రాముని చెరువు సుందరీకరణ

• మంచిర్యాల పట్టణానికి తలమానికంగా నిలువనున్న పార్కు
• రూ.3.50 కోట్లు కేటాయించిన మున్సిపల్‌ పాలకవర్గం
• టెండర్లు పూర్తి, త్వరలోనే పనులు ప్రారంభం

మంచిర్యాల టౌన్‌, ఏప్రిల్‌ 23 : మంచిర్యా ల పట్టణానికి రాముని చెరువు పార్కు తలమానికంగా నిలువనుంది. పార్కు అభివృద్ధికి అధికారులు, పాలకవర్గం ప్రత్యేక చొర వ తీసుకుని.. రూ.3.50 కోట్లతో సుందరీకరణ పనులు చేపట్టాలని నిర్ణయించారు. టెండర్లు పూర్తవగా.. త్వరలోనే పనులు ప్రారంభంకానున్నాయి. 2001 సంవత్సరంలో అప్పటి రెవెన్యూ అధికారులు 47 ఎకరాల రాముని చెరువు స్థలాన్ని మున్సిప ల్‌ అధికారులకు అప్పగించారు. ఆ సమయంలో చెరువు చుట్టూ కట్ట నిర్మించి, మొ క్కలు నాటి, ఫుట్‌పాత్‌ ఏర్పాటు చేసి, వి ద్యుద్దీపాలను అమర్చారు. పిల్లల కోసం ప్రత్యేకంగా పార్కును నిర్మించారు. కొద్ది రోజుల తర్వాత ఆలనాపాలనా మరువడం తో అభివృద్ధికి నోచుకోలేదు. మంచిర్యాల పట్టణవాసులు ఉల్లాసంగా గడుపడానికి ఒక్క పార్కు కూడా లేదని తెలుసుకున్న కలెక్టర్‌ 2018లో రాంచెరువు అభివృద్ధికి, సుం దరీకరణకు పరిపాలన అనుమతులు ఇచ్చా రు. ఇందుకోసం రూ.3.50 కోట్లు ఖర్చు చేసేందుకు అంగీకరించారు. ఈ మేరకు అధికారులు టెండరు ప్రక్రియను పూర్తి చేశారు. మరో వారం రోజుల్లో పనులను ప్రారంభించాలని నిర్ణయం తీసుకున్నారు.

పార్కులో చేపట్టే పనులు..

• రూ.76.56 లక్షలతో చెరువు కట్టకు 2,620 రన్నింగ్‌ మీటర్ల రెయిలింగ్‌ నిర్మాణం
• రూ.15,29,989 వ్యయంతో 1,450 రన్నింగ్‌ మీటర్ల పాత్‌వేలు.
• రూ.65,26,310తో చెరువు కట్టపై గ్రీనరీ,
• రూ.10,66,924తో చెరువుకట్ట చుట్టూ 30 ఎల్‌ఈడీ స్తంభాల ఏర్పాటు.
• రూ.39,43,079తో చెరువులో బతుకమ్మ ఘాట్‌
• రూ.3,40,768తో హైమాస్ట్‌ లైట్ల ఏర్పాటు
• రూ. 22,22,161తో పార్కింగ్‌
• రూ. 37,04,530తో సర్క్యూర్‌ బండ్‌ పోర్షన్‌
• ఈ అంచనా వ్యయానికి అదనంగా జీఎస్‌టీ, సెస్‌, ఇతరత్రా చార్జీలు రూ.80,09,597 కలుపుకుని రూ.3.50 కోట్లు వెచ్చించనున్నారు.

రూపురేఖలు మారుతాయి..

రాముని చెరువు పార్కులో రూ.3.50 కోట్లతో చేపట్టే పనులతో పార్కు రూపురేఖలు మారిపోతాయి. ఇందుకు ఎమ్మెల్యే దివాకర్‌రావుతోపాటు అధికారులు కృషిచేశారు. ముఖ్యమంత్రి కేసీఆర్‌ ఆలోచనలతో ఇప్పటికే చాలా పట్టణాలు బాగుపడ్డాయి. ఆయన ఆలోచనల మేరకు ప్రజలకు అవసరమైన పనులను పాలకవర్గం చేపడుతుంది.
– పెంట రాజయ్య, మున్సిపల్‌ చైర్మన్‌, మంచిర్యాల