జేడీ చక్రవర్తి గుర్తున్నాడా.. వరుస సినిమాలతో రచ్చ చేస్తున్నాడు..

JD Chakravarthy | ఒకప్పుడు టాలీవుడ్‌లో తనకంటూ ప్రత్యేకమైన గుర్తింపు సంపాదించుకున్న విలక్షణ నటుడు జేడీ చక్రవర్తి. రామ్ గోపాల్ వర్మ దర్శకత్వంలో రూపొందిన శివ సినిమాతో సినీ జర్నీ మొదలుపెట్టి అంచెలంచెలుగా ఎదిగిన జేడీ చక్రవర్తి.. నటుడిగా, విలన్‌గా, హీరోగా పలు వైవిద్యభరితమైన పాత్రలతో ప్రేక్షకుల గుండెల్లో చోటు సంపాదించారు. ”మనీ, రక్షణ, వన్ బై టూ, అనగనగా ఒక రోజు, గులాబీ, బొంబాయి ప్రియుడు, ఎగిరే పావురమా, సత్య, ప్రేమకు వేళాయెరా” లాంటి సినిమాలతో తెలుగు తెరపై తనకంటూ ప్రత్యేక గుర్తింపు తెచ్చుకున్నారు జేడీ.

ఒకానొక సమయంలో హీరోగా ఓ ట్రెండ్ క్రియేట్ చేసిన ఆయన రీసెంట్‌గా ఎంఎంఓఎఫ్ (MMOF) అనే థ్రిల్లర్ మూవీతో వచ్చాడు. దర్శకుడిగా ”హోమం, సిద్ధం” లాంటి సినిమాలు చేసి తన టాలెంట్ బయటపెట్టే ప్రయత్నం చేశారు. కొన్నేళ్లుగా ఇండస్ట్రీలో క్రియాశీల నటుడిగా వెలుగొందుతున్న జేడీ చక్రవర్తి ప్రస్తుతం తెలుగు పాటు హిందీ, తమిళ, కన్నడ, మలయాళీ భాషల్లో డిఫరెంట్ మూవీస్ చేస్తూ బిజీగా ఉన్నారు. హిందీలో ఏక్ విలన్ పార్ట్- 2, ఆయుష్మాన్ ఖురానాతో కొత్త సినిమా దహినితో పాటు మరో థ్రిల్లర్ సినిమా చేస్తున్నారు. ఈ సినిమాకు ఇంకా టైటిల్ ఫిక్స్ కాలేదు. సోనీ, ప్రైమ్ కలిసి నిర్మిస్తున్న ఓ హిందీ వెబ్ సిరీస్‌లో కూడా నటిస్తున్నారు.

తమిళ్‌లో సింగం ఫిలిం ప్రొడక్షన్ వారి ప్రతిష్టాత్మక సినిమా ‘కర్రీ’లో కీలక పాత్రలో నటిస్తున్నారు జేడీ చక్రవర్తి. ఈ సినిమాలో శశి కుమార్ హీరోగా నటిస్తున్నారు. అలాగే ‘పట్టరాయ్’ అనే మరో తమిళ సినిమాలో భాగమవుతున్నారు. ఇకపోతే ప్రస్తుతం కన్నడలో రెండు సినిమాల్లో జేడీ చక్రవర్తి నటిస్తున్నారు. అందులో ఒకటి జోగి దర్శకత్వంలో తెరకెక్కుతున్న ‘ప్రేమ్’ కాగా మరొకటి థ్రిల్లర్ కాన్సెప్ట్ మూవీ WHO. తెలుగులో మ్యాంగో ప్రొడక్షన్స్ వారితో ‘బ్రేకింగ్ న్యూస్’, JK క్రియేషన్స్ బ్యానర్‌పై ‘ది కేస్’ సినిమా చేస్తున్నారు. అలాగే మలయాళంలో రెండు డిఫరెంట్ కాన్సెప్ట్ సినిమాకు కమిటై ఉన్నారు. మొత్తానికి చాలా రోజుల తర్వాత బిజీ అయిపోతున్నాడు ఈ సీనియర్ నటుడు.

Read More :

కోట్లు ఇచ్చినా అది చేయను.. అల్లు అర్జున్ నిర్ణయానికి అందరూ ఫిదా..

విజయ్ దేవరకొండ లైగర్‌కు నిజంగా అన్ని కోట్ల బిజినెస్ జరుగుతుందా..?

Ravi Teja Remuneration | పెరిగిపోతున్న ర‌వితేజ రెమ్యున‌రేష‌న్..అస‌లు సీక్రెట్ అదేనా..?

Hari Hara Veera Mallu | హ‌రి హ‌ర వీర‌మ‌ల్లు ఎన్ని కాస్ట్యూమ్స్ లో క‌నిపించ‌నున్నాడో తెలుసా..?

Vijay 66th | దిల్ రాజుతో చేస్తుంది తెలుగు సినిమా కాదా..? విజ‌య్ క్లారిటీ