లక్నో: యోగి ఆదిత్యనాథ్ సారధ్యంలోని ఉత్తరప్రదేశ్ ప్రభుత్వంపై అలహాబాద్ హైకోర్టు తీవ్రంగా మండిపడింది. కరోనా పరిస్థితిని నియంత్రించడంలో దారుణంగా విఫలమైందని ఆగ్రహం వ్యక్తం చేసింది.
రాజకీయ ప్రయోజనాల కోసం మహమ్మారి వేళ ప్రజల కదలికలను మీరు తనిఖీ చేయకపోవచ్చు.. కానీ మేం ప్రేక్షక పాత్ర వహించలేమని స్పష్టం చేసింది.కరోనా నియంత్రణకు తీసుకోవాల్సిన చర్యలపై యూపీ సర్కార్కు హైకోర్టు మార్గదర్శకాలు జారీ చేసింది.
రాష్ట్ర రాజధాని లక్నోతోపాటు ఐదు నగరాల పరిధిలో సోమవారం రాత్రి నుంచి ఈ నెల 26 వరకు లాక్డౌన్ విధించాలని ఉత్తరప్రదేశ్ ప్రభుత్వాన్ని సోమవారం ఆదేశించింది. ఈ నగరాల పరిధిలో రోజురోజుకు పెరుగుతున్న కరోనా కేసులు ఆందోళన కలిగిస్తున్నాయి.
కేవలం వీఐపీలు, వీవీఐపీలకు మాత్రమే రిలీఫ్ కల్పిస్తే యావత్ వ్యవస్థ కుప్పకూలుతుందని హెచ్చరించింది. ప్రముఖులు, అత్యంత ప్రముఖులు (వీవీఐపీ)లకు మాత్రమే రెమ్డెసివిర్ ఇంజక్షన్ ఇవ్వడానికి అనుమతించడంపై ఆగ్రహం వ్యక్తం చేసింది న్యాయస్థానం.
వివాహాలతోపాటు అన్ని వేడుకల నిర్వహణపై నిషేధం విధించింది. ఇప్పటికే ఖరారైన కార్యక్రమాల నిర్వహణకు సంబంధిత జిల్లా మేజిస్ట్రేట్ అనుమతి తీసుకోవాలని సూచించింది. ప్రతి రోజూ పండ్లు, కూరగాయల మార్కెట్లు రోడ్డు పక్కన 11 గంటల విక్రయించాలని తెలిపింది.
అలహాబాద్ హైకోర్టు ఆదేశాలు జారీ అయిన తర్వాత ఈ ఐదు నగరాల్లో ఈ నెల 26 వరకు లాక్డౌన్ అమలులో ఉంటుందని యూపీ సర్కార్ ప్రకటించింది. గ్రాసరీ, ఫార్మసీ (మెడికల్ షాప్)లు మాత్రమే తెరవాలని ఆదేశించింది. దుకాణాలు ముగ్గురి కంటే తక్కువ మంది ఉద్యోగులతో నడుపాలని స్పష్టం చేసింది.
లక్నోతోపాటు ప్రయాగ్రాజ్, వారణాసి, కాన్పూర్, గోరఖ్పూర్ నగరాల్లో లాక్డౌన్ అమలులోకి వచ్చింది. అన్ని దుకాణాలు, మతపరమైన కార్యకలాపాలను నిలిపివేస్తున్నట్లు తెలిపింది. షాపింగ్ కాంప్లెక్స్లు, షాపింగ్ మాల్స్ మూసివేస్తున్నామని వెల్లడించింది.
ప్రభుత్వ, ప్రైవేట్ విద్యా సంస్థలు, ఇతర అన్ని ఇన్స్టిట్యూట్లు మూసివేయాలని ఆదేశించింది. కరోనా రెండో వేవ్ కేసుల నమోదులో ఉత్తరప్రదేశ్ రెండో స్థానంలో ఉంది. ఇప్పటివరకు 1.91 లక్షల కేసులు యూపీలో యాక్టివ్ కేసులుగా ఉన్నాయి.
ఇక వేగంగా వ్యాక్సిన్లు.. సీరమ్, భారత్ బయోటెక్లకు 4500 కోట్లు
ఇక పేటీఎం నుంచి ఎల్ఐసీ పాలసీ ప్రీమియం
ఆదాయ, వ్యయాలపై డేగ కన్ను
కరోనా నివారణకు 8 మార్గాలు
ఎయిర్టెల్ పేమెంట్స్ బ్యాంక్ మరో రికార్డు.. అదేంటంటే!
డోంట్ కేర్ కరోనా.. బంగారం దిగుమతి పైపైకి
బంగారం కొనేముందు కన్ఫూజన్ వద్దు!
డ్రాగన్ బ్యాంకులు.. భారత్ ఆంక్షలు.. సిటీ నిష్క్రమణ ఎందుకంటే!
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..