ప్రతీ సీన్‌ కొత్తగా ఉంటుంది!

‘డిజే టిల్లు’ ఫ్రాంచైజీతో యువతకు అభిమాన హీరోగా అవతరించారు సిద్ధు జొన్నలగడ్డ. ఆయన సినిమా వస్తుందంటే యూత్‌లో తెలియని అటెన్షన్‌. సిద్ధు తాజా సినిమా ‘తెలుసు కదా’.

‘డిజే టిల్లు’ ఫ్రాంచైజీతో యువతకు అభిమాన హీరోగా అవతరించారు సిద్ధు జొన్నలగడ్డ. ఆయన సినిమా వస్తుందంటే యూత్‌లో తెలియని అటెన్షన్‌. సిద్ధు తాజా సినిమా ‘తెలుసు కదా’. నీరజ కోనా దర్శకత్వంలో పీపుల్‌మీడియా ఫ్యాక్టరీ పతాకంపై టీజీ విశ్వప్రసాద్‌, కృతి ప్రసాద్‌ నిర్మించిన ఈ చిత్రం ఈ నెల 17న విడుదల కానున్నది. ఈ సందర్భంగా మంగళవారం సిద్ధు జొన్నలగడ్డ విలేకరులతో ముచ్చటించారు.

ఏడాదిన్నర క్రితమే నీరజ ఈ కథ చెప్పారు. చాలా ఎక్సైట్‌ అయ్యాను. ‘టిల్లు స్కేర్‌’ తర్వాత చేయబోయే సినిమా కాబట్టి క్యారెక్టరైజేషన్‌పై ఇంకా వర్క్‌ చేద్దామని చెప్పాను. కథ, క్యారెక్టరైజేషనే సినిమా విజయానికి ప్రధాన కారణాలని నేను నమ్ముతాను. అలా ఈ కథను లాక్‌ చేశాం. ఇందులో నా పాత్ర పేరు వరుణ్‌. తనది బలమైన వ్యక్తిత్వం. తాను మామూలుగా కనిపించినప్పటికీ.. తన ఆలోచనలు మాత్రం రాడికల్‌గా ఉంటాయి. కచ్చితంగా ఆడియన్స్‌ షాక్‌ అవుతారు. హ్యూమర్‌ కూడా ఒక రేంజ్‌లో ఉంటుంది. మేమేదైతే చూసి ఎక్సైట్‌ అయ్యామో ఆడియన్స్‌ కూడా అలాగే ఫీలవుతారని నమ్ముతున్నా.

• ఇది ఒరిజినల్‌ ఫిల్మ్‌. 80శాతం ఇందులో కొత్త సీన్స్‌ ఉంటాయి. లవ్‌, లవ్‌ మ్యారేజ్‌, ఫ్యామిలీ రిలేషన్‌ షిప్‌ గురించి డిస్కషన్‌ ఉంటుంది. లవ్‌, లైఫ్‌ మీద డైలాగులు హార్డ్‌ హిట్టింగ్‌గా ఉంటాయి. ప్రతీ సీన్‌ కొత్తగా ఉంటుంది. , నిధి పాత్రలు కూడా స్ట్రాంగ్‌గా ఉంటాయి. వాళ్లకి మించిన స్ట్రాంగ్‌ క్యారెక్టర్‌ హీరోది. ఈ సినిమా రిలీజయ్యాక దీనికంటూ ఓ జానర్‌ క్రియేట్‌ అవుతుందని నమ్ముతున్నా.
• మేకింగ్‌లో నేను ఇన్వాల్వ్‌ అవ్వడంలో తప్పేం లేదని నా అభిప్రాయం. ఒక సినిమా హిట్‌ అయితే.. గ్రేట్‌ డైరెక్షన్‌, మ్యూజిక్‌, కెమెరా, యాక్టింగ్‌ అంటారు. అదే పోతే.. నేను ఇన్వాల్వ్‌ అయ్యాను కాబట్టి నా వల్ల పోయింది అంటారు. హిట్‌ అయితే క్రెడిట్‌ అందరికీ. పోతే నా ఒక్కడ్నే బ్లేమ్‌ చేస్తారు. దానికి తెగించే ఇక్కడ ఉన్నాను. ఇన్వాల్వ్‌ అవ్వకుండా సినిమా చేయడం నా కల. అయితే.. నాకు ఆ సుఖం లేదు. నీరజగారికి డైరెక్షన్‌ కొత్త. కొత్తవాళ్లతో పనిచేయడం రిస్క్‌తో కూడుకున్న పనే. అయితే.. ఆ రిస్క్‌తోపాటు ఒక రివార్డు కూడా ఉంటుంది. నీరజగారు డైరెక్టర్‌ అనుకున్నప్పుడు ఎలాంటి టీమ్‌తో వెళ్లాలనేది ముందుగానే నిర్ణయించుకున్నాం. ఆ ఫ్రీడమ్‌ నాకు నిర్మాత విశ్వప్రసాద్‌ ఇచ్చారు. పీపుల్‌ మీడియాతో వర్క్‌ చేయడం గొప్ప అనుభవం. నీరజగారు కూడా సినిమాను అనుకున్నదానికంటే అద్భుతంగా తీశారు. సాంకేతికంగా అన్ని విధాలా సినిమా ఆకట్టుకుంటుంది.