Paneer Dum Biryani Recipe | ప‌న్నీర్ ద‌మ్ బిర్యానీ రెసిపీ

Paneer Dum Biryani Recipe | ప‌న్నీర్ ద‌మ్ బిర్యానీ త‌యారీకి ఏం కావాలి?

పనీర్‌ ముక్కలు: ఒక కప్పు, బాస్మతి బియ్యం: ఒక కప్పు, పెరుగు: అర కప్పు, వేయించిన ఉల్లిపాయ ముక్కలు: ఒక కప్పు, కారం: ఒక టేబుల్‌ స్పూన్‌, ధనియాల పొడి, వేయించిన జీలకర్ర పొడి, పసుపు, గరం మసాలా: ఒక టీస్పూన్‌ చొప్పున, దాల్చిన చెక్క: రెండంగుళాల ముక్క, యాలకులు: పది, లవంగాలు: నాలుగు, మిరియాలు: అర టీస్పూన్‌, సాజీర: ఒక టీస్పూన్‌, బిర్యానీ ఆకులు: రెండు, అనాసపువ్వు: చిన్నముక్క, నెయ్యి: రెండు టేబుల్‌స్పూన్లు, నూనె: రెండు టేబుల్‌స్పూన్లు, నిమ్మకాయ: ఒకటి, ఉప్పు: తగినంత, కొత్తిమీర, పుదీనా తురుము: రెండు టేబుల్‌ స్పూన్లు, ఎండిన గులాబీ రేకులు: ఒక టేబుల్‌ స్పూన్‌, రోజ్‌ వాటర్‌: ఒక టీస్పూన్‌.

Paneer Dum Biryani Recipe | ప‌న్నీర్ ద‌మ్ బిర్యానీ ఎలా వండాలి?

ముందుగా బాస్మతి బియ్యాన్ని కడిగి గంటపాటు నానబెట్టాలి. ఒక మందపాటి గిన్నెలో పనీర్‌ ముక్కలు, పెరుగు, పుదీనా, కొత్తిమీర తురుము, అరకప్పు వేయించిన ఉల్లిపాయ ముక్కలు, కారం, ధనియాల పొడి, జీలకర్ర పొడి, పసుపు, గరం మసాలా, దాల్చిన చెక్క ముక్క, నాలుగు యాలకులు, సగం మిరియాలు, కొద్దిగా సాజీర, ఒక టేబుల్‌స్పూన్‌ నెయ్యి, నూనె, అనాసపువ్వు, రెండు లవంగాలు, సగం చెక్క నిమ్మరసం, ఉప్పు వేసి బాగా కలిపి గంటపాటు ఫ్రిజ్‌లో పెట్టాలి. స్టవ్‌ మీద గిన్నె పెట్టి రెండు లీటర్ల నీళ్లు పోసి ఒక టేబుల్‌స్పూన్‌ నెయ్యి, మిగిలిన దాల్చినచెక్క, లవంగాలు, యాలకులు, సాజీర, మిరియాలు, కొద్దిగా ఉప్పు, నిమ్మరసం, గులాబీ రెక్కలు వేసి బాగా మరిగాక బాస్మతి బియ్యం వేసి ఉడికించాలి. పైన పేరుకుపోయే నురగను తీసిపడేస్తూ.. అన్నం సగానికి పైగా ఉడికిన తర్వాత పనీర్‌ ముక్కలు పైనుంచి వేసి.. కొత్తిమీర, పుదీనా తురుము, వేయించిన ఉల్లిపాయ ముక్కలు చిలకరించాలి. ఆపైన మూతపెట్టి పావుగంటపాటు సన్నటి మంటపై ఉడికించాలి. స్టవ్‌ ఆపేసిన పది నిమిషాల తర్వాత వడ్డించుకుంటే నోరూరించే పనీర్‌ దమ్‌ బిర్యానీ సిద్ధం.

Read More Recipes :

“paneer samosa recipe | పనీర్‌ సమోసా తయారీ విధానం”