మన పోలీస్‌.. బెస్ట్‌..!

• శాంతిభద్రతల పరిరక్షణలో జిల్లా పోలీస్‌ శాఖ ముందంజ
• మాదక ద్రవ్యాల నిర్మూలనలో రాష్ట్రంలోనే మొదటి స్థానం
• ఎస్పీ సునీల్‌ దత్‌

కొత్తగూడెం క్రైం, డిసెంబర్‌ 31: శాంతి భద్రతల పరిరక్షణ, మావోయిస్టుల కట్టడి, గంజాయి-గుట్కాల నిర్మూలన, మహిళలకు భద్రత.. ఇలా ప్రతి అంశంలోనూ జిల్లా పోలీస్‌ శాఖ ఉత్తమం(బెస్ట్‌)గా నిలిచింది. మాదక ద్రవ్యాల నిర్మూలనలోనైతే రాష్ట్రంలోనే మొదటి స్థానం సాధించింది. ఈ వివరాలన్నీ ఎస్పీ సునీల్‌ దత్‌ వెల్లడించారు. గడిచిన ఏడాదిలో నేరాల నియంత్రణే ప్రధాన లక్ష్యంగా పోలీస్‌ శాఖ కృషి చేసిందని చెప్పారు. జిల్లా ప్రజలు నూతన సంవత్సర వేడుకల్లో ఎలాంటి అపశృతి దొర్లకుండా ఇళ్లలోనే జరుపుకోవాలని కోరారు. ఏడాది ముగింపు సందర్భంగా ఆయన శుక్రవారం తన కార్యాలయంలో విలేకరుల సమావేశంలో తెలిపిన వివరాలు, వెల్లడించిన గణాంకాలు ఇలా ఉన్నాయి.
గంజాయి, గుట్కా వంటి మాదక ద్రవ్యాల నిర్మూలనకు పోలీ స్‌ యంత్రాంగం ఎంతో కృషి చేసింది. గంజాయి అదుపులో రాష్ట్రంలోనే భద్రాద్రి కొత్తగూడెం జిల్లా ప్రథమ స్థానంలో ఉంది. ఇప్పటి వరకు 74 డ్ర గ్స్‌ కేసుల్లో 212 మందిని పోలీసులు అరెస్ట్‌ చేశారు. 16,160 కిలోల మాదక ద్రవ్యాలను సీజ్‌ చేశారు.

• నకిలీ విత్తనాల నివారణకు ప్రత్యేక డ్రైవ్‌ నిర్వహించారు. ఆరు కేసుల్లో 11 మందిని అరెస్ట్‌ చేశారు. 180 కేజీల నకిలీ విత్తనాలను సీజ్‌ చేశారు.
• జూదాల నియంత్రణలో భాగంగా 79 కేసులు నమోదయ్యాయి. 513 మంది జూదరులను అరెస్ట్‌ చే శారు. వారి నుంచి రూ.14,58,110 స్వాధీనపర్చుకున్నారు.
• శాంతి భద్రతల పరిరక్షణలో భాగంగా క్రిమినల్‌ కేసులు 2019లో 5,162; 2020లో 5,467; 2021లో 4,933 నమోదయ్యాయి. గడిచిన సంవత్సరంలో కేసుల సంఖ్య తగ్గింది.
• సైబర్‌ నేరగాళ్లు కొత్త కొత్త పద్ధతుల్లో మోసగిస్తున్నారు. సైబర్‌ కేసులు 2019లో 19, 2020లో 37, 2021లో 50 కేసులు నమోదయ్యాయి.
• మహిళల భద్రత విషయంలో పోలీస్‌ శాఖ ముందజలోనే ఉంటున్నది. వరకట్న హత్య కేసులు-3, వరకట్న వేధింపులతో మృతిచెందిన కేసులు-3, బలవన్మరణ కేసులు-8, గృహ హింస-వేధింపుల కేసులు-354, మహిళల హత్య కేసులు-4, రేప్‌ కేసులు-93, కిడ్నాప్‌ కేసులు-59, లైంగిక వేధింపుల కేసులు-178, పోక్సో కేసులు-127 నమోదయ్యాయి.
• రోడ్డు భద్రత నియమాలను ఉల్లం‘ఘనుల’పై కేసులు నమోదయ్యాయి. హెల్మెట్‌ ధరించని కేసులు-3,95,566; సీట్‌ బెల్ట్‌ ధరించని కేసులు-8,226; త్రిబుల్‌ రైడింగ్‌ కేసులు-10,686; సెల్‌ఫోన్‌ డ్రైవింగ్‌ కేసులు-1,231; డ్రైవింగ్‌ లైసెన్స్‌ లేని కేసులు-8,334; రాంగ్‌ రూట్‌ డ్రైవింగ్‌ కేసులు-5,615 నమోదయ్యాయి.
• డ్రంకెన్‌ డ్రైవర్లు 167 మందికి కోర్టు మొత్తం రూ.10,31,110 జరిమానా విధించించింది.
• జిల్లాలో మావోయిస్టుల ప్రభావం లేకుండా పోలీస్‌ శాఖ కృషి చేసింది.
• అదనపు ఎస్పీ(అడ్మిన్‌) కేఆర్‌కే ప్రసాద్‌, కొత్తగూడెం డీఎస్పీ గుడ్ల వెంకటేశ్వర బాబు, ఏఆర్‌ డీఎస్పీ సత్యనారాయణ మూర్తి పాల్గొన్నారు.