Mahesh Babu | టాలీవుడ్ సూపర్ స్టార్ మహేష్ బాబు (Mahesh Babu)కు అరుదైన గౌరవం
లభించింది. బుధవారం మహేష్ బాబు పుట్టిన రోజు సందర్భంగా అభిమానులు ఆయనకు ఎప్పటికీ
మర్చిపోలేని బహుమతిని ఇచ్చారు. ఓ ప్రత్యేకమైన గౌరవాన్ని ఆయనకు అందించారు. అంతరిక్షంలో ఓ
నక్షత్రానికి ‘సూపర్ స్టార్ మహేష్ బాబు’ (SuperStar Mahesh Babu)అని పేరు పెట్టారు. ఈ మేరకు
రిజిస్ట్రేషన్ కూడా చేయించారు. ఇందుకు సంబంధించిన రిజిస్ట్రేషన్ సర్టిఫికెట్ సోషల్ మీడియాలో వైరల్
అవుతోంది. RA: 12H 33M 29S అనే స్టార్కు మహేష్ పేరు పెట్టారు. గెలాక్సీలో ఎక్కువగా ఇష్టపడే నక్షత్రం ఇదే నంటూ పేర్కొన్నారు. కాగా, ఓ నక్షత్రానికి హీరో పేరు పెట్టడం టాలీవుడ్ ఇండస్ట్రీలో ఇదే మొదటిసారి.
మరోవైపు మహేష్ పుట్టినరోజు సందర్భంగా సోషల్ మీడియా ద్వారా సూపర్ స్టార్కు శుభాకాంక్షలు
వెల్లువెత్తుతున్నాయి. సినిమా ఇండస్ట్రీకి చెందిన ప్రముఖులే కాకుండా రాజకీయ, క్రీడా రంగాలకు చెందిన
వారు కూడా విషెస్ తెలియజేస్తున్నారు. తెలంగాణ మంత్రి కేటీఆర్ (Minister KTR) ట్విట్టర్ వేదికగా మహేష్ బాబుకి ప్రత్యేక శుభాకాంక్షలు తెలియజేశారు. హ్యాపీ బర్త్ డే బ్రో.. ఇలాంటి పుట్టినరోజులు మరెన్నో జరుపుకోవాలని కోరుకుంటున్నా అంటూ ట్వీట్ చేశారు. ‘పుట్టినరోజు శుభాకాంక్షలు చిన్నోడా(Chinnoda).. ఈ పుట్టినరోజున నీకు అమితమైన ప్రేమ, ఆనందం దొరకాలని కోరుకుంటున్నాను’ అని స్టార్ యాక్టర్ వెంకటేష్ సోషల్ మీడియాలో రాసుకొచ్చారు.
With a special honor, for the first time in TFI,an actor's name now graces a registered star 💫 and its coordinates are proudly displayed on the certificate as The Most Loved Star in the Galaxy @urstrulyMahesh 🌟
An exceptional gift that holds deep… pic.twitter.com/6mefXymZ3m
— Manobala Vijayabalan (@ManobalaV) August 9, 2023
పవర్ స్టార్, జనసేన చీఫ్ పవన్ కల్యాణ్ (Pawan Kalyan) కూడా మహేష్ కు పుట్టినరోజు శుభాకాంక్షలు
తెలిపారు. తెలుగు చలనచిత్ర పరిశ్రమలో తనదైన పంథా కలిగిన అగ్రశ్రేణి హీరో మహేశ్ బాబుకు
హృదయపూర్వక జన్మదిన శుభాకాంక్షలు (Birthday Wishes). తండ్రి నటశేఖర కృష్ణ అడుగుజాడల్లో వెళ్తూ.. విభిన్న పాత్రల్లో మెప్పించే అభినయ సామర్థ్యం ఆయన సొంతం. సోదరసమానుడైన మహేశ్ బాబు మరిన్ని విజయాలు అందుకోవాలని, సంపూర్ణ ఆనందంతో ఉండాలని ఆకాంక్షిస్తున్నట్టు తెలియజేస్తూ.. సుదీర్ఘ సందేశాన్ని సోషల్ మీడియా ద్వారా అందరితో పంచుకున్నారు.
ఇక సినిమాల విషయానికి వస్తే.. ప్రస్తుతం మహేష్ ‘గుంటూరు కారం’ (Guntur Kaaram)చిత్రంలో
నటిస్తున్న విషయం తెలిసిందే. త్రివిక్రమ్ దర్శకత్వంలో వస్తున్న ఈ చిత్రంలో మహేష్ ఊరమాస్ లుక్ లో
ప్రేక్షకులను అలరించనున్నట్లు తెలుస్తోంది. తాజాగా మహేష్ బర్త్ డే సందర్భంగా మేకర్స్ మాస్ పోస్టర్ ను
విడుదల చేశారు. పోస్టర్ లో.. లుంగీలో కూర్చొని ఓ చేతిలో అగ్గిపెట్ట, మరో చేతితో సిగరెట్ను అంటిస్తూ
కనిపించారు. శ్రీలీల, మీనాక్షీ చౌదరీలు హీరోయిన్లుగా నటిస్తున్న ఈ సినిమాకు థమన్ స్వరాలు
సమకూరుస్తున్నారు. ఈ చిత్రం వచ్చే ఏడాది జనవరి 12వ తేదీన విడుదల చేయనున్నట్లు చిత్ర బృందం
ప్రకటించింది.
Wishing a spectacular Happy Birthday to the Reigning Superstar, @urstrulymahesh garu! 🤩#HBDSuperstarMaheshBabu ✨
Your unparalleled on-screen brilliance coupled with your genuine off-screen humility continues to set a remarkable standard of inspiration 🌟🎉… pic.twitter.com/5mKRlq1pfU
— Naga Vamsi (@vamsi84) August 8, 2023
Also Read..
Mahesh Birthday | మహేష్ కు మంత్రి కేటీఆర్ స్పెషల్ విషెస్
Mukesh Ambani | లగ్జరీ ఇంటిని అమ్మేసిన ముకేశ్ అంబానీ..! ఎన్ని కోట్లకంటే..?
Arvind Kejriwal | రాహుల్ కు ధన్యవాదాలు తెలిపిన ఢిల్లీ సీఎం అరవింద్ కేజ్రీవాల్