దసరా బరిలో మాస్‌జాతర?

రవితేజ కథానాయకుడిగా నటిస్తున్న తాజా చిత్రం ‘మాస్‌జాతర’ ఇటీవలే షూటింగ్‌ పూర్తిచేసుకుంది. బ్యాలెన్స్‌గా ఉన్న పాటను తెరకెక్కించారు.

రవితేజ కథానాయకుడిగా నటిస్తున్న తాజా చిత్రం ‘మాస్‌జాతర’ ఇటీవలే షూటింగ్‌ పూర్తిచేసుకుంది. బ్యాలెన్స్‌గా ఉన్న పాటను తెరకెక్కించారు. శ్రీలీల కథానాయికగా నటిస్తున్న ఈ చిత్రాన్ని సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ నిర్మిస్తున్నారు. తొలుత ఈ చిత్రాన్ని ఆగస్ట్‌లో విడుదల చేయడానికి సన్నాహాలు చేశారు. తాజా సమాచారం ప్రకారం దసరా బరిలో ఈ చిత్రాన్ని విడుదల చేయబోతున్నారని తెలుస్తున్నది. అంటే అక్టోబర్‌లో మొదటివారంలో ఈ సినిమా ప్రేక్షకుల ముందుకొస్తుంది.

రవితేజ శైలి మాస్‌ అంశాలతో రూపొందిన ఈ చిత్రానికి భాను భోగవరపు దర్శకత్వం వహించారు. భీమ్స్‌ సిసిరోలియో సంగీతాన్నందించారు. అయితే ఈ సినిమా విడుదల విషయమై చిత్రబృందం నుంచి అధికారిక ప్రకటన రావాల్సి ఉంది.