రవితేజతో మరిన్ని సినిమాలు చేస్తాం

అనతికాలంలోనే తెలుగు సినీరంగంలో అగ్ర నిర్మాణ సంస్థగా ఎదిగింది పీపుల్‌ మీడియా ఫ్యాక్టరీ. ఇప్పుడీ సంస్థ లైనప్‌లో పదిహేను సినిమాలు రిలీజ్‌కు సిద్ధంగా ఉన్నాయి. వచ్చే ఏడాది దాదాపు పది చిత్రాలను తెరకెక్కించబోతున్నామని చెప్పారు పీపుల్‌ మీడియా సంస్థ సారథి, నిర్మాత టీజీ విశ్వప్రసాద్‌.

అనతికాలంలోనే తెలుగు సినీరంగంలో అగ్ర నిర్మాణ సంస్థగా ఎదిగింది పీపుల్‌ మీడియా ఫ్యాక్టరీ. ఇప్పుడీ సంస్థ లైనప్‌లో పదిహేను సినిమాలు రిలీజ్‌కు సిద్ధంగా ఉన్నాయి. వచ్చే ఏడాది దాదాపు పది చిత్రాలను తెరకెక్కించబోతున్నామని చెప్పారు పీపుల్‌ మీడియా సంస్థ సారథి, నిర్మాత టీజీ విశ్వప్రసాద్‌. రవితేజ కథానాయకుడిగా హరీశ్‌శంకర్‌ దర్శకత్వంలో ఆయన నిర్మించిన తాజా చిత్రం ‘మిస్టర్‌ బచ్చన్‌’ ఈ నెల 15న ప్రేక్షకుల ముందుకురానుంది. ఈ సందర్భంగా అగ్ర నిర్మాత టీజీ విశ్వప్రసాద్‌ శనివారం పాత్రికేయులతో ముచ్చటిస్తూ పంచుకున్న విశేషాలు..

• రవితేజతో మా సంస్థకిది మూడో చిత్రం. ఇక ముందు కూడా ఆయనతో వరుస సినిమాలు చేస్తాం. రవితేజ-హరీశ్‌శంకర్‌ కాంబినేషన్‌కు మంచి క్రేజ్‌ ఉంది. ‘మిస్టర్‌ బచ్చన్‌’ చిత్రంలో యాక్షన్‌, ఎంటర్‌టైన్‌మెంట్‌, ఫ్యామిలీ ఎమోషన్స్‌..ఇలా అన్ని అంశాలుంటాయి. ఇక యాక్షన్‌ ఎపిసోడ్స్‌ పరంగా ‘ధమాకా’ చిత్రానికి రెండింతలుగా ఉంటుంది.
• తొలుత ఈ చిత్రాన్ని ఆగస్ట్‌ 9న విడుదల చేద్దామని ప్లాన్‌ చేశాం. అయితే ఓ సాంగ్‌ బ్యాలన్స్‌గా ఉండటంతో డేట్‌ ప్రకటించలేదు. ఈలోగా ‘పుష్ప-2’ రిలీజ్‌ వాయిదా పడటంతో ఆ స్లాట్‌లో మా సినిమాను తీసుకురావాలని నిర్ణయించుకున్నాం. లాంగ్‌వీకెండ్‌ మా సినిమాకు చాలా ప్లస్‌ అవుతుందని భావిస్తున్నాం.
• మిస్టర్‌ బచ్చన్‌’ చిత్రాన్ని చాలా గ్రాండ్‌ స్కేల్‌లో తెరకెక్కించాం. అనుకున్న బడ్జెట్‌తోనే పూర్తిచేశాం. ఈ సినిమా పాటలన్నీ సూపర్‌హిట్‌ అయ్యాయి. దర్శకుడు హరీశ్‌శంకర్‌, మ్యూజిక్‌ డైరెక్టర్‌ మిక్కీ జే మేయర్‌ మధ్య చక్కటి అవగాహన ఉండటంతో మ్యూజిక్‌పరంగా బెస్ట్‌ అవుట్‌పుట్‌ వచ్చింది.
• వంద సినిమాల టార్గెట్‌తో ఫ్యాక్టరీ మోడల్‌లో మా సంస్థను మొదలుపెట్టాం. ఆ ప్రయత్నాల్లో బిజీగా ఉన్నాం. ప్రస్తుతం 15 చిత్రాలు రిలీజ్‌కు సిద్ధంగా ఉన్నాయి. వచ్చే ఏడాది పది చిత్రాలు లైనప్‌లో ఉన్నాయి.
  l ప్రభాస్‌తో మా సంస్థ చేస్తున్న ప్రెస్టీజియస్‌ ప్రాజెక్ట్‌ ‘రాజాసాబ్‌’ షూటింగ్‌ యాభైశాతం పూర్తయింది. ప్రస్తుతం జీ2, మిరాయ్‌, సన్నీడియోల్‌తో చేస్తున్న హిందీ సినిమా షూటింగ్స్‌ జరుగుతున్నాయి. కన్నడంలో మూడు చిత్రాలు చేస్తున్నాం. తెలుగులో ఐదు చిత్రాలు నిర్మాణంలో ఉన్నాయి. వీటితో పాటు అమెరికాలో రెండు ప్రాజెక్ట్స్‌ చేస్తున్నాం. ఓటీటీ రిలీజ్‌కు ఐదు చిత్రాలు సిద్ధంగా ఉన్నాయి.