జయజయహే పాట వెనుక..
ప్రముఖ వాగ్గేయకారుడు అందెశ్రీ రాసిన ఈ పాట మొట్టమొదటిసారిగా 2004లో తెలంగాణ రచయితల వేదిక వెలువరించిన సాహిత్య సంచిక ‘సోయి’ (సంపుటి-1, సంచిక-2)లో అచ్చయింది. ఆ పాటలో భౌగోళిక, చారిత్రక చిహ్నాల ప్రస్తావన, తెలంగాణ సాహితీమూర్తుల అస్తిత్వ అంశాల ప్రస్తావన లేవనే ఒక వాదన వినిపించింది.
ప్రముఖ వాగ్గేయకారుడు అందెశ్రీ రాసిన ఈ పాట మొట్టమొదటిసారిగా 2004లో తెలంగాణ రచయితల వేదిక వెలువరించిన సాహిత్య సంచిక ‘సోయి’ (సంపుటి-1, సంచిక-2)లో అచ్చయింది. ఆ పాటలో భౌగోళిక, చారిత్రక చిహ్నాల ప్రస్తావన, తెలంగాణ సాహితీమూర్తుల అస్తిత్వ అంశాల ప్రస్తావన లేవనే ఒక వాదన వినిపించింది. అప్పట్లో ఉద్యమకారుల్లో దీనిపై చర్చ జరిగింది. ఫలితంగా పాటలో కవి ఆమోదంతో, కొన్ని మార్పుచేర్పులు జరిగాయి. ఇలా మార్చిన పాటను బీఆర్ఎస్ (టీఆర్ఎస్) 2004 ఎన్నికల సమయంలో క్యాసెట్గా మలిచి, విస్తృతంగా ప్రచారంలోకి తెచ్చింది. ప్రజల్లోకి తీసుకుపోయింది. తర్వాత మరిన్ని అంశాలను చేరుస్తూ అందెశ్రీ ఈ పాటను 12 చరణాలకు పెంచారు.
అందెశ్రీ మాతృగీతం
పల్లవి: జయజయహె తెలంగాణ
జననీ జయకేతనం
ముక్కోటి గొంతుకలు
ఒక్కటైన చేతనం
తరతరాల చరితగల
తల్లీ నీరాజనం
పది జిల్లాల నీ పిల్లలు
ప్రణమిల్లిన శుభతరుణం
జై తెలంగాణ జైజై తెలంగాణ
జై తెలంగాణ జైజై తెలంగాణ
॥ జయ ॥
చరణం : 1
కవిగాయక వైతాళిక
కళలా మంజీరాలు
డప్పూడమొరుకము డక్కో
శారద స్వర నాదాలు
పల్లవులా చిరుజల్లుల
ప్రతి ఉల్లము రంజిల్లగ
అనునిత్యము నీ గానం
అమ్మ నీవు మా ప్రాణం
జై తెలంగాణ జైజై తెలంగాణ
జై తెలంగాణ జైజై తెలంగాణ
॥ జయ ॥
చరణం: 2
జానపదా జనజీవన
జావళీలు జాలువార
జాతిని జాగ్రుతపరిచె
గీతాల జన జాతర
వేలకొలదిగా వీరులు
నేల ఓరిగి పోతెనేమి
తరుగనిది నీ త్యాగం
మరువనిది శ్రమ యాగం
జై తెలంగాణ జైజై తెలంగాణ
జై తెలంగాణ జైజై తెలంగాణ
॥ జయ ॥
చరణం: 3
బడుల గుడులతో పల్లెల
ఒడలు పులకరించాల
విరిసే జన విజ్ఞానం
నీ కీర్తిని పెంచాల
తడబడ కుండా జగాన
తల ఎత్తుకొని బతుక
ఒక జాతిగా నీ సంతతి
ఓ యమ్మా వెలుగాల
జై తెలంగాణ జైజై తెలంగాణ
జై తెలంగాణ జైజై తెలంగాణ
॥ జయ ॥
చరణం: 4
గోదావరి కృష్ణమ్మలు
తల్లినిను తడుపంగా
పచ్చని మాగానాల
పసిడి సిరులు కురువంగా
సుఖ శాంతుల తెలంగాణ
సుభిక్షంగా వుండాల
ప్రత్యేక రాష్ర్టానా
ప్రజల కలలు పండాల
జై తెలంగాణ జైజై తెలంగాణ
జై తెలంగాణ జైజై తెలంగాణ
– (సోయి సంచికలో అందెశ్రీ మాతృగీతం..)
తర్వాత మార్చిన వెర్షన్
జయ జయహే తెలంగాణ జననీ జయ కేతనం
ముక్కోటి గొంతుకలు ఒక్కటైన చేతనం
తరతరాల చరిత గల తల్లీ నీరాజనం
పది జిల్లల నీ పిల్లలు ప్రణమిల్లిన శుభ తరుణం
జై తెలంగాణ జైజై తెలంగాణ
పోతనదీ పురిటి గడ్డ రుద్రమదీ వీరగడ్డ
గండర గండడు కొమురం భీముడే నీ బిడ్డ
కాకతీయ కళాప్రభల కాంతిరేఖ రామప్ప
గోలుకొండ నవాబుల గొప్ప వెలుగె చార్మినారు
॥ జయ ॥
సిరివెలుగులు విరజిమ్మే సింగరేణి బంగారం
అణువణువున ఖనిజాలే నీ తనువుకు సింగారం
సహజమైన వనసంపద చక్కనైన పూవుల పొద
సిరులు పండే సారమున్న మాగాణమె కద నీ ఎద
॥ జయ ॥
జానపద జన జీవన జావళీలు జాలువార
కవిగాయక వైతాళిక కళలా మంజీరాలు
జాతిని జాగృతిపరిచే గీతాల జన జాతర
అనునిత్యం నీ గానం, అమ్మ నీవె మా ప్రాణం
॥ జయ ॥
గోదావరి కృష్ణమ్మలు మన బీళ్లకు మళ్లాలె
పచ్చని మాగాణంలో పసిడి సిరులు పండాలె
సుఖశాంతుల తెలంగాణ సుభిక్షంగా ఉండాలె
స్వరాష్ట్రమై తెలంగాణ స్వర్ణయుగం కావాలె
॥ జయ ॥
– (2004 ఎన్నికల సందర్భంలో టీఆర్ఎస్ రికార్డు చేసిన పాట)
Read Today's Latest Editpage News in Telugu and Telugu News
RELATED ARTICLES
తాజా వార్తలు
KTR | రెండు జాతీయ పార్టీలకు ఆ విలువ ఎప్పటికీ అర్థం కాదు.. కాంగ్రెస్, బీజేపీ నేతల తీరుపై కేటీఆర్
IndiGo Flight | విమానం ల్యాండింగ్ గేర్ ఫెయిల్.. పుణె ఎయిర్పోర్టులో అత్యవసర ల్యాండింగ్..!
Crazy Kalyanam | ఓటీటీలోకి తరుణ్ భాస్కర్ ‘క్రేజీ కళ్యాణం’.. స్ట్రీమింగ్ ఎప్పుడంటే!
Hit and run | ఘట్కేసర్ పోలీస్ స్టేషన్ పరిధిలో హిట్ అండ్ రన్.. బాలుడికి గాయాలు
Train accident | కదులుతున్న రైలు ఎక్కుతూ జారిపడిన వ్యక్తిని కాపాడిన పోలీసులు : వీడియో
ట్రెండింగ్ వార్తలు
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!

