బాలీవుడ్ (Bollywood) ఇండస్ట్రీలో ఈ రోజుల్లో విడాకులు (Divorce) సర్వసాధారమైపోయాయని ప్రత్యేకించి చెప్పనవసరం లేదు. ఇప్పటికే చాలా మంది సెలబ్రిటీలు వివిధ కారణాలతో తమ వైవాహిక బంధానికి గుడ్ బై చెప్పి..విడాకులు తీసుకున్నారు. తాజాగా ఈ జాబితాలో స్టార్ హీరో సల్మాన్ ఖాన్ సోదరుడు సోహైల్ఖాన్ చేరిపోయాడు. తాజా అప్ డేట్ ప్రకారం సోహైల్ ఖాన్ (Sohail Khan) తన భార్య సీమాఖాన్ (Seema Khan)కు విడాకులిచ్చాడట.
ముంబైలోని స్పెషల్ కోర్టు వీరిద్దరికి విడాకులు మంజూరు చేసినట్టు బీటౌన్ సర్కిల్ టాక్. సోహైల్-సీమాఖాన్కు ఇద్దరు పిల్లలున్నారు. సల్మాన్ ఖాన్కు ఇద్దరు సోదరులు అర్బాజ్ ఖాన్, సోహైల్ ఖాన్ ఉండగా..ఇప్పటికే అర్బాజ్ ఖాన్-మలైకా అరోరాకు విడాకులు ఇచ్చేశాడు. తాజా సోహైల్ కూడా తన భార్య సీమాఖాన్కు విడాకులు ఇవ్వడం టాక్ ఆఫ్ ది ఇండస్ట్రీగా మారిపోయింది.
కారణాలేంటనే దానిపై స్పష్టత లేకున్నా..సోహైల్ ఖాన్ చాలా కాలంగా సీమా ఖాన్కు దూరంగా విడిగా జీవిస్తున్నాడట. ఈ ఇద్దరు విడాకులు తీసుకోవడంపై ఏమైనా క్లారిటీ ఇస్తారేమో చూడాలి మరి.