ఎంత చక్కని తల్లివే గౌరమ్మ..

ఎంత చక్కని తల్లివే గౌరమ్మ.. ఎంత చల్లని తల్లివే గౌరమ్మ..

ఎంత చక్కని తల్లివే గౌరమ్మ..
ఎంత చల్లని తల్లివే గౌరమ్మ..

ఒక్కొక్క పోకందునా గౌరమ్మ..
ఒక్కొక్క ఆకందునా గౌరమ్మ..
కస్తూరి చలమందునా గౌరమ్మ..
రాచబాలందునా గౌరమ్మ.. ॥ ఎంతచక్కని ॥

మముజూచి మాయన్నలు గౌరమ్మ..
ఏడు మేడాలెక్కిరి గౌరమ్మ..
ఏడుమేడల మీదా గౌరమ్మ..
ఏడాదికొక దీపమూ గౌరమ్మ..
ఏడు కోటాలెక్కిరి గౌరమ్మ..
ఎలుక కోటాలెక్కిరి గౌరమ్మ.. ॥ ఎంతచక్కని ॥

పల్లెకోటానెక్కె గౌరమ్మ..
పత్తిర్లు దూయంగనూ గౌరమ్మ..
దొంగలేమో దోచీరీ గౌరమ్మ..
బంగారుగుండ్లవనమూ గౌరమ్మ.. ॥ ఎంతచక్కని ॥

తబుకులో తబికేడూ గౌరమ్మ..
ముత్యాలు తీసుకొనీ గౌరమ్మ..
గుమ్మాడి కుచ్చులతో గౌరమ్మ..
గుణముగా వచ్చీరీ గౌరమ్మ.. ॥ ఎంతచక్కని ॥

సొమ్ములూ పెట్టూకొని గౌరమ్మ..
ఇమ్ముగానూ వచ్చిరి గౌరమ్మ..
గుమ్మడిపువ్వులన్ని గౌరమ్మ..
గుత్తులకట్టుకొచ్చె గౌరమ్మ.. ॥ ఎంతచక్కని ॥

ఈడనే పెండ్లాడవే గౌరమ్మ..
ఈడనే పసుపాడవే గౌరమ్మ..
వాడవాడల జనమూ గౌరమ్మ..
వాలలాడింతురమ్మా గౌరమ్మ.. ॥ ఎంతచక్కని ॥