Tillu Square Movie Collections | టాలీవుడ్ స్టార్ బాయ్ సిద్ధూ జొన్నలగడ్డ నటించిన తాజా చిత్రం టిల్లు స్క్వేర్ (Tillu Square). రెండేండ్ల కిందట వచ్చిన బ్లాక్ బస్టర్ కామెడీ ఎంటర్టైనర్ డీజే టిల్లుకు సీక్వెల్గా వచ్చిన ఈ చిత్రం మార్చి 29న విడుదలై సూపర్ హిట్ టాక్తో బాక్సాఫీస్ వద్ద దూసుకుపోతుంది. ఇక ఈ సినిమా మొదటిరోజు నుంచే బాక్సాఫీస్ మీద దండయాత్ర చేస్తున్న విషయం తెలిసిందే. ఫస్ట్ డే రోజే వరల్డ్ వైడ్గా రూ. 23.7 కోట్ల రాబట్టిన ఈ చిత్రం మూడు రోజుల్లో రూ.50 కోట్లకు పైగా వసూళ్లను రాబట్టింది. తాజాగా ఈ సినిమా కలెక్షన్లు చూసుకుంటే 5 రోజుల్లో రూ.85 కోట్ల వసూళ్లను రాబట్టి.. ఇంకో రోజులో రూ.100 కోట్ల క్లబ్లో ఎంటర్కానున్నట్లు తెలుస్తుంది. ఇక ఏప్రిల్ 05 వరకు టాలీవుడ్లో పెద్ద సినిమాలేవి లేకపోవడంతో ఈ మూవీకి కలెక్షన్ల్ మరింత పెరిగే అవకాశం ఉంది.
మలయాళీ భామ అనుపమ పరమేశ్వరన్ కథనాయికగా నటించిన ఈ చిత్రంను మల్లిక్రామ్ (Mallik Ram) దర్శకత్వం వహించాడు. ఈ చిత్రాన్ని ఫార్చూన్ ఫోర్ సినిమాస్, సితారా ఎంటర్టైన్మెంట్స్ బ్యానర్లపై నాగ వంశీ, సాయి సౌజన్య నిర్మించారు. శ్రీ చరణ్ పాకాల, రామ్ మిరియాల సాంగ్స్, తమన్ బ్యాగ్రౌండ్ స్కోర్ అందించారు. ప్రిన్స్, మురళిధర్ తదితరులు ఇతర పాత్రల్లో నటించారు.
#TilluSquare registers a MASSIVE 𝟖𝟓 𝐂𝐑 𝐢𝐧 𝟓 𝐃𝐚𝐲𝐬, the DOUBLE BLOCKBUSTER run at the box office continues!! 🥳🤩
Racing towards 𝟏𝟎𝟎𝐂𝐑 𝐆𝐫𝐨𝐬𝐬 🔥😎
Our Starboy 🌟 shattering records all over! 🤘
– https://t.co/vEd8ktS2Po pic.twitter.com/RFWvUlPfad
— Sithara Entertainments (@SitharaEnts) April 3, 2024
ఈ సినిమా కథ విషయానికి వస్తే.. రాధికతో పంచాయితీ ముగిశాక, వచ్చిన డబ్బుతో ఈవెంట్ మేనేజ్మెంట్ కంపెనీ ప్రారంభించి రిచ్గా బతికేస్తుంటాడు టిల్లు. టిల్లు మేనేజ్మెంట్ పార్టీ అంటే జనాల్లో పిచ్చ క్రేజ్. ఓ రోజు టిల్లుకు పబ్లో లిల్లీ (అనుపమ పరమేశ్వరన్) తారసపడుతుంది. ఆమె అందానికి తొలి చూపులోనే ఫ్లాటైపోతాడు టిల్లు. ఆమెకు కూడా టిల్లులోని హ్యూమర్, యాటిడ్యూడ్ నచ్చి అతనితో పెదవి కలుపుతుంది. ఆ రాత్రి ఇద్దరూ ఒకటవుతారు. తెల్లారితే లిల్లీ కనిపించదు. అక్కడే తను వదిలివెళ్లిన లెటర్ కనిపిస్తుంది. ఆ లెటర్ చదివి, లిల్లీ కోసం వెతకడం మొదలుపెడతాడు టిల్లు. రోజూ ఆమె ధ్యానంలోనే ఉంటూ ఉంటాడు. నెల రోజుల తర్వాత ఓ హాస్పిటల్లో లిల్లీ కనిపిస్తుంది. తాను ప్రెగ్నెంట్ అని చెబుతుంది. టిల్లు పెళ్లి చేసుకుంటానని ఇంటికి తీసుకొస్తాడు. ఇలా ఆనందంగా అతని జీవితం నడుస్తుంటుంది. ఆ రోజు టిల్లు పుట్టినరోజు. టిల్లుకు ఫోన్ వస్తుంది. ఫోన్లో లిల్లీ.. తన ఫ్లాట్కి అర్జంట్గా రమ్మంటుంది. తను వెళ్తాడు.. తీరా వెళ్లాక తెలుస్తుంది అది రాధిక ఫ్లాట్. రాధిక ఫ్లాట్లో లిల్లీకి పనేంటి? రాధికకూ లిల్లీకీ మధ్య సంబంధం ఏంటి? టిల్లూని లిల్లీ ఎందుకు కలిసింది? అసలు ఈ లిల్లీ ఎవరు? ఈ ప్రశ్నలకు సమధానమే మిగతా కథ.