Hyderabad | యూసుఫ్‌గూడలో సెంట్రల్‌ స్ట్రీట్‌ లైటింగ్ : ప్రారంభించిన ఎమ్మెల్యే గోపినాథ్‌

జూబ్లీహిల్స్​‍ : ప్రజలకు ఇబ్బందులు లేకుండా ప్రధాన రహదారులన్నీ ఎల్‌ఈడి సెంట్రల్‌ లైటింగ్‌తో ప్రకాశవంతంగా మారనున్నాయని జూబ్లీహిల్స్​‍ ఎమ్మెల్యే మాగంటి గోపినాథ్‌ పేర్కొన్నారు. గురువారం యూసుఫ్‌గూడ డివిజన్‌లో కార్పొరేటర్‌ రాజ్‌కుమార్‌ పటేల్‌తో కలిసి సెంట్రల్‌ పోల్‌ స్ట్రీట్‌ లైటింగ్‌ సిస్టంను ఆయన ప్రారంభించారు. ఈ సందర్భంగా కృష్ణానగర్‌ స్పైసీ హోటల్‌ నుంచి శ్రీనగర్‌ కాలనీ వెళ్ళే సత్యసాయి మెయిన్‌ రోడ్డు వరకు 20 సెంట్రల్‌ లైట్లను ఆయన ప్రారంభించారు.

ఈ సందర్భంగా ఎమ్మెల్యే మాట్లాడుతూ రాత్రివేళల్లో ప్రయాణీకులకు, వాహనదారులకు ఇబ్బందులు లేకుండా కొత్తగా పోల్స్​‍ వేయడంతో పాటు వీధి దీపాలు ఏర్పాటు చేస్తున్నామన్నారు. వినాయక నవరాత్రోత్సవాల లో ఎక్కడా ఇబ్బంది లేకుండా చూడాలని, నిమజ్జనం కోసం వెళ్ళే వాహనాలకు వీధుల వెంబడి అదనపు లైట్లు ఏర్పాటు చేయాలని అధికారులను ఆదేశించారు.

ఈ కార్యక్రమంలో జీహెచ్‌ఎంసీ ఎలాక్టికల్‌ ఈఈ ఇంద్రదీప్‌, డీఈ మల్లిఖార్జున్‌, ఏఈ రాజశేఖర్‌, సర్కిల్‌ ఇన్‌ఛార్జ్‍ రాజేశ్‌, టీఆర్‌ఎస్ డివిజన్‌ అధ్యక్షుడు నీలం సంతోష్‌ ముదిరాజ్‌, ప్రధాన కార్యదర్శి ఐలపాక నర్సింగ్‌దాస్, డివిజన్‌ వార్డు సభ్యులు పాల్గొన్నారు.