Shilpa Shetty | షూ వేసుకొని జాతీయ జెండా ఎగురవేసిందంటూ ట్రోల్స్‌.. విమర్శలకు గట్టి కౌంటర్‌ ఇచ్చిన శిల్పాశెట్టి

Shilpa Shetty | విమర్శకులకు గట్టి కౌంటర్‌ ఇచ్చారు బాలీవుడ్‌ స్టార్‌ నటి శిల్పా శెట్టి (Shilpa Shetty). త్రివర్ణ పతాకాన్ని ఎగురవేసే సమయంలో పాటించాల్సిన నిబంధనల గురించి తనకు పూర్తి అవగాహన ఉందని స్పష్టం చేసింది.

August 16, 2023 / 12:26 PM IST

Shilpa Shetty | షూ వేసుకొని జాతీయ జెండా ఎగురవేసిందంటూ ట్రోల్స్‌.. విమర్శలకు గట్టి కౌంటర్‌ ఇచ్చిన శిల్పాశెట్టి

Shilpa Shetty | విమర్శకులకు గట్టి కౌంటర్‌ ఇచ్చారు బాలీవుడ్‌ స్టార్‌ నటి శిల్పా శెట్టి (Shilpa Shetty). 77వ స్వాతంత్య్ర దినోత్సవ వేడుకల్ని (Independence Day) దేశవ్యాప్తంగా మంగళవారం ఘనంగా జరుపుకున్న విషయం తెలిసిందే. ఈ సందర్భంగా ఇళ్లు, కార్యాలయాల వద్ద ప్రజలు జెండా వందనం (Hoisting Flag ) చేశారు. అందుకు సంబంధించిన ఫొటోలు, వీడియోలను సామాజిక మాధ్యమాల ద్వారా షేర్‌ చేశారు. బాలీవుడ్‌ స్టార్‌ నటి శిల్పా శెట్టి కూడా ముంబై జుహూలోని తన నివాసంలో కుటుంబ సభ్యులతో కలిసి జెండా ఎగురవేసింది. ఇందుకు సంబంధించిన వీడియోను ఇన్‌స్టాగ్రామ్ లో పోస్టు చేసింది.

అయితే జెండా ఎగురవేస్తున్న సమయంలో శిల్పా కాళ్లకు షూ (Shoes) ధరించి కనిపించింది. దీంతో నటిపై నెటిజన్లు తీవ్ర స్థాయిలో విమర్శలు చేశారు. జాతీయ జెండా ఎగురవేస్తున్న సమయంలో చెప్పులేసుకోవడం ఏంటి..? అంటూ ట్రోల్స్‌ చేశారు. దీనిపై శిల్పా స్పందించింది. త్రివర్ణ పతాకాన్ని ఎగురవేసే సమయంలో పాటించాల్సిన నిబంధనల గురించి తనకు పూర్తి అవగాహన ఉందని స్పష్టం చేసింది. ఈ మేరకు ఫ్లాగ్‌ కోడ్‌లో చెప్పులేసుకోకూడదన్న నియమం ఎక్కడా లేదంటూ గూగుల్‌ లో ఓ ఆర్టికల్‌ను వెతికి మరీ పోస్ట్‌ చేసింది. వాస్తవాలు తెలుసుకుని మాట్లాడండి అంటూ విమర్శకులకు గట్టి కౌంటర్‌ ఇచ్చింది.