Shamshabad airport | శంషాబాద్‌ ఎయిర్‌పోర్టులో విదేశీ కరెన్సీ పట్టివేత

శంషాబాద్ : శంషాబాద్‌ ఎయిర్‌పోర్టులో విదేశీ కరెన్సీ ప‌ట్టుబ‌డింది. కాగా క‌రెన్సీని స్వాధీనం చేసుకున్న అధికారులు ఇద్దరిని అదుపులోకి తీసుకున్నారు. ఈ ఘటన గురువారం చోటుచేసుకుంది. శంషాబాద్‌ ఎయిర్‌పోర్టు నుంచి ఏఐ-951 విమానంలో దుబాయ్‌ వెళ్లేందుకు ఇద్దరు ప్రయాణీకులు వ‌చ్చారు.

వారిపై అనుమానం రావడంతో సీఐఎస్ఎఫ్‌ అధికారులు తనిఖీ చేశారు.వారి బ్యాగుల్లో విదేశీ కరెన్సీ ఉన్నట్లు గుర్తించారు. వారివ‌ద్ద సౌదీ అరేబియా రియాల్‌ 88500, యుఏఇ ధరమ్స్​‍ 2900 ప‌ట్టుబ‌డ్డాయి. వాటి విలువ రూ .17.75 ల‌క్ష‌లు ఉంటుందని అంచనా. కరెన్సీ స్వాధీనం చేసుకొని వారిని కస్టమ్స్​‍కు అప్పగించారు. కేసు దర్యాప్తు చేస్తున్నట్లు తెలిపారు.