e-Paper

Advertisement

E-Paper

Apps

Book Your Copy

Visit Telangana Today

Thursday, December 9, 2021
Home జిల్లాలు Osmania university | మాద‌క ద్ర‌వ్య ర‌హిత రాష్ట్రంగా చేయ‌డ‌మే ల‌క్ష్యం : పోలీస్ కమిషనర్‌ అంజనీకుమార్‌

Osmania university | మాద‌క ద్ర‌వ్య ర‌హిత రాష్ట్రంగా చేయ‌డ‌మే ల‌క్ష్యం : పోలీస్ కమిషనర్‌ అంజనీకుమార్‌

ఉస్మానియా యూనివర్సిటీ : రాష్ట్రంలో మాదక ద్రవ్యాల నియంత్రణకు పోలీస్ శాఖ నడుంబిగించింది. డ్రగ్స్​‍ వినియో గిస్తున్న వారిలో ఎక్కువగా యువత, విద్యార్థులే ఉంటుండడంతో వారిలో అవగాహన కల్పించేందుకు పలు కార్యక్రమాలు చేపడుతున్నారు. డ్రగ్స్​‍ వలన కలిగే దుష్ఫలితాలపై విద్యార్థులకు అవగాహన కల్పించేందుకు విద్యాసంస్థల్లో సైతం అనేక కార్యక్రమాలు నిర్వహిస్తున్నారు.

ఇందులో భాగంగా హైదరాబాద్‌ నగర పోలీసుల ఆధ్వర్యంలో ఉస్మానియా యూనివర్సిటీ ఆర్ట్స్ క‌ళాశాల వద్ద డ్రగ్స్​‍ అవేర్‌ నెస్ వాక్‌ను ఆదివారం నిర్వహించారు. ఈ కార్యక్రమానికి ముఖ్య అతిథిగా నగర పోలీస్ కమిషనర్‌ అంజనీకుమార్‌ హాజ రయ్యారు. ఈ సందర్భంగా ఆయన మాట్లాడుతూ గత నెలరోజులుగా రాష్ట్రమంతా అవగాహనా కార్యక్రమాలు జరుగుతు న్నాయని చెప్పారు. తెలంగాణ ఉద్యమంతో సహా అన్ని విషయాలలో యూనివర్సిటీ విద్యార్థులపాత్ర ఎంతో ఉందన్నారు.

- Advertisement -

ఓయూ విద్యార్థులను రాష్ట్రమంతా ఆదర్శంగా తీసుకుంటుందని పేర్కొన్నారు. అందుకే ఓయూలో ఈ కార్యక్రమాన్ని నిర్వహిస్తున్నట్లు వివరించారు. దేశానికి యువత ఎంతో అవసరమని, అటువంటి యువత మాదకద్రవ్యాలకు బానిస కాకూడదని సూచించారు. ఎవరైనా మత్తుపదార్థాలకు బానిసలుగా మారినట్లు గుర్తిస్తే వెంటనే పోలీసులకు సమాచారం అందించాలని తల్లిదండ్రులకు పిలుపునిచ్చారు.

డ్రగ్స్​‍ రహిత సమాజం నిర్మించే దిశగా ప్రతి ఒక్కరూ కృషి చేయాలని కోరారు. ప్రస్తుతం మత్తు పదార్థాలు విచ్చలవిడిగా లభిస్తున్నాయని, విద్యార్థులకు సైతం అవి అందుబాటులోకి వచ్చాయన్నారు. పర్యావసనాలు తెలియక చాలా మంది వాటిని వినియోగిస్తున్నారని అభిప్రాయపడ్డారు. డ్రగ్స్​‍కు సంబంధించి యువతకు అవగాహన కల్పించాలని రాష్ట్ర ప్రభుత్వం సంకల్పించిందని అన్నారు.

పోలీస్, ఎక్సైజ్‌, ఎన్‌ఫోర్స్​‍మెంట్‌ వంటి అన్ని విభాగాలు ముందుకు వచ్చి కార్యక్రమాలు చేపడుతున్నాయన్నారు. అందరూ కలిసి రాష్ట్రాన్ని డ్రగ్స్​‍ రహితంగా తీర్చిదిద్దడమే లక్ష్యమని చెప్పారు. ఈ బృహత్కార్యానికి ప్రతి ఒక్కరూ సహకరించాలని విజ్ఞప్తి చేశారు.

ఈ కార్యక్రమంలో జాయింట్‌ కమిషనర్‌ రమేశ్‌రెడ్డి, ఉప్పల్‌ ఎమ్మెల్యే బేతి సుభాష్‌రెడ్డి, అంబర్‌పేట ఎమ్మెల్యే కాలేరు వెంకటేశ్‌, ఓయూ వీసీ ప్రొఫెసర్‌ రవీందర్‌, అడిషనల్‌ డీసీపీ మురళీధర్‌, ఏసీపీలు ఆకుల శ్రీనివాస్, వెంకటరమణ, సీఐ రమేశ్‌నాయక్‌ తదితరులు పాల్గొన్నారు.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement