చెవిలో పుష్పాలు పెట్టకండి

దర్శకత్వంతో పాటు నటనలో కూడా రాణిస్తున్నారు తరుణ్‌భాస్కర్‌. ఆయన నటిస్తున్న తాజా చిత్రం ‘ఓం శాంతి శాంతి శాంతిః’. ఏఆర్‌ సజీవ్‌ దర్శకుడిగా పరిచయమవుతున్నాడు.

దర్శకత్వంతో పాటు నటనలో కూడా రాణిస్తున్నారు తరుణ్‌భాస్కర్‌. ఆయన నటిస్తున్న తాజా చిత్రం ‘ఓం శాంతి శాంతి శాంతిః’. ఏఆర్‌ సజీవ్‌ దర్శకుడిగా పరిచయమవుతున్నాడు. ఈ నెల 30న ప్రేక్షకుల ముందుకురానుంది. హాస్య ప్రధానంగా గ్రామీణ నేపథ్యంలో తెరకెక్కించారు. శుక్రవారం చిత్ర ట్రైలర్‌ను అగ్ర హీరో విజయ్‌ దేవరకొండ ఆవిష్కరించారు.

కోనసీమ నేపథ్యంలో సాగే ఈ కథలో ఓంకార్‌ నాయుడు పాత్రలో చక్కటి కామెడీ పండించారు తరుణ్‌భాస్కర్‌. ‘కలకత్తాలో చేపలని జలపుష్పాలు అంటారు. మీ పుష్పాలు నా చెవిలో పెట్టకండి’ అంటూ గోదావరి యాసలో ఆయన చెప్పిన సంభాషణలు హైలైట్‌గా నిలిచాయి. తరుణ్‌భాస్కర్‌-ఈషా రెబ్బా మధ్య కెమిస్ట్రీ ఆకట్టుకుంది. ఈ చిత్రానికి సంగీతం: జైక్రిష్‌, నిర్మాణ సంస్థ: యస్‌ ఒరిజినల్స్‌, మూవీ వెర్స్‌ స్టూడియోస్‌, రచన-దర్శకత్వం: ఏ.ఆర్‌.సజీవ్‌.