చిరంజీవి మామూలోడు కాదు.. నవ్వుతూనే అన్నీ చెప్పేశాడు..

Mega star Chiranjeevi | లెజెండరీ నటుడు అల్లు రామలింగయ్య శత జయంతి వేడుకల్లో మెగాస్టార్ చిరంజీవి చేసిన కామెంట్స్ ఇప్పుడు వైరల్ అవుతున్నాయి. ఆయన నవ్వుతూనే ఈ మాటలు చెప్పినా కూడా వాటి అంతరార్థం మరోలా ఉంది.

Mega star Chiranjeevi | లెజెండరీ నటుడు అల్లు రామలింగయ్య శత జయంతి వేడుకల్లో మెగాస్టార్ చిరంజీవి చేసిన కామెంట్స్ ఇప్పుడు వైరల్ అవుతున్నాయి. ఆయన నవ్వుతూనే ఈ మాటలు చెప్పినా కూడా వాటి అంతరార్థం మరోలా ఉంది. ఇప్పుడు దీని గురించి సోషల్ మీడియాలో చర్చ బాగా జరుగుతుంది. మరీ ముఖ్యంగా అల్లు రామలింగయ్యతో తన పరిచయం.. ఆ తర్వాత అతనికి అల్లుడ‌య్యే క్రమంలో వాళ్ళు చేసిన పనుల గురించి చిరంజీవి చాలా ఫన్నీగా చెప్పాడు. 1978 మన ఊరి పాండవులు షూటింగ్‌లో మొదటిసారి అల్లు రామలింగయ్యను చూశానని.. అప్పటి నుంచే తనపై ఆయన కన్ను పడింది అంటూ కామెడీ చేశాడు చిరంజీవి.

ఆ తర్వాత తాను ఎక్కడికి వెళ్లినా కూడా ప్రత్యేక దృష్టి పెట్టి.. ఈ కుర్రాడికి ఎలాంటి చెడు అలవాట్లు లేవు.. అమ్మాయిలకు దూరంగా ఉన్నాడు.. ఇప్పుడు వీడిని వదిలేస్తే మళ్లీ చేయి జారిపోతాడు.. ఇంటి అల్లుణ్ని చేసుకుంటే ఓ పని అయిపోతుంది అని అందరూ కలిసి ప్లాన్ చేసి తనకు సురేఖను ఇచ్చి పెళ్లి చేశారు అంటూ చిరంజీవి చేసిన కామెంట్స్ అందర్నీ కడుపు చెక్కలయ్యేలా నవ్వించాయి. కేవలం పాతికేళ్ల వయసులో తనను ఒక పొట్టేలులా ముస్తాబు చేసి పెళ్లి పీటలపై కూర్చోబెట్టారు అంటూ సెటైర్స్ వేశాడు మెగాస్టార్.
తన ఫ్యూచర్‌ను అల్లు ఫ్యామిలీ అప్పుడే అంచనా వేసింద‌ని.. ముఖ్యంగా అల్లు అరవింద్ అయితే ఇతడిని బావగా చేసుకుంటే నా ఫ్యూచర్ కూడా బాగుంటుంది అని అప్పుడే ప్లాన్ చేసుకున్నాడని.. అంతా కలిసి నాలాంటి అమాయకుడిని వలవేసి పట్టుకున్నారంటూ సెన్సేషనల్ కామెంట్స్ చేశాడు మెగాస్టార్. జోక్స్ పక్కన పెడితే అల్లు రామలింగయ్య ఇంటి అల్లుడవ్వడం తన అదృష్టమని.. ఇంత మంచి కుటుంబంలో తాను కూడా ఉండటం ఎప్పుడూ సంతోషాన్ని ఇస్తుంది అని చెప్పాడు చిరంజీవి. అల్లు రామ‌లింగ‌య్య‌ నుంచి తాను ఎన్నో నేర్చుకున్నానని.. చనిపోయిన ఆయన రెండో కొడుకును తనలో చూసుకున్నాడు అంటూ ఎమోషనల్ అయ్యాడు చిరంజీవి.

Read More :

“అల్లు అర్జున్ మరో బాంబు.. తాత సాక్షిగా ఫ్యాన్స్‌ను చీల్చాడుగా..!”