ప్రీ వెడ్డింగ్‌ షూట్‌ కహానీ

‘ప్రపంచానికి తెలియటం కంటే ముందే తిరువీర్‌ గురించి నాకు తెలుసు. తను కలల ప్రపంచంలో జీవించటాన్ని చూసి నేను సంతోషపడుతుంటాను. ఈ సినిమా టీజర్‌ చల్లటిగాలి మనసుని హత్తుకున్నట్లుగా ఆసక్తికరంగా ఉంది’ అని విజయ్‌ దేవరకొండ ‘ది గ్రేట్‌ ప్రీ వెడ్డింగ్‌ షో’ చిత్రబృందాన్ని అభినందించారు.

‘ప్రపంచానికి తెలియటం కంటే ముందే తిరువీర్‌ గురించి నాకు తెలుసు. తను కలల ప్రపంచంలో జీవించటాన్ని చూసి నేను సంతోషపడుతుంటాను. ఈ సినిమా టీజర్‌ చల్లటిగాలి మనసుని హత్తుకున్నట్లుగా ఆసక్తికరంగా ఉంది’ అని విజయ్‌ దేవరకొండ ‘ది గ్రేట్‌ ప్రీ వెడ్డింగ్‌ షో’ చిత్రబృందాన్ని అభినందించారు. తిరువీర్‌, టీనా శ్రావ్య జంటగా నటించిన ఈ చిత్రానికి రాహుల్‌ శ్రీనివాస్‌ దర్శకత్వం వహించారు. నవంబర్‌ 7న ప్రేక్షకుల ముందుకురానుంది. ఈ చిత్ర టీజర్‌ను అగ్ర హీరో విజయ్‌ దేవరకొండ రిలీజ్‌ చేశారు.

‘ఇదేన్నా మా ఊళ్లో రమేష్‌ ఫొటో స్టూడియో. ఈ మండలంలో బర్త్‌డే అయినా, వెడ్డింగ్‌ అయినా, ప్రీ వెడ్డింగ్‌ అయిన మన దగ్గరే చేయించుకుంటారన్నా..’ అనే డైలాగ్‌తో మొదలైన టీజర్‌ వినోదాత్మకంగా సాగింది. ప్రీ వెడ్డింగ్‌ షూట్‌ ఈవెంట్‌ నేపథ్యంలో నాయకానాయికల మధ్య నడిచే ప్రేమకథ..ఈ క్రమంలో పండే వినోదంతో ఆకట్టుకుంది. ఈ చిత్రానికి సినిమాటోగ్రఫీ: కె.సోమశేఖర్‌, సంగీతం: సురేష్‌ బొబ్బిలి, నిర్మాత: సందీప్‌ అగరం, ఆస్మితా రెడ్డి బాసిని, రచన-దర్శకత్వం: రాహుల్‌ శ్రీనివాస్‌.