Tiger 3 | థియేటర్‌లో టపాసులు పేల్చి.. వీరంగం సృష్టించిన సల్మాన్‌ అభిమానులు.. VIDEO

Tiger 3 | బాలీవుడ్‌ కండలవీరుడు సల్మాన్‌ ఖాన్‌ (Salman Khan) ప్రధాన పాత్రలో నటించిన ‘టైగర్‌ 3’ (Tiger 3) చిత్ర ప్రదర్శనలో కొందరు వీరంగం సృష్టించారు. సల్మాన్‌ ఎంట్రీ సమయంలో థియేటర్‌లో స్క్రీన్‌ ముందు టపాసులు పేల్చారు (Firecrackers Inside Theatre).

Tiger 3 | ప్రేక్షకులు ఎప్పుడెప్పుడా అని ఎదురుచూసిన చిత్రం ‘టైగర్‌ 3’ (Tiger 3). బాలీవుడ్‌ కండలవీరుడు సల్మాన్‌ ఖాన్‌ (Salman Khan) ప్రధాన పాత్రలో నటించిన ఈ చిత్రానికి మనీశ్‌ శర్మ దర్శకత్వం వహించారు. దీపావళి కానుకగా ఈ సినిమా నవంబర్ 12 న ప్రపంచ‌వ్యాప్తంగా విడుద‌ల అయ్యింది. అయితే సల్మాన్‌ ఖాన్ టైగ‌ర్ ప్రాంఛైజీలో నటించిన సినిమాలు బాక్సాఫీస్‌ వద్ద ట్రెండ్‌ సెట్‌ చేశాయని ప్రత్యేకించి చెప్పనవసరం లేదు. ఇప్పుడు ఇదే జోనర్‌లో ‘టైగర్‌ 3’ (Tiger 3) రావడంతో ప్రేక్షకులు, సల్మాన్‌ అభిమానులు థియేటర్లకు క్యూ కట్టారు.

ఈ నేపథ్యంలో కొందరు సినీ లవర్స్‌ మహారాష్ట్ర (Maharashtra)లోని మాలెగావ్‌ (Malegaon)లోని మోహన్ సినిమా థియేటర్‌లో వీరంగం సృష్టించారు. సల్మాన్‌ ఎంట్రీ సమయంలో థియేటర్‌లో స్క్రీన్‌ ముందు టపాసులు పేల్చారు (Firecrackers Inside Theatre). దీంతో సినిమా చూసేందుకు వచ్చిన ప్రేక్షకులు ఒక్కసారిగా భయాందోళనకు గురయ్యారు. థియేటర్‌ నుంచి బయటకు పరుగులు తీశారు. ఇంకొందరు థియేటర్‌లో డ్యాన్స్‌ చేస్తూ కనిపించారు. ఇందుకు సంబంధించిన వీడియో ప్రస్తుతం నెట్టింట వైరల్‌ అవుతోంది. ఇది చూసిన నెటిజన్లు మండిపడుతున్నారు.

Video नासिक जिले के मालेगांव के एक सिनेमा हॉल का बताया जा रहा। कुछ महामूर्ख #Tiger3 फ़िल्म देखने आये और हॉल में पटाखे जलाने लगे। ये कितना ख़तरनाक है। सोचिए, लोग बच्चों, परिवार के साथ आये होंगे। जान जा सकती थी।ऐसा करने वाले मूर्खों के साथ थिएटर मलिक पर भी कार्रवाई होनी चाहिए। pic.twitter.com/heYbhSYVIz

— Bhadohi Wallah (@Mithileshdhar) November 13, 2023

మరోవైపు థియేటర్‌లో బాణాసంచా కాల్చడంపై సల్మాన్‌ స్పందించారు. ఇలా చేయడం చాలా ప్రమాదకరమంటూ ఎక్స్‌లో పోస్టు పెట్టారు. ‘‘టైగర్‌ 3’ చిత్ర ప్రదర్శన సమయంలో థియేటర్‌లో బాణాసంచా కాల్చడం గురించి నా దృష్టికి వచ్చింది. ఇది చాలా ప్రమాదకరం. మనతోపాటు చుట్టూ ఉన్న వారిని రిస్క్‌లో పెట్టకుండా సినిమాని ఎంజాయ్‌ చేద్దాం. సురక్షితంగా ఉండండి’ అంటూ రాసుకొచ్చారు.

I’m hearing about fireworks inside theaters during Tiger3. This is dangerous. Let’s enjoy the film without putting ourselves and others at risk. Stay safe.

— Salman Khan (@BeingSalmanKhan) November 13, 2023

మరోవైపు ఈ మూవీ తొలి రోజు భారీగా వసూళ్లు రాబట్టింది. గ్లోబల్‌గా, దేశీయంగా కలెక్షన్‌ల వర్షం కురిసింది. ఇండియాలో అన్ని భాషల్లో కలిపి రూ. 44 కోట్ల నెట్‌ కలెక్షన్స్‌ సాధించింది. అదే ప్రపంచవ్యాప్తంగా అయితే రూ. 94 కోట్ల నెట్‌ కలెక్షన్స్‌ రాబట్టి ఇప్పటి వరకు ఉన్న అన్నీ రికార్డులను బద్దలు కొట్టింది. ఇక బాలీవుడ్‌లో అత్యధిక ఓపెనింగ్స్ సాధించిన దీపావళి సినిమాగా టైగర్ 3 రికార్డు న‌మోదు చేసింది.

యష్‌ రాజ్‌ ఫిలింస్‌ నిర్మించిన‌ ఈ సినిమాలో సల్మాన్‌కు జోడీగా బాలీవుడ్ భామ కత్రినా కైఫ్‌ హీరోయిన్‌గా నటించింది. బాలీవుడ్ కింగ్ ఖాన్ షారుఖ్‌ ఖాన్ కీలక పాత్రలో నటిస్తున్నాడు. ఇక గతంలో ఈ సిరీస్‌లో తెరకెక్కిన ఏకా థా టైగర్, టైగర్‌ జిందా హే సినిమాలు బాక్సాఫీస్‌ దగ్గర భారీ వసూళ్ళను సాధించాయి.

Also Read..

Most Polluted Cities | దివాళీ ఎఫెక్ట్‌.. అత్యంత కాలుష్య నగరాల్లో ఢిల్లీ టాప్‌.. మరో రెండు నగరాలు కూడా

Diwali Celebrations | కుటుంబంతో కలిసి దీపావళిని సెలబ్రేట్‌ చేసుకున్న రిషి సునాక్‌.. వీడియో

Leopard | పటాకుల శబ్దానికి భయపడిన చిరుత.. 15 గంటల పాటూ ఇంట్లోనే నక్కి