రాజగోపాల్రెడ్డికి హైకమాండ్ పిలుపు!
తెలంగాణ కాంగ్రెస్లో సొంత పార్టీ నేతలపై బహిరంగ విమర్శలతో చర్చల్లో నిలిచిన మునుగోడు ఎమ్మెల్యే కోమటిరెడ్డి రాజగోపాల్రెడ్డికి పార్టీ హైకమాండ్ నుంచి పిలుపు అందింది.
- 23న కొత్త ఇన్చార్జి సందీప్తో భేటీ కావాలని ఆదేశం
హైదరాబాద్, నవంబర్ 21 (నమస్తే తెలంగాణ) : తెలంగాణ కాంగ్రెస్లో సొంత పార్టీ నేతలపై బహిరంగ విమర్శలతో చర్చల్లో నిలిచిన మునుగోడు ఎమ్మెల్యే కోమటిరెడ్డి రాజగోపాల్రెడ్డికి పార్టీ హైకమాండ్ నుంచి పిలుపు అందింది. 23న కాంగ్రెస్ రాష్ట్ర వ్యవహారాల కొత్త ఇన్చార్జిగా నియమితులైన బీఎం సందీప్తో భేటీ కావాలని ఏఐసీసీ కార్యదర్శి సచిన్ సావంత్ ఆయనకు ఫోన్ చేసి సూచించినట్టు తెలిసింది. ఇటీవల ప్రభుత్వం, సొంత పార్టీ నేతలపై రాజగోపాల్రెడ్డి చేసిన విమర్శలు రాజకీయంగా కలకలం రేపిన నేపథ్యంలో హైకమాండ్ ఆయనతో సంప్రదింపులు జరిపి, కొత్త ఇన్చార్జితో భేటీ కావాలని సూచించడం ఆసక్తికరంగా మారింది.
తెలంగాణ కాంగ్రెస్ వ్యవహారాల బాధ్యతలు చేపట్టనున్న బీఎం సందీప్ రాష్ట్ర పార్టీ పరిస్థితులపై అవగాహన పెంచుకునే క్రమంలో సీనియర్ నేతలు, అసంతృప్తులతో విడివిడిగా చర్చించే అవకాశమున్నది. రాజగోపాల్రెడ్డితో జరిగే సమావేశం ప్రాధాన్యం సంతరించుకున్నది. పార్టీలో ఆయన వ్యక్తం చేస్తున్న అసంతృప్తి, ప్రభుత్వంపై చేసిన వ్యాఖ్యలు, నాయకత్వంతో ఆయనకున్న విభేదాలపై ఈ భేటీలో చర్చించే అవకాశం ఉన్నట్టు పార్టీ వర్గాల్లో ప్రచారం జరుగుతున్నది. కొత్త ఇన్చార్జి బాధ్యతలు చేపట్టకముందే పార్టీ అంతర్గత పరిస్థితులను చకదిద్దడంపై హైకమాండ్ దృష్టిసారించినట్టు కనిపిస్తున్నది. 23న జరిగే సమావేశంలో రాజగోపాల్రెడ్డి వైఖరి, ఆయన లేవనెత్తుతున్న అంశాలపై సందీప్ ఎలా స్పందిస్తారనేది కాంగ్రెస్ వర్గాల్లో ఆసక్తికరంగా మారింది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

