కథాబలమున్న సినిమాలు చేసే యాక్టర్లలో ఎప్పుడూ ముందు వరుసలో ఉంటాడు టాలీవుడ్ (Tollywood) యువ నటుడు నాగచైతన్య (Naga Chaitanya). బ్యాక్ టు బ్యాక్ సినిమాలతో విజయ్వంతంగా కెరీర్ కొనసాగిస్తున్న ఈ యువ హీరో సక్సెస్ ఫుల్ యువ నిర్మాతలతో మరోసారి కలిసి పనిచేయనున్నాడన్న వార్త ఇపుడు టాలీవుడ్ లో టాక్ ఆఫ్ ది టౌన్ గా మారింది. 2019 బ్లాక్ బాస్టర్ రొమాంటిక్ డ్రామాగా వచ్చిన చిత్రం మజిలీ. సమంత, దివ్యాంక కౌశిక్ ప్రధాన పాత్రల్లో నటిస్తున్నారు.
శివ నిర్వాణ దర్శకత్వం వహించిన ఈ మూవీని హరీశ్ పెద్ది (Harish Peddi), సాహు గారపాటి (Sahu Garapati) నిర్మించారు. ఈ చిత్రం బాక్సాపీస్ వద్ద రూ.45 కోట్లకు పైగా షేర్ రాబట్టింది. తాజా నిర్మాతలు హరీశ్ పెద్ది, సాహుగారపాటి మరోసారి చైతూతో కలిసి సినిమా చేసేందుకు రెడీ అవుతున్నారట. సెకండ్ సినిమాపై వీరి మధ్య చర్చలు కూడా నడుస్తున్నాయని టాక్. రానున్న రోజుల్లో దీనిపై క్లారిటీ వచ్చే అవకాశాలున్నాయి. మరోవైపు శేఖర్ కమ్ముల దర్శకత్వంలో నాగచైతన్య నటించిన లవ్ స్టోరీ సెప్టెంబర్ 10న థియేటర్లలో విడుదల కానుంది.
దీంతోపాటు రాశీఖన్నాతో కలిసి చేస్తున్న థాంక్యూ సినిమా కూడా విడుదలకు రెడీగా ఉంది. నాగచైతన్య ఈ ఏడాది అమీర్ఖాన్ నటిస్తోన్న లాల్ సింగ్ చధా సినిమాతో బాలీవుడ్ ఎంట్రీ కూడా ఇస్తున్నాడు. మొత్తానికి వరుస సినిమాలతో ఆడియెన్స్ ను ఎంటర్ టైన్ చేసేందుకు రెడీ అవుతున్నాడు చైతూ.
Surender Reddy: పవన్ సినిమాకు ముందు మరో సినిమా ప్లాన్ చేసిన సురేందర్ రెడ్డి ..!
Sunny Leone | బీచ్ లో బీరు పొంగించిన సన్నీలియోన్..వీడియో వైరల్