపుణులు.

రోజుకు కేవలం రెండు ఖర్జూర పండ్లను తినడం వల్ల.. అనేక రకాల ఆరోగ్య ప్రయోజనాలు పొందవచ్చని అంటున్నారు ఆహార నిపుణులు. ముఖ్యంగా చలికాలంలో వీటిని తప్పనిసరిగా తీసుకోవాలని సూచిస్తున్నారు. ఖర్జూరంలో విటమిన్లు, పొటాషియం, కాల్షియం, ఖనిజాలు, ఫైబర్‌, పాస్ఫరస్‌, కాపర్‌, మెగ్నీషియం పుష్కలంగా లభిస్తాయి.

• రోజుకు రెండు ఖర్జూరాలను తింటే.. గుండె ఆరోగ్యానికి భరోసా దక్కుతుంది. వీటిలో ఉండే మెగ్నీషియం, పొటాషియం.. రక్తపోటును తగ్గించి, గుండెను ఆరోగ్యంగా ఉంచుతాయి.
• అందాన్ని రెట్టింపు చేయడంలోనూ ఖర్జూరాలు ముందుంటాయి. వీటిని రోజుకు రెండు చొప్పున తింటే.. చర్మం కాంతిమంతంగా తయారవుతుంది. ఖర్జూరలో ఉండే యాంటి ఆక్సిడెంట్లు, విటమిన్లు.. చర్మ ఆరోగ్యాన్ని సంరక్షిస్తాయి.
• రక్తహీనతకు ఖర్జూరాలు విరుగుడులా పనిచేస్తాయి. ఇవి శరీరంలో ఇనుమును పెంచి.. రక్తహీనతను దూరం చేస్తాయి.
• ఖర్జూరలో ఉండే విటమిన్‌ ఎ, విటమిన్‌ సి, ఇతర యాంటి ఆక్సిడెంట్లు.. శరీరంలో రోగనిరోధక శక్తిని పెంచుతాయి.
• మలబద్ధకం సమస్యను నివారించడంలో ఖర్జూరం సమర్థంగా పనిచేస్తుంది. దీనిలో ఉండే ఫైబర్‌.. జీర్ణక్రియను మెరుగుపరుస్తుంది.
• ఖర్జూరలో ఉండే మెగ్నీషియం, కాల్షియం, పాస్ఫరస్‌.. ఎముకల దృఢత్వాన్ని పెంచుతాయి.