Cmrf | సీఎం సహాయనిధితో పేదలకు లబ్ధి

వనస్థలిపురం : ఆపదలో ఆదుకునే సీఎం సహాయనిధితో పేదలకు ఎంతో లబ్ధి చేకూరుతోందని ఎల్బీనగర్‌ ఎమ్మెల్యే దేవిరెడ్డి సుధీర్‌రెడ్డి అన్నారు. హస్తినాపురం డివిజన్‌ అనుపమనగర్‌కు చెందిన రామచంద్రరావు గుండె సంబంధ సమస్యలతో బాధపడుతున్నాడు. వైద్యం నిమిత్తం నిమ్స్​‍ దవాఖానకు వెళ్లాడు.

చికిత్సకు ఆర్థిక స్థోమత సరిపోకపోవడంతో ఎమ్మెల్యే సిఫారసుతో సీఎంఆర్‌ఎఫ్‌ ఎల్‌వోసీకి ద‌రఖాస్తు చేసుకున్నాడు. దీంతో ఆయనకు రూ.4లక్షలకు ఎల్‌వోసీ మంజూరయ్యింది. ఆ చెక్కును సోమవారం ఎమ్మెల్యే బాధితుడికి అందజేశారు. ఈ సందర్భంగా ఆయన మాట్లాడుతూ ఆరోగ్యం పట్ల ప్రతి ఒక్కరూ శ్రద్ధవహించాలన్నారు.

వ్యాయామం, యోగా వంటి సాధనలు చేయాలన్నారు. ఈ కార్యక్రమంలో అనంతుల రాజిరెడ్డి, శ్రీనివాస్నాయక్‌, శ్రీనివాస్ యాదవ్‌, నాగిరెడ్డి, రాఘవేంద్రరావు తదితరులు ఉన్నారు.