త‌మిళ సూప‌ర్ హిట్ చిత్రాన్ని రీమేక్ చేయ‌నున్న సునీల్

ఇటీవ‌లి కాలంలో రీమేక్‌ల ట్రెండ్ బాగా పెరిగింది. ఒక భాష‌లో ఏదైన చిత్రం హిట్ అయింది అంటే ఆ సినిమా ఇత‌ర భాష‌ల‌లో వెంట‌నే రీమేక్ అవుతుంటుంది. ఈమ‌ధ్య మ‌ల‌యాళంలో విడుద‌లై మంచి విజ‌యం సాధించిన దృశ్యం 2 తెలుగు, త‌మిళం, హిదీ భాష‌ల‌లో రీమేక్ అవుతుంది. ఇక తాజాగా తమిళంలో తమిళ స్టార్ కమెడియన్ యోగిబాబు టైటిల్ రోల్లో నటించిన మండేలా సినిమాను తెలుగులో రీమేక్ చేసేందుకు స‌న్నాహాలు చేస్తున్న‌ట్టు తెలుస్తుంది. పొలిటిక‌ల్ సెటైర్‌తో పాటు కామెడీ చిత్రంగా తెర‌కెక్కిన ఈ సినిమా రైట్స్ ఇప్పటికే ఏకే ఎంటర్టైన్మెంట్స్ బ్యానర్ ద‌క్కించుకోగా, రీమేక్ లో సునీల్ అయితే బాగుంటుంద‌ని నిర్మాత‌లు భావిస్తున్నార‌ట‌.

యోగి బాబు పాత్రలో బండ్లగణేష్ నటించే అవకాశం ఉందని ఆ మ‌ధ్య ప్రచారం జరిగింది. ఇప్పుడు సునీల్ పేరు ఫ్రేంలోకి వ‌చ్చింది. ఆయ‌న‌తో నిర్మాత‌లు సంప్ర‌దించేందుకు సన్నాహాలు చేస్తున్న‌ట్టు టాక్. నాయి బ్రాహ్మణులకు సంబంధించిన కథాంశంతో రూపొందిన ఈ సినిమా ఈ మధ్యనే నెట్ ఫ్లిక్స్ లో విడుదలై సూపర్ హిట్ అందుకుంది. ద‌ర్శ‌కుడిని ఫైన‌లైజ్ చేశాక మూవీపై అఫీషియ‌ల్ ప్ర‌క‌ట‌న వ‌చ్చే అవ‌కాశం ఉంది.

ఇవికూడా చదవండి..

500 మంది వైద్యులకు ఉచిత భోజనం

టీకా వేసుకున్నా కరోనా వైరస్‌

విదేశీ సాయంపై పారదర్శకత ఏది?

కొవిడ్‌ చికిత్సకు యాంటీబాడీ కాక్‌టైల్‌

దవాఖానల్లో ఫైర్‌ సేఫ్టీపై సమీక్షించండి

తండ్రి చితిమంటల్లో దూకిన కూతురు