TTD Donations | టీటీడీ ఎస్వీ ప్రాణదాన ట్రస్ట్‌కు హైదరాబాద్‌కు చెందిన భక్తుడు భారీ విరాళం

TTD Donations | తిరుమలలోని వేంకటేశ్వరస్వామి పరిధిలో వివిధ ట్రస్టులకు భక్తులు భారీ విరాళాలను అందజేస్తున్నారు.

తిరుమల : తిరుమలలోని వేంకటేశ్వరస్వామి పరిధిలో వివిధ ట్రస్టులకు భక్తులు భారీ విరాళాలను అందజేస్తున్నారు. హైదరాబాద్‌ ( Hyderabad ) కు చెందిన అపర్ణ కన్‌స్ట్రక్షన్స్ అండ్‌ ఎస్టేట్స్ ప్రైవేట్ లిమిటెడ్ సంస్థ టీటీడీ ఎస్వీ ప్రాణదాన ట్రస్టుకు కోటి రూపాయలు విరాళంగా ( Donations) అందజేశారు.

సంస్థ ప్రతినిధులు తరుణ్, రమేష్ మంగళవారం తిరుమలలోని టీటీడీ ఛైర్మన్ క్యాంపు కార్యాలయంలో టీటీడీ చైర్మన్ బి.ఆర్. నాయుడుకు విరాళం డీడీని అందజేశారు. ఈ సందర్భంగా పేద ప్రజల ప్రాణరక్షణకు చేయూతనిచ్చే మహోన్నత సేవలో భాగస్వాములైన అపర్ణ సంస్థ యాజమాన్యాన్ని చైర్మన్ బి.ఆర్. నాయుడు అభినందిస్తూ, వారి దాతృత్వాన్ని కొనియాడారు.

Tirumala |తిరుమలలో కొనసాగుతున్న భక్తుల రద్దీ
తిరుమల( Tirumala ) లో వేంకటేశ్వరస్వామిని దర్శించుకోవడానికి భక్తులు పెద్ద సంఖ్యలో తరలివస్తున్నారు. వివిధ ప్రాంతాల నుంచి వచ్చిన భక్తులు 80,167 మంది శ్రీవారిని దర్శించుకున్నారని టీటీడీ ( TTD ) అధికారులు వివరించారు. 28,270 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీకి రూ .4.96 కోట్లు ఆదాయం వచ్చిందన్నారు. 15 కంపార్టుమెంట్లలో ఉన్న టోకెన్లు లేని భక్తులకు 8 గంటల్లో సర్వదర్శనం అవుతుందని వివరించారు.